Header Ads

ສຸກສາລາບ້ານຫ້ອມ ໄດ້ຮັບຕຽງຄົນເຈັບ ແລະ ລໍ້ ມູນຄ່າ 27.5 ລ້ານກີບ ຈາກ ພີ່ນ້ອງໜອງຄາຍ!


ນະຄອນຫຼວງວຽງຈັນ:  ໃນຕອນບ່າຍເວລາ 14:00 ວັນທີ 3 ກໍລະກົດ 2017,​ ສຸກສາລາ ບ້ານຫ້ອມ ສົມທົບກັບ ຫ້ອງການ ສາທາລະນະສຸກເມືອງ ຫາດຊາຍຟອງ, ຄະນະພັກກຸ່ມບ້ານ ແລະ ຄະນະ ອພສ ເມືອງ,​ ພ້ອມຄະນະພະສົງ ສຳມະເນນ ພາຍໃນກຸ່ມ 2 ບ້ານຫ້ອມ ໄດ້ຈັດພິທິ ມອບ-ຮັບ ອຸປະກອບການແພດ ຈາກຜູ່ໃຈບຸນ ນຳໂດຍ ທ່ານ ທະເນດ (ກິ່ມກ່າຍ) ເັຍສະກຸນ, ປະຊາຊົນ ເມືອງໜອງຄາຍ, ແຂວງໜອງຄາຍ ປະເທດໄທ. ທີ່ໄດ້ມີໃຈໃສສັດທາ ເພື່ອແຜ່ ປະກອບສ່ວນ ຊຸກຍູ້ ຕຽງນອນຄົນນເຈັບ ຈຳນວນ 10 ຊຸດ ແລະ ລໍ້ຮັບໃຊ້ຄົນນເຈັບ ສຸກເສີນ 1 ໜ່ວຍ. ລວມມູນຄ່າທັງໝົດ 27,500,000​ ກີບ. 



ການປະກອບສ່ວນ ບໍລິຈາກ ອຸປະກອບການແພດຄັ້ງນີ້ ເພື່ອ ມາຮັບໃຊ້ການບໍລິການ ຂອງສຸກສາລາ ທີ່ຫາກໍ່ສ້າງສຳເລັດໃໝ່ ໂດຍການ ລະດົມທຶນຮອນ ຈາກທຸກພາກສ່ວນ ໃນສັງຄົມ. ໂດຍມີຈຸດປະສົງ ເປັນບ່ອນ ຊ່ວຍປະຊາຊົນ ໃນຍາມເຈັບປ່ວຍ.

ຈິ່ງຂໍອວຍພອນໃຫ້ ທ່ານ ທະເນດ ແລະ ຜູ່ໃຈບຸນ ທີ່ເຫັນຄວາມສຳຄັນ ໃນເລື່ອງສຸຂະພາບ ແລະ ປະກອບສ່ວນວັດຖຸປັດໃຈ ໃນຄັ້ງນີ້.

ພາບແລະຂ່າວ: ສຸກສາລາ ບ້ານຫ້ອມ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.