Header Ads

ເຕືອນໄພ: ຕູ້ເຢັນຍ້ອມແມວ ລະບາດໜັກທີ່ຕະຫຼາດເຊົ້າ! ວອນພາກສ່ວນກ່ຽວຂ້ອງກວດສອບ!



ສະບາຍດີແອັດມິນ
ຂໍລົຍຫວນແອັດມີນໃນຖານະທີ່ເປັນສື່ສັງຄົມທີ່ກວ້າງໄກຂອງລາວໃນປັດຈຸບັນ. ຂ້າພະເຈົ້າມີທັງຂໍ້ຂ້ອງໃຈ ແລະເສຍຄວາມຮູ້ສຶກກັບຄວາມເຊື່ອໃຈຄົນງ່າຍເກີນໄປ. ເລື່ອງກໍມີຢູ່ວ່າ ຂ້າພະເຈົ້າໄດ້ໄປຊື້ຕູ້ເຢັນຢູ່ຮ້ານແຫ່ງໜຶ່ງໃກ້ກັບຕະຫລາດເຊົ້າ ໃນເບື້ອງຕົ້ນວ່າຈະໄປຊື້ຍີ່ຫໍ້ HITACHI (ລຸ້ນປະຕູດຽວ 6.6 ຄິວ) ຕົກລົງລາຄາກັນແລ້ວຢູ່ທີ່ລາຄາ 1 ລ້ານ 2 ແສນ 5 ສິບພັນກີບ (ຮູ້ສຶກຕົກໃຈເລັກໜ້ອຍເປັນຫຍັງລາຄາຄືຖືກແທ້ ລາວເອີ້ນມີແຕ່ 1 ລ້ານ 3 ແສນ ແຕ່ກໍຄິດໃນໃຈວ່າ ຂ້ອຍເຄີຍມາຊື້ລາວເລີຍຫລຸດໃຫ້) ຄວາມຈິງຂ້າພະເຈົ້າເຄີຍພາໝູ່ໄປຊື້ຕູ້ເຢັນຍີ່ຫໍ້ນີ້ມາແລ້ວ 2 ຄັ້ງ ໃນລາຄາ 1 ລ້ານ 5 ແສນກີບ ທັງສອງຄົນໃຊ້ມາໄດ້ຫລາຍປີແລ້ວແຕ່ກໍຍັງໃຊ້ໄດ້ດີຢູ່. ປະເດັນກ້ຽວມາຫາຂ້າພະເຈົ້າພໍແຕ່ຊິຈ່າຍເງິນ ນ້ອງຊາຍເຈົ້າຂອງຮ້ານເອີ້ນມາໃສ່ວ່າ ເຈົ້າຄືບໍ່ເອົາລຸ້ນ Panasonic 6.8 ຄິວ ລຸ້ນນີ້ດີກວ່າໃດ໋ ຂ້ອຍເຫັນວ່າເຈົ້າເປັນຂາປະຈຳເລີຍແນະນຳອັນດີໃຫ້ (ຂ້ອຍກໍລັ່ງເລໃຈ ເພາະໂທຫາອ້າຍທີ່ຂາຍເຄື່ອງໄຟຟ້າກໍບອກວ່າ HITACHI ຈະທົນກວ່າ) ແຮງຈູງໃຈທີ່ຄົນໃນຮ້ານໂນ້ມນ້າວ  ຂ້ອຍເລີຍຕົກລົງຊື້ ເພາະເຊື່ອວ່າເຂົາຄົງຈະຢາກໃຫ້ເຮົາໃຊ້ລຸ້ນດີໆ ເລີຍຈ່າຍເງິນໃນລາຄາ 1 ລ້ານ 4 ແສນ 5 ສິບພັນກີບ.



 ແຕ່ສຸດທ້າຍ ສິ່ງຕອບແທນຄວາມໄວ້ໃຈຂອງຂ້ອຍ ພໍແຕ່ເຄື່ອງມາສົ່ງຮອດບ້ານຂ້ອຍ ເຈົ້າເອີຍ... ຂ້ອຍແປກໃຈຢູ່ແລ້ວເປັນຍັງກ໋ອງມັນຄືບໍ່ຂຽນ Panasonic ຈັກໂຕ. ມີແຕ່ຂຽນວ່າ standand ຊິວ່າ standard ມັນຍັງສະກົດຕາມນັ້ນ. ຂ້ອຍຕັດສິນໃຈໂທໄປຖາມ ຄຳຕອບທີ່ໄດ້ຄື ບໍລິສັດສະແຕນດາດ (standard) ເປັນບໍລິສັດຂອງພານາໂຊນິກວ່າຊັ້ນ...



ຂ້າພະເຈົ້າກໍເລີຍທ້ວງໄປວ່າ ສະແຕນດາດຢູ່ໃສ ສະກົດຄຳຍັງບໍ່ຖືກ ເມື້ອກວດສອບເບິ່ງດີໆແລ້ວສະຫລາກເບີ 5 ທີ່ເປັນເຄື່ອງໝາຍຂອງໄທ ເປັນຂອງກັອບປອມ ສັ່ງເກດກາກະຊວງບໍ່ແຈ້ງ. ທີ່ເລົ່າມາດົນນານຍາວເຕັມໜ້າແມ່ນ ຢາກຂໍໃຫ້ໂທລະໂຄ່ງທີ່ເປັນສື່ກາງສົ່ງຫາງສຽງຂອງປະຊາຊົນວ່າ ການຄຸ້ມຄອງຜູ້ບໍລິໂພກແມ່ນໜ່ວຍງານໃດ ໃນກໍລະນີນີ້ ມັນເປັນການຫລອກລວງຕົ້ມຕຸ້ນຄືແນວນີ້ ຜູ້ບໍລິໂພກມີສິດຫຍັງແດ່ ຫລືຕ້ອງກົ້ມໜ້າຍອມຮັບສະພາບບໍ. ທາງພາກລັດຈະມີວິທີແກ້ໄຂຄວາມເດືອດເໜຶອຮ້ອນໃຈຂອງປະຊາຊົນແດ່ບໍ?
ຂອບໃຈແອັດມີນ ຫວັງວ່າ ເລື່ອງນີ້ຈະເປັນອຸທາຫອນໃຫ້ທຸກຄົນ.





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.