Header Ads

ຊຸດຝິຶກອົບຮົມການສຸຂະພິບານອາຫານໃຫ້ຜູ້ປະກອບການປຸງແຕ່ງອາຫານ ທົ່ວເມືອງເງິນ


ຊຸດຝິຶກອົບຮົມການສຸຂະພິບານອາຫານໃຫ້ຜູ້ປະກອບການປຸງແຕ່ງອາຫານ ໄດ້ຈັດຂຶ້ນຢ່າງເປັນທາງການໃນຕອນເຊົ້າຂອງວັນທີ 4 ກໍລະກົດ 2017 ນີ້ຢູ່ທີ່ສະໂມສອນເມືອງເງິນ ແຂວງໄຊຍະບູລີ ເຂົ້າຮ່ວມເປັນກຽດທ່ານ ດຣ ສິງຄຳ ຮັກປະເສີດ ຮອງຫົວໜ້າ ພະແນກສາທາລະນະສຸກແຂວງ ມີທ່ານ ດຣ ບຸນເລື່ອນ ບົວໄລ ຫົວໜ້າຫ້ອງການສາທາລະນະສຸກເມືອງ ມີທ່ານ ນາງສຸລານີ ພູມສຸວັນ ຫົວໜ້າພະແນກພັດທະນາສັງຄົມບໍລິສັດໄຟຟ້າຫົງສາ ມີຫ້ອງການທີ່ກ່ຽວຂ້ອງ ມີນັກທຸລະກິດ, ຜູ້ປະກອບການ ຮ້ານອາຫານ, ຮ້ານ ກິນດື່ມ, ເຮືອນພັກ ແລະ ໂຮງແຮມທົ່ວເມືອງເຂົ້າຮ່ວມ



ຊຸດຝຶກອົບຮົມໃນຄັ້ງນີ້ ນັກສຳມະນາກອນຈະໄດ້ພ້ອມກັນຮຽນຮູ້ ພາກທິດສະດີຕົວຈິງເປັນຕົ້ນແມ່ນ ມາລະຍາດການເສີບອາຫານ ການສຸຂະພິບານອາຫານໃຫ້ຜູ້ປຸງແຕ່ງອາຫານເພື່ອຄວາມປອດໄພຂອງຜູ້ບໍລິໂພກ ທັງເປັນການຊຸກຍູ້ສົ່ງເສີມ ໃຫ້ການບໍລິການປຸງແຕ່ງອາຫານຢູ່ບັນດາຫ້າງຮ້ານຕ່າງໆໃນທົ່ວເມືອງມີຄວາມສະອາດງາມຕາ ໂດຍເໜັ້ນໃສ່ ຫຼັກການອານາໄນສາມສະອາດ ທັງເປັນການຍົກລະດັບ ແລະ ພັດທະນາການບໍລິການໃຫ້ນັບມື້ດືຂຶ້ນເປັນກ້າວໆ ຈາກນັ້ນນັກສຳມະນາກອນກໍ່ຈະໄດ້ສົນທະນາແລກປ່ຽນບົດຮຽນເຊີ່ງກັນ ແລະ ກັນ ໃນການບໍລິການ ປຸງແຕ່ງອາຫານ ໃນໄລຍະຜ່ານມາ ເພື່ອໃຫ້ມີຄວາມເປັນເອກກະພານກັນທາງດ້ານລາຄາ ເຮັດໃຫ້ການຄ້າ ການຂາຍໄດ້ມີບັນຍາກາດຟົດຟື້ນ ໃນການຕອ້ນຮັບແຂກທັງພາຍໃນ ແລະ ຕ່າງປະເທດ ທີ່ເຂົ້າມາທ່ຽວຊົມເມືອງເງິນໄດ້ກິນອາຫານທີ່ ມີລົດຊາດແຊບ

ຊຸດຝຶກອົບຮົມດັ່ງກ່າວ ໄດ້ຮັບທືນສະໜັບສະໜູນຈາກໂຄງການໄຟຟ້າຫົງສາ.
ໂດຍ: ສຸລິຍາ ແສງເດືອນ
     




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.