Header Ads

ລົດໃຫຍ່ຕຳລົດຈັກ ແລ້ວໜີ!​ ເສຍຊີວິດຄາທີ 1​ ຄົນ ທາງ ບ້ານດອນກອຍ


ນະຄອນຫຼວງວຽງຈັນ: ລາຍງານຈາກ 1623​ ໃຫ້ຮູ້ວ່າ ໃນວັນທີ 14 ກໍລະກົດ 2017 ເວລາ 23:20 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງເຫດຜ່ານເບີ 1623 ວ່າ ມີເຫດລົດໃຫຍ່ຕຳກັບລົດຈັກແລ້ວໜີ ຈຸດເກີດເຫດແມ່ນ ຢູ່ທາງເຂົ້າໂຣມິໂອ ບ້ານດອນກອຍ, ນະຄອນຫຼວງວຽງຈັນ.


ພໍຫນ່ວຍກູ້ໄພມູນນິທິອອກກວດສອບພົບ ຄົນເຈັບ 1 ລາຍ ເປັນເພດຊາຍ ອາຍຸ 19 ປີ ອາການເບື້ອງຕົ້ນແມ່ນ ຄໍຫັກ,ຄາງກະໄຕຫັກ,ກະໂຫລກແຕກ,ເລືອດອອກຫູ,ມີບາດເປີດໃຫຍ່ຢູ່ຕີນເບື້ອງຊ້າຍ
ດັ່ງນັ້ນຫນ່ວຍກູ້ໄພມູນນິທິຈຶ່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງຫມໍເສດຖາທິຣາດ, ແລ້ວໄດ້ເສຍຊີວິດໃນເວລາຕໍ່ມາ .


ລົດຈັກທີຖືກຕຳ ແມ່ນທະບຽນ ກຳແພງນະຄອນ ທອ 5333, ສ່ວນລົດໃຫຍ່ທີ່ລົບໜີ ທາງເຈົ້າໜ້າທີກຳລັງຕິດຕາມຕົວ ເພື່ອມາດຳເນີນການຕາມກົດໝາຍ.



ພາບແລະຂ່າວ: 1623



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.