Header Ads

ສະຫລຸບຜົນການສອບເສັງສົກ 2016-2017



ຕາມການລາຍງານຂອງ ຂປລ ວ່າ: ງານສະຫລຸບ​ຜົນ​ການ​ສອບເສັງ ຈົບ​ຊັ້ນ​ມັດທະຍົມ​ຕົ້ນ (ມ4) ມັດທະ​ຍົມ​ສຶກ​ສາ​ຕອນ​ປາຍ (ມ7) ແລະ ສະຫລຸບ​ການ​ສອບເສັງ​ ນັກຮຽນ​ເກ່ງ​ລະດັບ​ຊາດ ສົກຮຽນ 2016-2017 ຈັດ​ຂຶ້ນ​ໃນ​ວັນ​ທີ 22 ກໍລະກົດ 2017 ທີ່​ນະຄອນຫລວງ​ວຽງຈັນ, ​​ເຊິ່ງປີ​ນີ້​ ມີນັກຮຽນ​ເກ່ງ​ລະດັບຊາດ ຈຳນວນ 11 ຄົນ, ຍິງ 7 ຄົນ ໃນ​ນັ້ນ ມີ​ອັນ​ດັບ 1  ຈຳນວນ 6 ຄົນ, ຍິງ 5 ຄົນ. ອັນ​ດັບ 2 ມີ 5 ຄົນ, ຍິງ 2 ຄົນ ແລະ ມອບ​ໃບຍ້ອງຍໍ ຄູ-ອາຈານ ສອນ​ນັກຮຽນ​ເກ່ງ​ລະດັບ​ຊາດ ຈຳນວນ 13 ຄົນ, ຍິງ 4 ຄົນ. ​ໃຫ້ກຽດເປັນ​ປະທານ​​ໂດຍທ່ານ ຊົມ​ພູ ແກ້ວ​ປັນຍາ ຫົວໜ້າ​ພະ​ແນກ​ສຶກ​ສາ​ທິການ ແລະ ກິລາ ນະຄອນຫລວງ​ວຽງຈັນ ມີ​ທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ ນະຄອນຫລວງ​ວຽງຈັນ, ພ້ອມພະນັກງານ​ຄູ-ອາຈານ ແລະ ພໍ່​ແມ່​ຜູ້​ປົກຄອງ ​ນັກຮຽນເຂົ້າ​ຮ່ວມ.

ຜົນ​ການ​ສອບເສັງ ມ
4 ນັກຮຽນ ​ມີໜ້າ​ສອບເສັງ​ຕົວຈິງ 11.276 ຄົນ, ຍິງ 5.541 ຄົນ ເສັງ​ໄດ້​ທັງ​ໝົດ 11.153 ຄົນ, ຍິງ 5.507 ຄົນ ເທົ່າ​ກັບ 98,91% ເສັງ​ໄດ້​ສົມບູນ 5.988 ຄົນ, ຍິງ 3.117 ຄົນ ເທົ່າ​ກັບ 53,10% ມີນັກຮຽນ​ໄດ້​ຄະແນນ 7 ຂຶ້ນ​ໄປ​ທຸກວິຊາ 132 ຄົນ, ຍິງ 90 ຄົນ ເທົ່າກັບ 1,17% ນັກຮຽນ​ທີ່​ໄດ້​ຄະແນນ​ສູງ​ສຸດ 53,75 ຄະແນນ​ມີ 1 ຄົນ ຜົນ​ການ​ສອບເສັງ ​ໄດ້ 100% ໃນ​ຈຳນວນ​ໂຮງຮຽນ 100 ແຫ່ງ.
ສຳລັບ ມ7 ຈຳນວນ​ນັກຮຽນ​ມີໜ້າ​ສອບເສັງ 10.016 ຄົນ, ຍິງ 5.026 ຄົນ ເສັງ​ໄດ້​ທັງ​ໝົດ 9.914 ຄົນ, ຍິງ 4.986 ຄົນ ເທົ່າກັບ 98,98% ເສັງ​ໄດ້​ສົມບູນ 6.519 ຄົນ, ຍິງ 3.214 ຄົນ ເທົ່າກັບ 65,49% ມີນັກຮຽນ​ເກ່ງຮອບດ້ານ ມີ 2 ປະເພດ ໄດ້​ຄະແນນ​ສອບເສັງ 7 ຂຶ້ນ​ໄປ​ທຸກ​ວິຊາ 317 ຄົນ, ຍິງ 167 ຄົນ ເທົ່າ​ກັບ 3,17% ມີ​ຄະແນນ​ສະເລ່ຍ​ໄດ້ 7 ຂຶ້ນ​ໄປ​ທຸກ​ວິຊາ ມີ​ຈຳນວນ 904 ຄົນ, ຍິງ 538 ຄົນ ເທົ່າ​ກັບ 9,03% ນັກຮຽນ​ທີ່​ໄດ້​ຄະແນນສູງ​ສຸດ 37,25 ຄະແນນ​ ມີ 2 ຄົນ ຜົນ​ການ​ສອບເສັງ​ໄດ້ 100% ໃນຈຳນວນ​ໂຮງຮຽນ 64 ແຫ່ງ. ພິເສດ​ ມີ​ນັກຮຽນ​ໄດ້​ຮັບ​ໃບ​ ປະກາດສະ​ນິ​ຍະ​ບັດ​ແດງ ຈຳ ນວນ 3 ຄົນ.
 
ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.