Header Ads

ສະຫະພັນແມ່ຍິງຂະແໜງທ່ອງທ່ຽວ ມອບອຸປະກອນປະຖົມພະຍາບານແກ່ 1623! ຊົມເຊີຍ!


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ໃຫ້ຮູ້ວ່າ ໃນວັນທີ່ 14/07/2017 ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບເຄື່ອງ ປະຖົມພະຍາບານ ແລະ ເຄື່ອງບໍລິໂພກ ຈາກ ສະຫະພັນແມ່ຍິງ ຂະແຫນງທ່ອງທ່ຽວ, ກະຊວງຖະແຫລງຂ່າວ ວັດທະນາທຳ ແລະ ທ່ອງທ່ຽວ, ເພື່ອເປັນການຮ່ວມສະຫຼອງ ວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີຢ່າງສຸດໃຈ ລວມມູນຄ່າ 6.549.000ກີບ .



ອຸປະກອນທັງໝົດ ຈະຖືກນຳໃຊ້ເຂົ້າໃນວຽກງານກູ້ໄພ ທີ່ມີຄວາມຈຳເປັນ ໃນແຕ່ລະວັນເພາະສະພາບການເກີດອຸບັດຕິເຫດ ຢູ່ນະຄອນຫຼວງວຽງຈັນ ແລະ ຕ່າງແຂວງແມ່ນເກີດຂຶ້ນຫຼາຍ.

ທາງຫນ່ວຍກູ້ໄພມູນນິທິຕ້ອງຂໍຂອບໃຈມາຍັງທ່ານທີ່ເຫັນຄວາມສຳຄັນ ແລະ ຢາກມີສ່ວນຮ່ວມໃນການຊ່ວຍເຫລືອສັງຄົມ.

ພາບແລະຂ່າວ:​1623


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.