Header Ads

ໄຖນາເຈີ ກະດິງຊ້າງ ແລະ ເຄື່ອງເກົ່າຫຼາຍອັນ, ເອົາໄປເຮືອນ ຝັນຮ້າຍທຸກຄືນຈົນໄດ້ນຳມາສົ່ງຄືນ! ທີ່ເມືອງອາດສະພອນ.



ສະຫວັນນະເຂດ: ລາຍງານຈາກ ຊາວບ້ານຈອມຮາດ ເມືອງອາດສະພອນ ພົບໝາກກະດິງຊ້າງ ແລະວັດຖຸບູຮ້ານຈຳນວນໜຶ່ງ ເມື່ອວັນທີ 9 ກໍລະກົດ 2017 ທີ່ຜ່ານມານີ້ອຳນາດການປົກຄອງບ້ານຈອມຮາດ ເມືອງອາດສະພອນ ແຂວງສະຫວັນນະເຂດ ໄດ້ແຈ້ງກັບຫ້ອງການ ຖະແຫຼງຂ່າວ, ວັດທະນະທຳ ແລະທ່ອງທ່ຽວເມືອງອາດສະພອນ.



ເລື່ອງລາວມ່ີຢູ່ວ່າ ທ້າວ ໃບ ອາຍຸ 40 ປີປະຈຸບັນຢູ່ບ້ານດັ່ງກ່າວ ໄດ້ໄຖນາຂອງຕົນເອງເມື່ອວັນທີ 20 ມິຖຸນາ 2017 ແລ້ວໄຖໄປຕຳປາກໄຫຢູ່ຂ້າງຄັນນາຈົນປາກໄຫແຕກ ແລ້ວເຫັນວ່າຢູ່ປາກໄຫ ມີໝາກກະດິງ 1 ໜ່ວຍຄາດວ່າເປັນກະດິງຊ້າງ ແລະຍັນຫຼອດຈຳນວນໜຶ່ງ,



ດັ່ງນັ້ນ ຜູ້ກ່ຽວຈຶ່ງເອົາກະດິງດັ່ງກ່າວ ເມືອໄວ້ເຮືອນຕົນເອງ ແຕ່ວ່າຕົນເກີດຝັນຮ້າຍທຸກມື້ ຈຶ່ງແຈ້ງຕໍ່ອຳນາດການປົກຄອງບ້ານ ແລະເອົາກະດິງດັ່ງກ່າວໄປໄວ້ຄືນບ່ອນເກົ່າ.


ຕໍ່ມາໃນວັນວັນທີ 12 ກໍລະກົດ 2017 ທ່ານ ບຸນທະວີ ດວງມາລາ ຫົວໜ້າໜ່ວຍງານວັດທະນະທຳ ຈຶ່ງໄດ້ລົງໄປສົມທົບກັບອຳນາດການປົກຄອງບ້ານເຮັດພິທີ ແລະກວດສອບວັດຖຸບູຮານດັ່ງກ່າວເຫັນວ່າ ພາຍໃນປາກໝໍ້ມີກະດິ່ງຊ້າງ 1 ໜ່ວຍ, ຂໍຊ້າງ 1 ອັນ, ຍັນຫຼອດ 174 ອັນ ແຕ່ພາຍໃນໄຫດັ່ງກ່າວຍັງບໍ່ທັນໄດ້ຄົ້ນຂື້ນໝົດ ເນື່ອງຈາກອໍານາດການປົກຄອງ ແລະພໍ່ແມ່ປະຊາຊົນຍັງບໍ່ເຫັນດີໃຫ້ຄົ້ນຂື້ນມາ.


ເຖິງຢ່າງໃດກໍ່ຕາມວັດຖຸບູຮານທີ່ຄົ້ນພົບນີ້ຍັງບໍ່ທັນມີໃຜຮູ້ທີ່ມາເທື່ອ ແລະມີອາຍຸດົນນານປານໃດ.
ດັ່ງນັ້ນ, ທາງອໍານາດການປົກຄອງບ້ານຈຶ່ງໄດ້ປົກປັກຮັກສາໄວ້ບ່ອນເກົ່າ.

ພາບແລະຂ່າວ: ປະຊາຊົນ ສະຫວັນນະເຂດ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.