Header Ads

ກອງປະຊຸມໃຫຍ່ຄັ້ງທີ 2 ຂອງສະຫະພັນແມ່ຍິງໜ່ວຍຄະນະຈັດຕັ້ງ-ກວດກາ ເມືອງເງິນ ແຂວງ ໄຊຍະບູລີ


ກອງປະຊຸມໃຫຍ່ຄັ້ງທີ 2 ຂອງສະຫະພັນແມ່ຍິງໜ່ວຍຄະນະຈັດຕັ້ງ-ກວດກາ

ໄດ້ຈັດຂື້ນໃນຕອນບ່າຍຂອງວັນທີ 10 ກໍລະກົດ 2017 ນີ້ຢູ່ທີ່ສະໂມສອນ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານຂອງ ສະຫາຍ ນາງ ຈິນດາ ຈັນທິບ ຫົວໜ້າສະຫະພັນແມ່ຍິງໜ່ວຍຄະນະຈັດຕັ້ງ- ກວດກາ. ເປັນກຽດເຂົ້າຮ່ວມ ມີສະຫາຍ ນາງ ບົວຄໍາ ຈັນທະວິໄລ ຄະນະບໍລິຫານງານສະຫະພັນແມ່ຍິງແຂວງ ກຳມະການພັກເມືອງ ປະທານສະຫະພັນແມ່ຍິງເມືອງ, ມີຫົວໜ້າ ສະຫະພັນແມ່ຍິງໜ່ວຍອ້ອມຂ້າງ ຕະຫຼອດຮອດເອື້ອຍແມ່ຍິງ ພາຍໃນໜ່ວຍ ເຂົ້າຮ່ວມ 27 ສະຫາຍ, ຍິງ 21 ສະຫາຍ. ໃນນີ້ມີຜູ້ແທນສົມບູນຈຳນວນ 12 ສະຫາຍ.


 ກອງປະຊຸມ ສະຫາຍ ນາງ ຈິນດາ ຈັນທິບ ຫົວໜ້າສະຫະພັນແມ່ຍິງ ໜ່ວຍຄະນະຈັດຕົັ້ງ-ກວດກາ ໄດ້ຂື້ນຜ່ານບົດລາຍງານການເມືອງ. ທັງສອງພາກ ຕະຫຼອດໄລຍະ 5 ປີຜ່ານມາ ສະຫະພັນແມ່ຍິງໜ່ວຍຄະນະຈັດຕັ້ງ-ກວດກາ. ແມ່ນໄດ້ຕັ້ງໜ້າສຶກສາອົບຮົມ ການເມືອງແນວຄິດ ໃຫ້ສະມາຊິກ ເພື່ອແນໃສ່ເຮັດເຂົາເຈົ້າມີຄວາມເຊື່ອໜັ້ນຕໍ່ການນຳພາຂອງພັກ-ລັດ ແລະ ທິດທາງຄາດໜາຍໃນ 5 ປີຕໍ່ໜ້າ ສຶບຕໍ່ກວດກາ ການຈັດຕັ້ງປະຕິບັດ ຂໍ້ແຂ່ງຂັນ 3 ດີຂອງແມ່ຍິງໃຫ້ໄດ້ 1 ຄັ້ງ ຕໍ່ 3 ເດືອນ ໂດຍຕິດພັນກັບການ ຂະຫຍາຍສະມາຊິກສະຫະພັນແມຍິງໃຫ້ໄດ້ເຂົ້າເປັນສະມາຊິກພັກໃຫ້ໄດ້ 2 ສະຫາຍຂື້ນໄປ, ກອງປະຊຸມໄດ້ໃຊ້ສິດປະຊາທິປະໄຕ ປ່ອນບັດຄັດເລືອກ ເອົາຄະນະສະຫະພັນແມ່ຍິງໜ່ວຍຊຸດໃໜ່ ເຊິ່ງມີຜູ້ສະມັກ 5 ສະຫາຍ ເລືອກເອົາ 3 ສະຫາຍ ໄດ້ສະຫາຍ ນາງ ແສງປິ່ນ ທຳມະສອນ ເປັນຫົວໜ້າສະຫະພັນແມ່ຍິງ ໜ່ວຍຄະນະຈັດຕັ້ງ-ກວດກາ ສະຫາຍ ນາງ ບຸນສະໜອງ ປັນຍາທອງ ເປັນຮອງຮັບຜິດຊອບວຽກງານກວດກາ, ສະຫາຍ ນາງ ແພງຊາຍ ປັນຍາເກດ ເປັນຄະນະຮັບຜິດຊອບຄັງເງິນສົດ.

 ພາບ-ຂ່າວ: ສຸລີຍາ ແສງເດືອນ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.