Header Ads

ລົດໃຫຍ່ກັບລົດຈັກຕຳກັນຢ່າງແຮງເສຍຊີວິດຄາທີ່ 1 ຄົນ ເຫດເກີດທີ່ ບ້ານ ດ່ານຊ້າງ ເມືອງ ໄຊທານີ ນະຄອນຫຼວງວຽງຈັນ





ໃນຕອນເຊົ້າຂອງວັນທີ 24/7/2017 ເວລາປະມານ 06:00 ນາທີໄດ້ຮັບແຈ້ງເຫດເຂົ້າເບີສຸກເສີນ 1624 ວ່າມີລົດໃຫຍ່ຕຳລົດຈັກ ຢູ່ບ້ານ ດ່ານຊ້າງ ເມືອງ ໄຊທານີ ນະຄອນຫຼວງວຽງຈັນ.


 ດັ່ງນັ້ນໜ່ວຍກູ້ຊີບ-ກູ້ໄພ ນະຄອນຫຼວງຈຶ່ງອອກກວດສອບເຫດ ພົບເຫັນຄົນເຈັບ 1 ຄົນເປັນເພດຊາຍ ເຊິ່ງມີອາການໝົດສະຕິ, ກະທົບຫົວຢ່າງຮຸນແຮງ, ເສຍເລືອດຫຼາຍ ແລະ ບໍ່ຫາຍໃຈ ສະນັ້ນ ພວກເຮົາຈຶ່ງໄດ້ທຳການ CPR (ປໍ້າຫົວໃຈ) ແຕ່ຜູ້ກ່ຽວບໍ່ມີການຕອບສະໜອງໃດໆ ແລະ ເສຍຊີວິດ.



ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງໄດ້ເກັບມ້ຽນຄາບສົບແລ້ວນຳສົ່ງວັດປ່າໂນນສະອາດ ເພື່ອເຮັດພິທີຕາມສາສະໜາ.
ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. 




ທ່ານສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624



ພາບ ແລະ ຂ່າວ:  1624
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.