Header Ads

ລັດຈະພິຈາລະນາຂາຍຫຸ້ນຂອງການບິນລາວໃຫ້ຕ່າງປະເທດພຽງ 30%



ລັດຖະບານລາວ ຍັງຕ້ອງການຖືຮຸ້ນສັດສ່ວນໃຫ່ຍ ຂອງສາຍການບິນແຫ່ງຊາດ ປັດຈຸບັນຈະພິຈາລະນາຂາຍພຽງ30ເປີເຊັນ ໃຫ້ກັບຄູ່ຮ່ວມທຸລະກິດ ທີ່ເປັນສາຍການບິນຕ່າງປະເທດ ທີ່ມີຄວາມພ້ອມເປັນສາຍການບິນໃຫ່ຍຕ່າງປະເທດເທົ່ານັ້ນ ພ້ອມທັງຕ້ອງເປັນຄູ່ຮ່ວມທີ່ຍາວນານ, ຄາດວ່າຈະມີການຄວບຄຸມ ແລະຈັດການ ຕັ້ງແຕ່ໂຄງສ້າງອົງກອນລັດວິສາຫະກິດການບິນລາວ ໃໝ່ທັງໝົດ.




ສໍານັກຂ່າວຕ່າງປະເທດຍັງໃຫ້ນິຍາມການປ່ຽນຄວາມຊັບຊ້ອນ ພ້ອມລົບລ້າງ ແບບ ໄມ້ຕາຍ ( It would require a massive change in management DNA and possibly lead to redundancies to clear so called ‘dead wood’ )

ໃນໄລຍະຜ່ານມາ, ສາຍການບິນທີ່ມີຊື່ສຽງຂອງໂລກເຊັ່ນ Lufthansa ໄດ້ຢ່າງສະຫນິດແຫນ້ນກັບ ສາຍການບິນລາວ ແຕ່ສ່ວນຫຼາຍແມ່ນໃຫ້ການຊ່ວຍເຫຼືອດ້ານວິຊາການ ແລະ ເຕັກນິກ.

ສາຍການບິນລາວ ມີປະຫວັດຍາວນານ ແລະ ສໍາຄັນໃນຖານະເປັນສາຍການບິນແຫ່ງຊາດ ກໍາລັງຊອກຫາຄູ່ຮ່ວມມືຕ່າງປະເທດ ໃນຂະນະທີ່ສາຍການບິນຕ່າງປະເທດອາດຈະເບິ່ງຕະຫຼາດຈາກທັດສະນະທີ່ແຕກຕ່າງກັນ.

ການບິນລາວ ສ້າງຕັ້ງຂຶ້ນໃນປີ 1976 ຄົບຮອບ41ປີ ປະຈຸບັນມີເຮືອບິນປະເພດ Airbus A320 ຈໍານວນ4ລໍາ ATR72-500/600 ຈໍານວນ 7ລໍາ, ລວມທັງໝົດ 11ລໍາປະຈໍາການ ເຊິ່ງທັງໝົດຜະລິດຈາກປະເທດຝລັງ, ມີເສັ້ນບິນອອກຕ່າງປະເທດເຊັ່ນ ຈີນ ໄທ ກໍາປູເຈຍ ເກົາຫຼີໃຕ້ ຫວຽດນາມ ແລະ ສິງກະໂປ (ອີກຄັ້ງໃນໄວໆນີ້) ,ສໍາຫຼັບສາຍພາຍໃນປະເທດພາກເໜືອ ຫຼວງນໍ້າທາ ອຸດົມໄຊ ຫຼວງພະບາງ ຊຽງຂວາງ ພາກໃຕ້ ສະຫວັນນະເຂດ ແລະ ຈໍາປາສັກ .

ບົດລາຍງານ ໃນປີ 2015 ມີຜູ້ໂດຍສານໃຊ້ບໍລິການຫຼາຍກວ່າ 828,000ຄົນ ໃນນີ້ເປັນຊາວຕ່າງປະເທດ 504,000ຄົນ ແລະໃນປີ 2016ມີຜູ້ໂດຍສານທັງໝົດ 924,924ຄົນ ແລະຕ່າງປະເທດ 543,924ຄົນ ຄາດວ່າໃນປີ 2017 ຈະມີຜູ້ໂດຍສານບັນລຸ 1 ລ້ານຄົນ.


ທີ່ມາ: Aero LAOS


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.