Header Ads

ຈັບຕົວມາລົງໂທດແລ້ວ! ໂຈນປີນເຂົ້າເຮືອນປະຊາຊົນ ຢູ່ບ້ານຊຽງເຫຼັກ ຫຼວງພະບາງ (ມີຄລິບຕອນລັກ)


ຫຼວງພະບາງ: ລາຍງານຈາກ ປກສ ຫຼວງພະບາງ ໃນວັນທີ 10/7/2017 ໃຫ້ຮູ້ວ່າ ພາຍຫຼັງເຫດການ ໂຈນລັກເຂົ້າເຮືອນປະຊາຊົນ ແລະ ລັກເອົາສິ່ງຂອງ ພາຍໃນເຮືອນ ໂດຍກ້ອງວົງຈອນປິດ ຈັບພາບໄດ້ ໃນວັນທີ 20/6/2017 ຜ່ານມາ ແລະ ຕອນທ້າຍປີ 2016 ຜູ່ກ່ຽວກໍ່ເຄີຍກໍ່ເຫດ. ພາຍຫຼັງກໍ່ເຫດ ກໍ່ຫຼົບໜີ,  ຈົນມາຮອດອາທິດຜ່ານມາ ເຈົ້າໜ້າທີ່ສາມາດ ສືບຫາ ແລະ ຕາມຈັບມາລົງໂທດ.

ຈາກການສອບສວນຮູ້ວ່າ ຜູ່ກ່ຽວແມ່ນຕິດຢາບ້າ ມາແຕ່ ປີ 2016. ເມື່ອບໍ່ເງິນຊື້ຢາ ຈິ່ງອອກເລາະ ລັກ ທຸກຢ່າງທີ່ຂວາງໜ້າ ເພື່ອເອົາໄປຂາຍຊື້ຢາບ້າມາເສບ.

ຊົມເຊີຍເຈົ້າໜ້າທີ່ ປກສ ກຸ່ມຜາໂຄມ, ເມືອງຫຼວງພະບາງ ທີ່ໄດ້ເອົາໃຈໃສ່ ແລະ ຕິດຕາມຜູ່ກະທຳຜິດມາລົງໂທດ ແລະ ນີ້ເປັນບົດຮຽນແກ່ທຸກຄົນ ຕ້ອງຕະໜັກສະເໝີວ່າ ການຫຍຸ້ງກ່ຽວ ກັບຢາເສບຕິດ, ການພະນັນ ແມ່ນສິ່ງທີ່ບໍ່ດີ. ໃຜທີ່ຕິດຢາ ຕິດການພະນັນ ກໍ່ຂໍໃຫ້ ເລີກຊະ ກ່ອນມັນຊິຊ້າເກີນໄປ.

ພາບແລະຂ່າວ: ປກສ ກຸ່ມ ຜາໂຄມ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.