Header Ads

ນ້ຳຖ້ວມເຂດບ້ານລາດ, ເມືອງສຸຂຸມາໜັກ! ແຕ່ເຊົ້າວັນທີ 26 ກໍລະກົດ!


ຈຳປາສັກ: ລາຍງານຈາກ ພຣະ ທອງດຳ ພົມມະຈັກ ກ່ຽວກັບສະຖານະການ ໄພນ້ຳຖ້ວມ ທີ່ເຂດວັດບ້ານລາດ, ເມືອງສຸຂຸມາ, ແຂວງຈຳປາສັກ ໃນຕ້ອນເຊົ້າວັນທີ 27 ກໍລະກົດ 2017. ເຊິ່ງສະຖານະການແມ່ນໜ້າເປັນຫ່ວງ.



ຜົນກະທົບຂອງ ພາຍຸ ຊົງກາ ທີ່ເລີ່ມເຂົ້າພາກກາງ ແລະ ພາກໃຕ້ຂອງລາວ ແຕ່ເຊົ້າວັນທີ 26 ກໍລະກົດ 2017, ເຮັດໃຫ້ເກືອບທຸກແຂວງ ພາກກາງ ແລະ ພາກໃຕ້ ຂອງລາວໄດ້ຮັບຜົນກະທົບ. ເວົ້າສະເພາະ ເຂດເມືອງສຸຂຸມາ,​ ນ້ຳໄດ້ເລີ່ມຖ້ວມ ແຕ່ເວລາ 8:00 ວັນທີ 26 ກໍລະກົດ 2017 ແລະ ເພີ່ມຂຶ້ນເລື້ອຍໆ. ລະດັບນ້ຳສູງຫຼາຍ, ເສັ້ນທາງຕັດຂາດ. ຈົນຕ້ອງໄດ້ໃຊ້ເຮືອທຽວ.


ໃນຕອນເຊົ້າວັນທີ 27 ກໍລະກົດ ນ້ຳຍັງບໍ່ທັນບົກແຫ້ງ ເຊິ່ງໄດ້ສົ່ງຜົນກະທົບແກ່ປະຊາຊົນ ແລະ ພືດພັນ ສິ່ງປູກຝັງ. ໂດຍສະເພາະ ເຂົ້ານາທີ່ຫາກໍ່ປັກດຳ ແມ່ນຈົມນ້ຳໝົດແລ້ວ.

ຜົນເສຍຫາຍ ຈາກໄພທຳມະຊາດຄັ້ງນີ້ ຍັງຄົງປະເມີນບໍ່ໄດ້.

ພາບແລະຂ່າວ:​ ພຣະ ທອງດຳ ພົມມະຈັກ

ກົດຊົມພາບແລະຄລິບຂ້າງລຸ່ມ














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





ກົດພາບອ່ານລາຍລະອຽດ

No comments

Powered by Blogger.