Header Ads

ອັດຕະປື ຕິດຕາມການກໍ່ສ້າງບ້ານຈັດສັນ ທີ່ອອກຈາກຜົນກະທົບເຂື່ອນໄຟຟ້າເຊກະໝານ 1



 ຕາມການລາຍງານຂອງ ສໍານັກຂ່າວວ່າ : ເມື່ອບໍ່ດົນມານີ້, ຄະນະກຳມະການກວດການຈັດສັນບ້ານ ທີ່ຖືກຜົນກະທົບຈາກເຄື່ອນໄຟຟ້າ ເຊກະໝານ 1 ເມືອງຊານໄຊ ແຂວງອັດຕະປື ໄດ້ລົງເຄື່ອນໄຫວ ຕິດຕາມການກວດກາ ການຈັດສັນ ແລະ ກິດຈະການກໍ່ສ້າງ ເຂດບ້ານຈັດສັນຫ້ວຍດຸມ ເພື່ອຍົກຍ້າຍປະຊາຊົນຈຳນວນ 3 ບ້ານ ທີ່ໄດ້ຮັບຜົນກະທົບ ຈາກເຂື່ອນໄຟຟ້າເຊກະໝານ 1 ຈຳນວນ 104 ຄອບຄົວ.
           
ໂອກາດ
ນີ້​, ທ່ານຜູ້ອຳນວຍການບໍລິສັດ ເຂື່ອນໄຟຟ້າເຊກະໝານ 1ໄດ້ໃຫ້ຮູ້ວ່າ: ກິດຈະການກໍ່ສ້າງດັ່ງກ່າວ ໄດ້ເລີ່ມປະຕິບັດມາແຕ່ ກາງເດືອນກັນຍາ 2015 ເປັນຕົ້ນມາ, ຮອດປັດຈຸບັນ ແມ່ນໄດ້ຮັບການກໍ່ສ້າງ ແລ້ວຈຳນວນໜຶ່ງ ເປັນຕົ້ນກໍ່ສ້າງເຮືອນທີ່ຢູ່ອາໄສ ຂອງປະຊາຊົນສຳເລັດແລ້ວ 46 ຫລັງ ຂອງຈຳນວນທັງໝົດ 104 ຫລັງ, ກໍ່ສ້າງໂຮງຮຽນອະນຸບານ 1 ຫລັງ, ໂຮງຮຽນປະຖົມ 1 ຫລັງ, ໂຮງຮຽນ ມັດທະຍົມຕົ້ນ 1 ຫລັງ, ສຸສາລາ 1 ຫລັງ, ສ້າງສະໂມສອນບ້ານ 1 ຫລັງ, ລະບົບຕາຄ່າຍໄຟຟ້າ 22 ກິໂລໂວນ, ລະບົບເສັ້ນທາງພາຍໃນບ້ານ ໄດ້ຂຸດໜ້າພຽງສຳເລັດ 70%, ປູຢາງເສັ້ນທາງໄດ້ 680/1.477 ແມັດ, ລະບົບເສັ້ນທາງຈາກເຂື່ອນໄຟຟ້າ ຊານໄຊໄປຫາເຂດຈັດສັນກຳລັງປະຕິບັດ. ສ່ວນວຽກພື້ນ ແລະ ທໍ່ນໍ້າບັນລຸໄດ້ 70%, ລະບົບຄອງເໝືອງ ຈາກເຂື່ອນໄຟຟ້າເຊກະໝານໄປຫາເຂດຈັດສັນ ເທເປຕົງພື້ນຄອງໄດ້ 43%, ລະບົບສະໜອງນ້ຳດື່ມ ນຳໃຊ້ສຳເລັດເທເປຕົງພື້ນອ່າງເກັບນໍ້າ ແລະ ອ່າງກັ່ນ ຕອງນໍ້າປູທໍ່ສະໜອງນ້ຳໄດ້ 1.800/4050 ແມັດ ແລະ ກຳລັງປະຕິບັດການກໍ່ສ້າງສະໂຕໂດນ້ຳ, ຄາດວ່າຈະສຳເລັດ ການກໍ່ສ້າງພາຍໃນ ເດືອນກໍລະກົດ ປີ 2017.

 ທີ່ມາ: ຂປລ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.