Header Ads

ເຈົ້າໜ້າທີ່ຫຼວງພະບາງ ຈັດພິທີທຳລາຍສິນຄ້າຜິດກົດໝາຍ, ໝົດອາຍຸ ແລະ ຈັກຕັດໄມ້


ຫຼວງພະບາງ: ໃນຕອນເຊົ້າວັນທີ 5/7/2017 ພະແນກ ອຸດສາຫະກຳ ແລະ ການຄ້າແຂວງ ຫຼວງພະບາງ ຮ່ວມກັບອຳນາດການປົກຄອງຂອງແຂວງ ແລະ ພາກສ່ວນທີ່ຂ້ອງ ຈັດພິທີທຳລາຍສິນຄ້າ  ໝົດອາຍຸ, ລັອກຮຽນແບບ, ຢາຂ້າຫຍ້າ, ຊິງ, ໝໍ້ຊັອດປາ ແລະ ຈັກຊັງຕິນ(ຈັກຕັດໄມ້) ແລະ ສິນຄ້າທີ່ນຳເຂົ້າບໍຖືກຕ້ອງ. 



ນີ້ເປັນອີກຄວາມພະຍາຍາມ ໃນການກວດກາ ບັນດາສິນຄ້າທີ່ບໍ່ຖືກກົດໝາຍ. ໂດຍສະເພາະສິນຄ້າ ທີ່ໝົດອາຍຸ ທີ່ເປັນອັນຕະລາຍຕໍ່ຜູ່ບໍລິໂພກ. ພ້ອມດຽວກັນນັ້ນ ກໍ່ປະຕິບັດ ຕາມດຳລັດເລກທີ 15/ນຍ ໃນການຕ້ານການຕັດໄມ້ແບບຊະຊາຍ. ຈິ່ງໄດ້ມີການຍຶດຈັກຕັດໄມ້ ແລະ ນຳມາທຳລາຍ.



ທາງເຈົ້າໜ້າທີ່ໄດ້ຮຽກຮ້ອງໃຫ້ທຸກພາກສ່ວນໃນການຮ່ວມມື ແລະ ຫ້າມເດັດຂາດ ເຮັດຜິດກົດໝາຍ. ເພາະຖ້າພົບເຫັນ ຈະບໍ່ມີປານີເດັດຂາດ.

ພາບແລະຂ່າວ: ນັກຂ່າວຫຼວງພະບາງ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.