Header Ads

ຂະແໜງສາທາລະນະສຸກ ຈະຮັບເອົານັກສຶກສາ ປະມານ 500 ຄົນ




ທ່ານ ຄຳປະສົງ ເສດຖາວັນໄຊ ຮອງຫົວໜ້າຫ້ອງການມະຫາວິທະຍາໄລວິທະຍາສາດສຸຂະພາບ ໃຫ້ຮູ້ວ່າ: ສົກຮຽນ 2017-2018 ມະຫາວິທະຍາໄລວິທະຍາສາດສຸຂະພາບ ຈະຮັບນັກສຶກສາປະມານ 500 ຄົນ ສ່ວນການເປີດຂາຍແບບສອບເສັງເຂົ້າຮຽນ ເລີ່ມມາແຕ່ທ້າຍເດືອນມິຖຸນາ 2017 ປິດຂາຍວັນທີ 21 ກໍລະກົດ ແລະ ສອບເສັງວັນທີ 29 ກໍລະກົດ 2017.

ປັດຈຸບັນ ມີນັກຮຽນໄດ້ມາລົງທະບຽນສອບເສັງຫຼາຍກວ່າ 5 ພັນຄົນ ເຊິ່ງສູນສອບເສັງໃຫຍ່ ໄດ້ກຳນົດເອົາມະຫາວິທະຍາໄລ ວິທະຍາສາດສຸຂະພາບ ສ່ວນຈຸດສອບເສັງຍ່ອຍ ມີຄື: ວິທະຍາເຂດທາດດຳ ວິທະຍາເຂດເພຍ ວັດວິທະຍາເຂດດອນກອຍ ວິທະຍາໄລເຕັກນິກປາກປ່າສັກ ໂຮງຮຽນມັດທະຍົມຕອນປາຍໂຮ່ຈີມິງ ມສ ເຈົ້າອານຸວົງ ແລະ ວິທະຍາໄລວຽງຈັນ-ຮ່າໂນ້ຍ ແລະ ໃນເວລາສອບເສັງ ຫ້າມນຳເອົາເອກະສານ ຫຼື ອຸປະກອນການສື່ສານເຂົ້າຫ້ອງສອບເສັງເດັດຂາດ ເປັນຕົ້ນ ຈັກຄິດໄລ່ ໂທລະສັບມືຖື ຖ້າລະເມີດຈະຖືກຕັດສິດສອບເສັງທັນທີ.
ປັດຈຸບັນ ມະຫາວິທະຍາໄລວິທະຍາສາດສຸຂະພາບມີຫຼັກສູດການຮຽນ-ການສອນ 2 ລະບົບຄື: ລະບົບປະລິນຍາຕີມີ 9 ສາຂາຄື: ແພດສາດ ການຢາ ທັນຕະສາດ ພະຍາບານ ພະດຸງຄັນ ວິເຄາະການແພດ ກາຍະພາບບຳບັດ ຢາພື້ນເມືອງ ແລະ ເຕັກນິກລັງສີ ສ່ວນອະນຸປະລິນຍາຕີ ມີສາຂາການຢາ ວິເຄາະການແພດ ລັງສີຮູບພາບການແພດ ແລະ ຊ່າງທັນຕະກຳ (ຜະລິດແຂ້ວທຽມ).

ຂ່າວ: ຫນັງສືພິມວຽງຈັນໃຫ່ມ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.