Header Ads

ກອງປະຊຸມໃຫຍ່ຄັ້ງທີ 2 ຂອງສະຫະພັນແມ່ຍິງໜ່ວຍສຶກສາທິການ ແລະ ກິລາ


ໄດ້ຈັດຂື້ນໃນຕອນບ່າຍຂອງວັນທີ 12 ກໍລະກົດ 2017 ນີ້ຢູ່ທີ່ຫ້ອງປະຊຸມ ຫ້ອງການສຶສາທິການ ແລະ ກິລາເມືອງເງິນແຂວງໄຊຍະບູລີ ພາຍໃຕ້ການເປັນປະທານຂອງ ສະຫາຍ ນາງ ແສງເພັດ ແກ້ວວົງລັດ ຄະນະບໍລິຫານງານສະຫະພັນແມ່ຍິງເມືອງ ຫົວໜ້າສະຫະພັນແມ່ຍິງໜ່ວຍສຶກສາທິການ ແລະ ກິລາ. ເປັນກຽດເຂົ້າຮ່ວມ ມີສະຫາຍ ນາງ ບົວຄໍາ ຈັນທະວິໄລ ຄະນະບໍລິຫານງານສະຫະພັນແມ່ຍິງແຂວງ ກຳມະການພັກເມືອງ ປະທານສະຫະພັນແມ່ຍິງເມືອງ, ມີຫົວໜ້າ ສະຫະພັນແມ່ຍິງໜ່ວຍອ້ອມຂ້າງ ຕະຫຼອດຮອດເອື້ອຍແມ່ຍິງ ພາຍໃນໜ່ວຍ ເຂົ້າຮ່ວມ 23 ສະຫາຍ ຍິງ 17 ສະຫາຍ. ໃນນີ້ມີຜູ້ແທນສົມບູນຈຳນວນ 8 ສະຫາຍ.


 ກອງປະຊຸມ ສະຫາຍ ນາງ ແສງເພັດ ແກ້ວວົງລັດ ຄະນະບໍລິຫານງານສະຫະພັນແມ່ຍິງເມືອງ ຫົວໜ້າສະຫະພັນແມ່ຍິງ ໜ່ວຍສຶກສາທິການ ແລະ ກິລາ ໄດ້ຂື້ນຜ່ານບົດລາຍງານການເມືອງ ທັງສອງພາກ ຕະຫຼອດໄລຍະ 3 ປີຜ່ານມາ ສະຫະພັນແມ່ຍິງໜ່ວຍສຶກສາທິການ ແລະ ກິລາ ແມ່ນໄດ້ຕັ້ງໜ້າສຶກສາອົບຮົມ ການເມືອງແນວຄິດໃຫ້ສະມາຊິກ ເພື່ອແນໃສ່ເຮັດເຂົາເຈົ້າມີຄວາມເຊື່ອໜັ້ນຕໍ່ການນຳພາຂອງພັກ-ລັດ ແລະ ທິດທາງໃນ 5 ປີຕໍ່ໜ້າ ສຶບຕໍ່ສຶກສາອົບຮົມການເມືອງແນວຄິດໂດຍຕິດພັນກັບການກວດກາ ການຈັດຕັ້ງປະຕິບັດ ຂໍ້ແຂ່ງຂັນ 3 ດີຂອງແມ່ຍິງໃຫ້ໄດ້ 1 ຄັ້ງ ຕໍ່ 3 ເດືອນ ພ້ອມກັນສ້າງ ແລະ  ຂະຫຍາຍສະມາຊິກສະຫະພັນແມຍິງໃຫ້ໄດ້ເຂົ້າເປັນສະມາຊິກພັກໃຫ້ໄດ້ 2 ສະຫາຍຂື້ນໄປ ກອງປະຊຸມຄັ້ງປະຖົມມະລຶກໄດ້ປະຊາມະຕິເລືອກເອົາຄະນະສະຫະພັນແມ່ຍິງໜ່ວຍຊຸດໃໜ່  ໄດ້ສະຫາຍ ນາງ ແສງເພັດ ແກ້ວວົງລັດ ເປັນຫົວໜ້າສະຫະພັນແມ່ຍິງ ໜ່ວຍສຶກສາທິການ ແລະ ກິລາ ສະຫາຍນາງ ແສງອິນ ແຫວນຄຳ ເປັນຮອງຮັບຜິດຊອບວຽກງານກວດກາ, ສະຫາຍ ນາງ ສົມລັດ ທຳມະລັດ ເປັນຄະນະຮັບຜິດຊອບເປັນຄັງເງິນສົດ.

ພາບ-ຂ່າວ: ສຸລີຍາ ແສງເດືອນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.