Header Ads

ໄຟໄໝ້ຫໍພັກ ແລະ ສ້າງເກັບເຄື່ອງ ກຳມະກອນຈີນ ຂ້າງໂຮງແຮມແລນມາກ! 20/7/2017 (ມີຄລິບ)


ນະຄອນຫຼວງວຽງຈັນ: ລາຍງານຈາກ ໜ່ວຍກູ້ໄພ ມູນນິທິຈີນໃຫ້ຮູ້ວ່າ ໃນວັນພະຫັດ ວັນທີ 20 ກໍລະກົດ 2017 ເວລາປະມານ 00:30 ນາທີ, ໄດ້ຮັບແຈ້ງເຂົ້າເບີສຸກເສີນ 1628 ວ່າມີໄຟໄໝ້ສາງເກັບເຄື່ອງແລະບ່ອນພັກກຳມະກອນຄົນຈີນ ຂ້າງໂຮງແຮມແລນມາກ ບ້ານບືງຂະຫຍອງ ເມືອງສີສັດຕະນາກ ນະຄອນຫລວງວຽງຈັນ.



ໜ່ວຍກູ້ໄພມູນນິທິຈີນອອກກວດສອບພົບເຫັນເພີງຄວາມໄໝ້ລາມ ແຮງ ດັ່ງນັ້ນໜ່ວຍກູ້ໄພມູນນິທິຈີນພ້ອມກູ້ໄພ 1623, 1625,​ ແລະ ໜ່ວຍກູ້ໄພພັດທະນາຜາສຸກ ແລະເຈົ້າໜ້າທີ່ມອດໄຟນະຄອນຫຼວງ ໄດ້ຊ່ວຍກັນໃນການສະກັດແລະມອດໄຟຄັ້ງນີ້.



ສວນຄວາມເສຍຫາຍແລະການເກີດເພີງໄໝ້ຄັງນີ້ແມ່ນຍັງຢູ່ໃນການສືບສວນສອບສວນຂອງເຈົ້າໜ້າທີ່.

ບັນຫາໄຟໄໝ້ ເປັນສິ່ງທີ່ທຸກຄົນຕ້ອງໄດ້ເອົາໃຈໃສ່ ເພາະສອງມື້ກ່ອນໜ້ານີ້ກໍ່ເກີດເຫດໄຟໄໝ້ໝົດຫຼັງ ທີ່ ບ້ານຫ້ວຍຫົງ, ແລະ ວັນທີ 14/7/2017 ກໍ່ໄໝ້ຕະຫຼາດຊັ່ງຈ່ຽງ ຈົນກ້ຽງ.

ລາຍງານຂ່າວໂດຍ:​ ອາສາ ກະຕູນ 1628
ພາບ: ໜ່ວຍກູ້ຊີບອົງການກາແດງລາວ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com








No comments

Powered by Blogger.