Header Ads

ຊົມເຊີຍ!!!! ນັກຮຽນລາວ 3 ຄົນໄດ້ໄປຮຽນຢູ່ຝຣັ່ງຜ່ານທຶນຂອງນໍ້າເທີນ 2


ບໍລິສັດໄຟຟ້ານ້ຳເທິນ2 ໃຈປ້ຳສົ່ງນັກຮຽນລາວໄປສືກສາຢູ່ຝຣັ່ງ ເພື່ອກັບມາຮັບໃຊ້ພາຍໃນປ່ຽນແທນການນຳເຂົ້າແຮງງານຕ່າງຊາດ ໂດຍປີນີ້ໃຫ້ 3 ທຶນອີກ 2 ປີຈິ່ງກັບບ້ານເກີດ.

ໂດຍເນື້ອໃນຈິດໃຈຂອງບໍລິສັດນ້ຳເທິນ2 ແມ່ນເພື່ອສ້າງຄວາມເຂັ້ມແຂງດ້ານບຸກຄະລາກອນ ແລະ ຕອບສະໜອງຕາມຄວາມຕ້ອງການຂອງອຸດສະຫະກໍາພະລັງງານຂອງ ສປປ ລາວ ໂດຍສະເພາະບໍລິສັດ ໄຟຟ້ານໍ້າເທີນ2 ເອງສະນັ້ນຈິ່ງ ໄດ້ເຊັນສັນຍາຮ່ວມມືກັນກັບສະຖານທູດຝຣັ່ງປະຈໍາລາວ ເພື່ອໃຫ້ທຶນການສຶກສາສໍາລັບນັກສຶກສາລຸ້ນປີ 2017 ໄປຮຽນຕໍ່ທີ່ປະເທດຝຣັ່ງເປັນເວລາ 2 ປີ.

ພິທີລົງນາມການຮ່ວມມື ຈັດຂຶ້ນໃນວັນທີ 6 ກໍລະກົດ 2017 ທີ່ນະຄອນຫຼວງວຽງຈັນ, ຕາງໜ້າລົງນາມຂອງທັງສອງຝ່າຍລະຫວ່າງທ່ານນາງ ກລໍດີນເລີດູ ເອກອັກຄະລະສະທູດຝຣັ່ງປະຈໍາ ສປປ ລາວ ແລະ ທ່ານ ເຟຣເດຣິກ ອອບຟ໌ມັນ ຜູ້ອໍານວຍການໃຫຍ່ບໍລິສັດ ໄຟຟ້ານໍ້າເທີນ2, ມີພາກສ່ວນກ່ຽວຂ້ອງ ພ້ອມດ້ວຍນ້ອງນັກສຶກສາທີ່ໄດ້ຮັບທຶນເຂົ້າຮ່ວມ.

ທ່ານນາງ ກລໍດີນເລີດູ ກ່າວວ່າ: ໂຄງການໃຫ້ທຶນການສຶກສາດັ່ງກ່າວນີ້ ແມ່ນເລີ່ມຈັດຕັ້ງມາແຕ່ປີ 2015 ຮອດປະຈຸບັນ, ສ່ວນປີ 2017 ນີ້ການຄັດເລືອກນັກຮຽນແມ່ນໄດ້ຮັບການເອົາໃຈໃສ່ເປັນພິເສດ ແລະ ລະດັບພາສາຝຣັ່ງຂອງເຂົາເຈົ້າກໍມີຄວາມສໍາຄັນຫຼາຍ, ຊຶ່ງຜ່ານການຄັດເລືອກມີນັກຮຽນທີ່ໄດ້ຮັບທຶນດັ່ງກ່າວ 3 ຄົນໃນນີ້ ມາຈາກໂຮງຮຽນມັດຖະຍົມຝຣັ່ງ 1 ຄົນ ຊື່ທ້າວ ເພັດທະສອນ ມານີປະກອນ ແລະ ອີກ 2 ຄົນແມ່ນຈາກໂຮງຮຽນມັດທະຍົມສົມບູນວຽງຈັນ ຊື້ທ້າວ ອາລິຍະເດດ ທໍາມະວົງ ແລະ ນາງ ດາຣານີ ສໍລາງກຸນ.

ທ່ານ ເອກອັກຄະລະສະທູດຝຣັ່ງ ກ່າວຕື່ມວ່າ: ຜູ້ທີ່ໄດ້ຮັບທຶນ 3 ຄົນນີ້ ຈະໄດ້ໄປສຶກສາທີ່ມະຫາວິທະຍາໄລດ້ານເຕັກໂນໂລຊີທີ່ມີຊື່ສຽງ ຕັ້ງຢູ່ພາກຕາເວັນອອກສຽງໃຕ້ຂອງປະເທດຝຣັ່ງ ເປັນເວລາ 2 ປີເຊິ່ງມີຫຼັກສູດໃນລະດັບມາດຕະຖານສູງ ແລະ ຮັບປະກັນການນໍາໃຊ້ຄວາມຮູ້ເຂົ້າໃນວຽກງານຕົວຈິງໃນຂະ       ແໜງການຕ່າງໆ ໂດຍກໍານົດເວລາເດີນທາງເລີ່ມແຕ່ວັນທີ 21 ກໍລະກົດ ເປັນຕົ້ນໄປ.

ຜູ້ທີ່ໄດ້ຮັບທຶນໄປສຶກສາຕໍ່ຄັ້ງນີ້ ຫຼັງຈາກຈົບການສຶກສາແລ້ວຈະກັບຄືນມາເລີ່ມຕົ້ນຊີວິດການເຮັດວຽກນ້ຳເທິນ2.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.