Header Ads

ສະຫະພັນແມ່ຍິງ ປກສ ແຂວງບໍ່ແກ້ວ ສະຫຼຸບຕີລາຄາການຊີ້ນຳ-ນຳພາ ປະຈຳ 6 ເດືອນຕົ້ນປີ 2017 ແລະ ທິດທາງແຜນການປະຈຳ 6 ເດືອນ ທ້າຍປີ 2017


ໃນວັນທີ່ 14 ກໍລະກົດ ທີ່ຜ່ານມານີ້ສະຫະພັນແມ່ຍິງ ປກສ ແຂວງບໍ່ແກ້ວ ໄດ້ເປີດກອງປະຊຸມສະຫຼຸບຕີລາຄາການຊີ້ນຳ-ນຳພາ ປະຈຳ 6 ເດືອນຕົ້ນປີ 2017 ແລະ ທິດທາງແຜນການປະຈຳ 6 ເດືອນ ທ້າຍປີ 2017ຂຶ້ນ ຢູ່ທີ່ສະໂມສອນກອງບັນຊາການ ປກສ ແຂວງບໍ່ແກ້ວ ໂດຍການເປັນປະທານຂອງທ່ານ ພັອ ຈັນນວນ ອວນຄະນະຈັກ ຮອງເລຂາຄະນະພັກ ຮອງກອງບັນຊາການ ປກສ ແຂວງບໍ່ແກ້ວ, ເຂົ້າຮ່ວມມີ ຄະນະບໍລິຫານງານສະຫະພັນແມ່ຍິງແຂວງ ຄະນະຮາກຖານ ສະຫະພັນແມ່ຍິງ ປກສ ແຂວງ ຕະຫຼອດຮອດ ບັນດາສະມາຊິກສະຫະພັນແມ່ຍິງ ປກສ ແຂວງບໍ່ແກ້ວເຂົ້າຮ່ວມ. 


ໃນກອງປະຊຸມ ທ່ານ ພັຕ ນາງ ເພັດນະຄອນ ບຸນສັກ ຄະນະບໍລິຫານງານສະຫະພັນແມ່ຍິງແຂວງ ຄະນະຮາກຖານ ສະຫະພັນແມ່ຍິງ ປກສ ແຂວງ ກໍ່ໄດ້ຜ່ານບົດສະຫຼຸບຕີລາຄາການຊີ້ນຳ-ນຳພາ ປະຈຳ 6 ເດືອນຕົ້ນປີ 2017 ແລະ ທິດທາງແຜນການປະຈຳ 6 ເດືອນ ທ້າຍປີ 2017 ໃນໄລຍະຜ່ານມາຄະນະຮາກຖານສະຫະພັນແມ່ຍິງພວກເຮົາໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ສະມາຊິກເປັນປົກກະຕິ, ຈັດຕັ້ງເຜີຍແຜ່ແນວທາງນະໂຍບາຍຂອງພັກ ລະບຽບກົດໝາຍຂອງລັດ ມູນເຊື້ອອັນສາມັກຄີຂອງພັກ-ລັດ ແລະ ເອກະສານສຳຄັນຕ່າງໆຂອງກົມກອງ 24 ຄັ້ງ ຜັນຂະຫຍາຍມະຕິກອງປະຊຸມຄົບຄະນະບໍລິຫານງານສະຫະພັນແມ່ຍິງແຂວງຄັ້ງທີ່ 2 ສະໄໝທີ່ 5 ເນື້ອໃນຄຳຂວັນ ແລະ ຂໍ້ແຂ່ງຂັນ 3 ດີໃຫ້ສະມາຊິກສະຫະພັນແມ່ຍິງ ປກສ ແຂວງ 2 ຄັ້ງ ນອກຈາກນັ້ນກໍ່ໄດ້ເຄື່ອນໄຫວວຽກງານວິຊາສະເພາະຂອງແຕ່ລະສະຫາຍ ເຊັ່ນ: ວຽກງານຫ້ອງການ, ວຽກງານພະລາທິການ, ວຽກງານການເມືອງ,ວຽກງານສູ້ຮົບ ແລະ ອື່ນໆ ພ້ອມກັນນັ້ນກໍ່ໄດ້ປຸກລະດົມເອື້ອຍນ້ອງປະກອບສ່ວນຢ່າງຕັ້ງໜ້າໃນການປ້ອງກັນເວນຍາມສຳນັກງານອົງການຂອງຕົນຢ່າງເປັນປົກກະຕິ. 

ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ສະມາຊິກສະຫະພັນແມ່ຍິງເປັນປົກກະຕິ ສືບຕໍ່ຊີ້ນຳ-ນຳພາດ້ານວຽກງານວິຊາສະເພາະ ຍົກສູງຄວາມຮັບຜິດຊອບຕໍ່ໜ້າທີ່ວຽກງານ ແລະ ສືບຕໍ່ສ້າງຂະບວນການຂໍ້ແຂ່ງຂັນ 3 ດີ ຂອງແມ່ຍິງລາວ ກໍ່ຄືຂະບວນການຂອງກົມກອງ ໃຫ້ເປັນຂະບວນຟົດຟື້ນ.

 
 
ທ້າຍພິທີກໍ່ໄດ້ຮັບຟັງຄຳໂອ້ລົມຂອງ ທ່ານ ພັອ ຈັນນວນ ອວນຄະນະຈັກ ກ່ອນອື່ນທ່ານກໍ່ໄດ້ຍ້ອງຍໍຊົມເຊີຍຕໍ່ຜົນງານຂອງບັນດາໜ່ວຍສະຫະພັນແມ່ຍິງກອງບັນຊາການ ປກສ ແຂວງບໍ່ແກ້ວທີ່ຍາດມາໄດ້ໃນໄລຍະຜ່ານມາ ແລະ ໄດ້ເນັ້ນໜັກໃຫ້ຄະນະໜ່ວຍສະຫະພັນແມ່ຍິງໃຫ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດໃຫ້ເອື້ອຍນ້ອງຍິງເປັນປົກະຕິ, ເອົາໃຈໃສ່ຊີ້ນຳ-ນຳພາຂະບວນການເຄື່ອນໄຫວ ເປັນຕົ້ນແມ່ນ ປະຕິບັດຄຳສັ່ງຂອງຂັ້ນເທິງ ແລະ ຂອງໜ່ວຍວາງອອກ, ມີຄວາມສາມັກຄີລະຫວ່າງເອື້ອຍນ້ອງພາຍໃນໜ່ວຍ, ອ້າຍນ້ອງພາຍໃນກົມກອງ, ເອົາໃຈໃສ່ປະຕິ ບັດໜ້າທີ່ວຽກງານວິຊາສະເພາະ ແລະ ວຽກງານສະຫະພັນແມ່ຍິງເປັນຕົ້ນແມ່ນວຽກງານຂໍ້ແຂ່ງຂັນ 3 ດີ ໃຫ້ປະກົດຜົນເປັນຈິງ.

ຂ່າວ ວທ ລິນດາ ດວງປະເສີດ/ປກສ ແຂວງບໍ່ແກ້ວ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.