Header Ads

ຄອບຄົວຜູ້ເສຍສະຫຼະຊີວິດໃນປາງສົງຄາມ ທົ່ວແຂວງໄຊຍະບູລີ ໄດ້ຮັບເງິນອຸດໜູນ


ພິທີມອບ-ຮັບເງິນອຸດໜູນນາມມະຍົດແຂ່ງຂັນ ແລະ ຜູ້ເສັຍສະຫຼະຊີວິດໃນປາງສົງຄາມ ທົ່ວແຂວງໄຊຍະບູລີ ໄດ້ຈັດຂຶ້ນໃນຕອນບ່າຍວັນທີ 11 ກໍລະກົດ 2017 ທີ່້ຫ້ອງປະຊຸມຫ້ອງວ່າການປົກຄອງເມືອງໄຊຍະບູລີ. ໂດຍການໃຫ້ກຽດເຂົ້າຮ່ວມຂອງທ່ານ ນາງ ບຸນພັກ ອິນທະປັນຍາ ກຳມະການປະຈຳພັກແຂວງ, ຮອງເຈົ້າແຂວງໄຊຍະບູລີ, ໂດຍມີທ່ານ ນາງ ແພງຈັນ ແກ້ວມະນີວົງ, ກຳມະການພັກແຂວງ, ຫົວໜ້າພະແນກແຮງງານ ແລະ ສະຫວັດດີການ-ສັງຄົມ ແຂວງໄຊຍະບູລີ, ທ່ານ ນາງ ອິດມະນີ ຈັນທະຄູນ, ສະມາຊິກສະພາແຫ່ງຊາດ, ຮອງປະທານສະມາຊິກສະພາປະຊາຊົນແຂວງໄຊຍະບູລີ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າພະແນກການ, ຫ້ອງການ, ພະນັກງານ, ອຳນາດການປົກຄອງບ້ານ ຕະຫຼອດຮອດຜູ້ທີ່ໄດ້ຮັບເງິນອຸດໜູນເຂົ້າຮ່ວມ.



ໃນພິທີທ່ານ ນາງ ແພງຈັນ ແກ້ວມະນີວົງ, ຫົວໜ້ພະແນກແຮງງານ ແລະ ສະຫວັດດີການ-ສັງຄົມແຂວງໄດ້ຂື້ນຜ່ານຂໍ້ຕົກລົງຂອງຂໍ້ຕົກລົງຂອງລັດຖະມົນຕີກະຊວງແຮງງານ ແລະ ສະຫວັດດີການ-ສັງຄົມ ວ່າດ້ວຍການປະຕິບັດນະໂຍບາຍເງິນອຸດໜູນນາມມະຍົດນັກຮົບແຂ່ງຂັນປະຈຳປີ 2017, ໂດຍອີງຕາມດຳລັດຂອງນາຍົກລັດຖະມົນຕີ ເລກທີ 138/ນຍ, ລົງວັນທີ 4 ພຶດສະພາ 2007 ວ່າດ້ວຍການຈັດຕັ້ງການເຄື່ອນໄຫວຂອງກະຊວງແຮງງານ ແລະ ສະຫວັດດີການ-ສັງຄົມ, ອີງຕາມດຳລັດຂອງລັດຖະບານ ເລກທີ 272/ລບ, ລົງວັນທີ 16 ກັນຍາ 2015 ວ່າດ້ວຍການປະຕິບັດນະໂຍບາຍຕໍ່ຜູ້ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕ, ອີງຕາມໃບສະເໜີຂອງເຈົ້າແຂວງໄຊຍະບູລີ ເລກທີ 209/ຈຂ.ຊຍ, ລົງວັນທີ 29 ທັນວາ 2016.

 ອີງຕາມບັນຊີລາຍຊື່ຜູ້ທີ່ໄດ້ຮັບນະໂຍບາຍເງິນອຸດໜູນເສຍຊີວິດຂອງພະແນກແຮງງານ ແລະ ສະຫວັດດີການ-ສັງຄົມ ແຂວງໄຊຍະບູລີ ເລກທີ 79/ຮສສ.ຂ, ລົງວັນທີ 20 ມັງກອນ 2017. ລັດຖະມົນຕີກະຊວງແຮງງານ ແລະ ສະຫວັດດີການ-ສັງຄົມຕົກລົງເຫັນດີອະນຸມັດເງິນອຸດໜູນນາມມະຍົດນັກຮົບແຂ່ງຂັນ ໃຫ້ພະແນກແຮງງານ ແລະ ສະຫວັດດີການ-ສັງຄົມ ແຂວງໄຊຍະບູລີ ຈຳນວນ 2 ທ່ານ ເປັນເງິນ 20 ລ້ານກີບ, ຂໍ້ຕົກລົງຂອງລັດຖະມົນຕີກະຊວງແຮງງານ ແລະ ສະຫວັດດີການ-ສັງຄົມ ວ່າດ້ວຍການປະຕິບັດນະໂຍບາຍເງິນອຸດໜູນເສຍສະຫຼະຊີວິດປະຈຳປີ 2017. ລັດຖະມົນ ຕົກລົງເຫັນດີອະນຸມັດເງິນອຸດໜູນເສຍສະຫຼະຊີວິດ ໃຫ້ພະແນກແຮງງານ ແລະ ສະຫວັດດີການ-ສັງຄົມ ແຂວງໄຊຍະບູລີ ໃນຈຳນວນ 150 ທ່ານ ເປັນເງິນ 3 ຕື້ 201 ລ້ານ 7 ແສນກ່ວາກີບ. ຈາກນັ້ນໃນພິທີ ກໍ່ໄດ້ມອບເງິນອຸດໜູນໃຫ້ແກ່ນັກຮົບແຂ່ງຂັນ ແລະ ຜູ້ທີ່ເສຍສະຫຼະຊີວິດໃນປາງສົງຄາມ. ໂດຍການໃຫ້ກຽດມອບເງິນອຸດໜູນຂອງທ່ານ ນາງ ບຸນພັກ ອິນທະປັນຍາ, ຮອງເຈົ້າແຂວງໄຊຍະບູລີ ໂດຍຊ່ອງໜ້າພາກສ່ວນທີ່ກຽ່ວຂ້ອງເຂົ້າຮ່ວມເປັນສັກຂີພິຍານ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.