Header Ads

ລົດ 12 ລໍ້ຢາງແຕກ ໄປຕຳເອົາ ລົດ 6 ລໍ້ ເຈັບ 3 ຄົນ ທາງບ້ານນາດີ, ເມືອງນາຊາຍທອງ


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ຊີບ ອົງການກາແດງລາວ ໃຫ້ຮູ້ວ່າ ໃນວັນທີ 12/07/2017 ເວລາ 23:10 ໜວ່ຍກູ້ຊີບອົງການກາແດງລາວໄດ້ຮັບແຈ້ງອຸບັດຕິເຫດຜ່ານເບີ 1625 ວ່າມີຢູ່ເສັ້ນທາງບ້ານ ນາດີ ເມືອງ ນາຊາຍທອງ, ນະຄອນຫຼວງວຽງຈັນ.



ເມື່ອໜ່ວຍກູ້ຊີບໄປເຖິງສະຖານທີ່ເກີດເຫດໄດ້ພົບເຫັນຜູ້ບາດເຈັບ3ຄົນ ເປັນເພດຊາຍ2ຄົນ ຍິງ1ຄົນແລະໄດ້ກວດເບິ່ງອາການບາດເຈັບທັງ 3 ຄົນແມ່ນ
ຜູ້ທີ 1 ມີບາດຈີກທີ່ບໍລິເວນຫົວເຂົ່າ,ມີບາດແຜຕາມໃບຫນ້າແລະແຂນ-ຂາ
ຜູ້ທີ 2 ມີອາການເຈັບຂາເບື້ອງຂວາແລະນີ້ວຕີນຈີກ
ຜູ້ທີ 3 ເຊິ່ງເປັນແມ່ມານ ມີບາດແຜທີ່ບໍລິເວນຫນ້າຜາກແລະບາດແຜເລັກນ້ອຍຕາມຮ່າງກາຍ



ສະນັ້ນໜວ່ຍກູ້ຊີບອົງການກາແດງລາວຈຶ່ງໄດ້ໃຫ້ການປະຖົມພະຍາບານເບື້ອງຕົ້ນທັງ3ຄົນແລ້ວນຳສົ່ງໄປທີ່ໂຮງໝໍມິດຕະພາບ 150 ຕຽງ.



ຈາກການບອກເລົ່າຂອງຄົນທີ່ເຫັນເຫດການວ່າ: ລົດບັນທຸກ 12 ລໍ້ຂີ່ມາຕາມປົກກະຕິ ພໍມາຮອດຈຸດເກີດເຫດລົດບັນທຸກ 12 ລໍ້ໄດ້ເກີດຢາງແຕກແລ້ວເສຍຫລັກໄປຕຳເອົາລົດບັນທຸກ 6 ລໍ້ແລ້ວເກີດພາໃຫ້ລົດທັງ 2 ຄັນປີ້ນ ແລະ ມີບາດຜູ້ບາດເຈັບທັງ 3 ຄົນ

ອຸບັດຕິເຫດແຈ້ງ 1625- 020 59966111

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.