Header Ads

ກອງປະຊຸມຜູ້ບໍລິຫານການສຶກສາທິການ ແລະ ກິລາ ທົ່ວເມືອງເງິນ ປະຈຳປີ 2017


ກອງປະຊຸມຜູ້ບໍລິຫານການສຶກສາທິການ ແລະ ກິລາ ປະຈຳປີ 2017 ໄດ້ຈັດຂຶ້ນໃນລະຫວ່າງ ວັນທີ 25-26  ກໍລະກົດ 2017 ນີ້ ຢູ່ທີ່ສະໂມສອນ ເມືອງ ເງິນ ແຂວງ ໄຊຍະບູລີ   ພາຍໃຕ້ການເປັນປະທານຂອງ ທ່ານ ສີສະຫວັດ ພົມມະເສນ ຮັກສາການ ຫົວໜ້າຫ້ອງການສຶກສາທິການ ແລະ ກິລາ ເມືອງ,  ເຂົ້າຮ່ວມເປັນກຽດມີ ທ່ານ ບຸນສົດ ອີນທະປັນຍາ ຮອງເລຂາພັກເມືອງ ຮອງເຈົ້າເມືອງ, ມີທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກິລາ ແຂວງ, ມີຫົວໜ້າຫ້ອງການ ມີຄະນະກຳມະການພັດທະນາການສຶກສາຂັ້ນເມືອງ, ເລຂາໜ່ວຍພັກນາຍບ້ານ, ຜູ້ອຳນວຍການໂຮງຮຽນ, ຫົວໜ້າໜ່ວຍງານ, ຄູອາຈານທົ່ວເມືອງເຂົ້າຮວ່ມ.


ໃນກອງປະຊຸມ ທ່ານ ໄວພົດ ປັນຍາສອນ ຮອງຫົວໜ້າຫ້ອງການສຶກສາທິການ ແລະ ກິລາ ໄດ້ຂຶ້ນຜ່ານບົດສະຫຼຸບຕີລາຄາຜົນງານການຈັດປະຕິບັດ ວຽກງານການສຶກສາ ປະຈຳສົກປີ 2016-2017 ຜ່ານມາແມ່ນໄດ້ເອົາໃຈໃສ່ໂຄສະນາສຶກສາອົບຮົມການເມືອງແນວຄິດໃຫ້ບັນດາຖັນແຖວພະນັກງານຄູອາຈານໃຫ້ມີແນວຄິດອຸ່ນອຽງທຸ່ນທຽງ, ເຊື່ອໝັ້ນຕໍ່ການນຳພາຂອງພັກ ສະແດງອອກການເຄື່ອນໄຫວ ເຮັດໜ້າທີ່ວິຊາສະເພາະ ມີຄວາມຈູບຈ້າວຫ້າວຫັນ ຈຶ່ງສາມາດປະເມີນໄດ້ບຸກຄົນດີເດັ່ນ ແລະ ສອນດີ - ສອນເກັ່ງ ໃນສົກຮຽນຜ່ານມາ   ທົ່ວເມືອງມີໂຮງຮຽນອະນຸບານ 20 ແຫ່ງ ປະຖົມ 19 ແຫ່ງ ແລະ ມັດທະຍົມ 6 ແຫ່ງ. ຄ່ຽງຄູ່ກັນນີ້ ແມ່ນເອົາໃຈໃສ່ ການສຶກສານອກໂຮງຮຽນ ສົກປີ 2016-2017 ສາມາດເປີດຊັ້ນມັດທະຍົມຕອນປາຍບຳລຸງ ຈຳນວນ 22 ບ້ານ. ແຜນພັດທະນາການສຶກສາປະຈໍາປີ 2018 ແມ່ນສຶບຕໍ່ພັດທະນາຊັບພະຍາກອນມະນຸດໃຫ້ສອດຄອງກັບຄວາມຮຽກຮ້ອງຕ້ອງການໃນໄລຍະໃໜ່ ໂດຍຕິດພັນກັບແຜນພັດນາເສດຖະກິດສັງຄົມ ກອ່ນອື່ນໜົດຕ້ອງໄດ້ສຸມໃສ່ຕາໜ່າງການສຶກສາ ເປັນວຽກງານໃຈກາງ ພ້ອມກັນປຸກລະດົມໃຫ້ແຕ່ລະພາກສ່ວນເຂົ້າຮ່ວມວຽກງານການສຶກສາໃຫ້ຫຼາຍຂື້ນ


ກອງປະຊຸມກໍ່ໄດ້ສົນທະນາແລກປ່ຽນບົດຮຽນທາງດ້ານວິຊາການ ກໍ່ຄືສະພາບການສຶກສາທົ່ວເມືອງ ໃນໄລຍະສົກຮຽນຜ່ານມາ ແລະ ວິໄຈຜົນສະພາບການສຶກສາທົ່ວເມືອງ ແລະ ວິໄຈຜົນການສອບເສັງ ປະຈໍາສົກຮຽນ 2016-2017


ຈາກນັ້ນກໍ່ໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍກອງທຶນຄູ ແລະ ມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນອີກດ້ວຍ.



ພາບແລະຂ່າວ: ອີນແປງ ແຫວນຄຳ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.