Header Ads

ພິທີ ສະຫຼຸບ ແລະ ມອບໃບຢັ້ງຢືນໃຫ້ແກ່ນັກຮຽນອານຸບານ 3 ໂຮງຮຽນ ອານຸບານ ບຸນຖາວອນ ເມືອງເງິນ ແຂວງ ໄຊຍະບູລີ


ພິທີດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ່ 24 ກໍລະກົດ 2017 ນີ້ ຢູ່ທີ່ ໂຮງຮຽນແຫ່ງດັ່ງກ່າວ. ເຂົ້າຮ່ວມເປັນກຽດມີທ່ານ ສີສະຫວັດ ພົມມະເສນ ຮັກສາການຫົວໜ້າຫ້ອງການສຶກສາທິການ ແລະ ກິລາ , ມີທ່ານ ບຸນມາກ  ຜາສຸກ ອຳນວຍການໂຮງຮຽນອານຸບານ ບຸນຖາວອນ, ມີພາກສ່ວນທີ່ກຽ່ວຂ້ອງ, ຄູອາຈານ, ພໍ່ແມ່ນັກຮຽນ ແລະ ນ້ອງນັກຮຽນເຂົ້າຮ່ວມ.

ທ່ານ ບຸນມາກ ຜາສຸກ ອຳນວຍການໂຮງຮຽນ ອານຸບານ ບຸນຖາວອນ ກໍ່ໃຫ້ກຽດຂື້ນຜ່ານບົດສະຫຼຸບການຈັດ ຕັ້ງປະຕິບັດ ການຮຽນ - ການສອນປະຈຳສົກປີ 2016-2017. ໂຮງຮຽນອານຸບານ ບຸນຖາວອນ ເປັນໂຮງຮຽນຂະໜາດ ນ້ອຍ ເຊີ່ງແມ່ນການລົງທືນຂອງເອກະຊົນ 100%, ມີອາຄານ 2 ຫຼັງ, ຊັ້ນດຽວ, ມີ 6 ຫ້ອງຮຽນ, ມີພະນັກງານທັງໝົດ 9 ຄົນ, ຍິງ 8 ຄົນ. ສົກ 2016-2017 ມີນັກຮຽນທັງໝົດ 110ນ້ອງ, ຍິງ 48 ນ້ອງ. ໄລຍະຜ່ານມາແມ່ນໄດ້ເອົາໃຈໃສ່ໃນການສິດສອນຕາມຫຼັກສູດຂອງກະຊວງສຶກສາທິການ ແລະ ກິລາ ວາງອອກ, ມີການແຕ່ງບົດສອນກ່ອນຂື້ນຫ້ອງທຸກຄັ້ງ, ມີຄວາມຮັບຜິດຊອບສູງຕໍ່ໜ້າທີ່ວຽກງານ ສະແດງອອກ ເດັກນັກຮຽນສ່ວນໃຫຍ່ ແມ່ນເປັນເດັກຄຳຮູ້, ສະຫຼາດ ແລະ ມີລະບຽບວິໄນດີ.

ໃນພິທີກໍ່ໄດ້ມອບໃບຢັ້ງຢືນໃຫ້ແກ່ນັກຮຽນອານຸບານ 3 ຈໍານວນ 21 ນ້ອງ, ຍິງ 6 ນ້ອງ. ເຊີ່ງໃຫ້ກຽດມອບໂດຍແມ່ນ ທ່ານ ສີສະຫວັດ ພົມມະເສນ ຮັກສາການຫົວໜ້າຫ້ອງການສຶກສາທິການ ແລະ ກິລາ ແລະ ມອບຂອງຂວັນ ໃຫ້ເດັກຄຳຮູ້ ພ້ອມທັງຊົມການສະແດງສິລະປະຂອງຂອງນ້ອງນັກຮຽນອີກດ້ວຍ.

ໂດຍ: ອິນແປງ ແຫວນຄຳ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





ກົດພາບອ່ານລາຍລະອຽດ

No comments

Powered by Blogger.