Header Ads

ລົດເມສາຍ ສາລະວັນ-ວຽງຈັນ ປີ້ນທີ່ ທ່າພະບາດ ເຈັບ 39 ຄົນ! 30/7/2017


ບໍລິຄຳໄຊ: ລາຍງານຈາກ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປລາວ ໃຫ້ຮູ້ວ່າ ໃນວັນທີ່ 30​ ກໍລະກົດ 2017 ເວລາ 21:50 ໂມງ ຫນ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງເຫດຜ່ານເບີ 1623 ວ່າ ມີເຫດລົດເມ ສາຍ ວຽງຈັນ-ສາລະວັນ ເສຍຫລັກລົງຂ້າງທາງ ຢູ່ເສັ້ນທາງ ເລກທີ່13ໃຕ້ ບ້ານ ນາແຄນ ເມືອງທ່າພະບາດ ແຂວງບໍລິຄຳໄຊ. 




ຫນ່ວຍກູ້ໄພມູນນິທິ ອອກກວດສອບຈຸດເກີດເຫດ ພົບຄົນເຈັບທັງຫມົດ 39 ຄົນ ໃນນັ້ນມີຄົນເຈັບໜັກສົມຄວນ 18 ຄົນ ເປັນເພດຊາຍ 9 ຄົນ ເພດຍິງ 9 ຄົນ ທາງຫນ່ວຍກູ້ໄພມູນນິທິຈຶ່ງປະຖົມພະຍາບານຂັ້ນຕົ້ນແລ້ວນຳສົ່ງໂຮງຫມໍມິດຕະພາບ 150 ຕຽງ.  ສ່ວນຜູ້ບາດເຈັບເລັກນ້ອຍແມ່ນນຳສົ່ງໂຮງຫມໍເມືອງທ່າພະບາດ.



ສ່ວນສາເຫດ ແລະ ຜົນເສຍຫາຍທັງໝົດ ຂອງອຸບັດຕິເຫດ ທາງເຈົ້າໜ້າກ່ຽວຂ້ອງຈະດຳເນີນການສືບສວນຕໍ່ໄປ.​ 

ບັນຫາລົດເມປີ້ນ ຢູ່ລາວແມ່ນເກີດຂຶ້ນຫຼາຍຄັ້ງ, ຮຽກຮ້ອງໃຫ້ພາກສ່ວນກ່ຽວຂ້ອງຈິງຈັງໃນການກວດສອບ ເຕັກນິກຂອງລົດ, ກວດສອບຄວາມພ້ອມຂອງໂຊເຟີ​ ເພື່ອປ້ອງກັນອຸບັດຕິເຫດ ທີ່ຈະສົ່ງຜົນຕໍ່ຊີວິດ ແລະ ຊັບສິນຂອງປະຊາຊົນ

ພາບແລະຂ່າວ: 1623

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ

No comments

Powered by Blogger.