Header Ads

ຈະສ້າງເດີນບິນສຸກເສີນຢູ່ແຂວງຜົ້ງສາລີ ມູນຄ່າ ເກືອບ 12 ຕື້ກີບ!


ຜົ້ງສາລີ: ອາທິດຜ່ານມານີ້, ຢູ່ທີ່ຫ້ອງຮັບແຂກກົມໃຫຍ່ພະລາທິການກອງທັບ ໄດ້ຈັດພິທີເຊັນສັນຍາໂຄງການກໍ່ສ້າງເດີ່ນບິນສຸກເສີນ(ຍົນຂຶ້ນຊື່) ຢູ່ເມືອງສໍາພັນ, ແຂວງຜົ້ງສາລີ ລະຫວ່າງ ກົມໃຫຍ່ພະລາທິການ ກອງທັບ ກັບ ບໍລິສັດສີສະເກດ ກໍ່ສ້າງເຄຫາສະຖານຂົວ-ທາງ ແລະ ຊົນລະປະທານຈໍາກັດ ໂດຍການໃຫ້ກຽດເຂົ້າຮ່ວມ ຂອງ ທ່ານພົນຕີ ປອ ວົງຄໍາ ພົມມະກອນ ກໍາມະການ ຄະນະປະຈໍາພັກກະຊວງ ຫົວໜ້າກົມໃຫຍ່ພະລາທິການກອງທັບ, ມີທ່ານ ຄໍາເພັດ ສີສະເກດ ປະທານບໍລິສັດກໍ່ສ້າງ ເຄຫາສະຖານຂົວ-ທາງ ແລະ ຊົນລະປະທານຈໍາກັດ, ມີ ຄະນະຮັບຜິດຊອບຊີ້ນໍາ ໂຄງການກໍ່ສ້າງ, ຄະນະກົມທະຫານອາກາດ, ຄະນະກົມຊ່າງແສງ, ຄະນະກົມກໍ່ສ້າງ-ຄຸ້ມຄອງຊັບສິນ ແລະ ຜູ້ຕາງໜ້າວິຊາການເຂົ້າຮ່ວມ.
ໃນພິທີ ພັນໂທ ວົງສັກ ສີພັນດອນ ຮອງກົມກໍ່ສ້າງ-ຄຸ້ມ ຄອງຊັບສິນ ໄດ້ຂຶ້ນຜ່ານຂໍ້ຕົກ ລົງຂອງກະຊວງປ້ອງກັນປະ ເທດ ວ່າດ້ວຍການແຕ່ງຕັ້ງຄະ ນະຮັບຜິດຊອບໂຄງການກໍ່ສ້າງ ເດີ່ນບິນຂຶ້ນຊື່ ຢູ່ເມືອງສໍາພັນ ແຂວງຜົ້ງສາລີ, ອີງຕາມໜັງສື ສະເໜີຂອງທ່ານເຈົ້າແຂວງປະ ທານ ປກຊ-ປກສ ແຂວງຜົ້ງສາ ລີ ສະບັບເລກທີ 129/ຈຂ, ລົງ ວັນທີ 14/07/2017 ເລື່ອງຂໍ ງົບປະມານກໍ່ສ້າງ ເດີ່ນບິນສຸກເສີນ(ຍົນຂຶ້ນຊື່) ຕິດພັນກັບສະໜາມຫັດແອບການທະຫານ ຢູ່ເມືອງສໍາພັນ ແຂວງຜົ້ງສາລີ, ອີງຕາມທີດຊີ້ນໍາຂອງທ່ານລັດຖະມົນຕີກະຊວງປ້ອງກັນປະເທດໃນຄັ້ງວັນທີ 09/09/2016 ເຫັນດີໃຫ້ກໍ່ສ້າງເດີ່ນບິນສຸກເສີນ (ຍົນຂື້ນຊື່) ແລະ ສັນຍາຮັບ ເໝົາໂຄງການກໍ່ສ້າງເດີ່ນບິນສຸກ ເສີນ (ຍົນຂື້ນຊື່) ເມືອງສໍາພັນ ແຂວງຜົ້ງສາລີ "ໃນມູນຄ່າລວມ ທັງໝົດ 11,707,783,000 ກີບ (ສິບເອັດຕື້ເຈັດຮ້ອຍເຈັດ ລ້ານເຈັດແສນແປດສິບສາມພັນ ກີບ)."

ຈາກນັ້ນ ທັງສອງຝ່າຍກໍໄດ້ ລົງນາມເຊັນສັນຍາກັນ ລະ ຫວ່າງ ຫົວໜ້າກົມໃຫຍ່ພະລາທິ ການກອງທັບ ທ່ານ ພົນຕີ ປອ ວົງຄໍາ ພົມມະກອນ ກໍາມະການ ຄະນະປະຈໍາພັກກະຊວງ ຫົວ ໜ້າກົມໃຫຍ່ພະລາທິການກອງ ທັບ ຫົວໜ້າຄະນະຮັບຜິດຊອບ ກັບບໍລິສັດກໍ່ສ້າງເຄຫາສະຖານ ຂົວ-ທາງ ຊົນລະປະທານ ໂດຍ ທ່ານ ຄໍາເພັດ ສີສະເກດ, ການ ກໍ່ສ້າງເດີ່ນບິນຍົນຂຶ້ນຊື່ໃນຄັ້ງນີ້ ກໍເພື່ອເຮັດໃຫ້ການເດີນທາງໄປ ມາມີຄວາມສະດວກ, ແກ້ໄຂ ທ່ວງທັນກັບເວລາທຸກສະພາບ ການທີ່ຈະເກີດຂຶ້ນ, ການກໍ່ສ້າງ ເດີ່ນບິນສຸກເສີນໄດ້ຮັບປະຕິບັດ ຖືກຕ້ອງຕາມລະບຽບຫຼັກການ, ຮັບປະກັນດ້ານເຕັກນິກ ແລະ ມີ ປະສິດຕິພາບປະສິດຕິຜົນຕາມ ແຜນທີ່ກໍານົດໄວ້.

ໂດຍ: ຄຳປະສົງ ລາດຊະວົງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.