Header Ads

ມຊ ມີແຜນຮັບນັກສຶກສາໃໝ່ພຽງ 6 ພັນຄົນ



ມະຫາວິທະຍາໄລແຫ່ງຊາດ ເປັນຄວາມໄຝ່ຝັນຂອງຜູ້ຈົບສາມັນທຸກຄົນຢາກມາຮຽນທີ່ນີ້ເພາະເປັນສະຖາບັນທີ່ມີຊື່ສຽງ ແລະໄດ້ຜ່ານຂະບວນການສ້າງບຸຄະລາກອນຄຸນນະພາບມາແລ້ວຫຼາຍຕໍ່ຫຼາຍຮຸ່ນຄົນ ຊຶ່ງສົກຮຽນນີ້ມີນັກຮຽນ ມ7 ໃຫ້ຄວາມສົນໃຈຢາກຮຽນຫຼາຍສົມຄວນຕົວເລກເຂົ້າສອບເສັງ 18.000 ກວ່າຄົນ ໄດ້ເຂົ້າຫ້ອງສອບເສັງໃນຕອນເຊົ້າວັນທີ 25 ກໍລະກົດ 2017ນີ້ ແຕ່ແມ່ນໃຜແນ່ທີ່ຈະແມ່ນຜູ້ໄດ້ຄະແນນດີ ແລະຖືກຄັດເລືອກເຂົ້າຮຽນຕົວຈິງເນື່ອງຈາກຕອງເລກຮອງຮັບພຽງ 1/3ຂອງຜູ້ເຂົ້າເສັງທັງໝົດ.

ຕາມຂໍ້ມູນຫຼ້າສຸດໃຫ້ຮູ້ວ່າ: ປີນີ້ມະຫາວິທະຍາໄລແຫ່ງຊາດຈະຮັບເອົານັກສຶກສາເຂົ້າຮຽນໃໝ່ໃນຕົວເລກ 6 ພັນຄົນ ຊຶ່ງໝາຍຄວາມວ່າ ມຊ ຈະໄດ້ຄັດເລືອກເອົາພຽງ 6 ພັນຄົນທີ່ມີຄະແນນສອບເສັງດີທີ່ສຸດບັນຈຸເຂົ້າຮຽນຕາມຄວາມສາມາດຮອງຮັບເທົ່ານັ້ນ ໃນຂະນະທີ່ຕົວເລກເຂົ້າເສັງຕົວຈິງສູງເຖິງ 18 ພັນກວ່າຄົນທຽບໃສ່ປີ 2016 ລື່ນ 3 ພັນກວ່າຄົນ.



ສະນັ້ນ້ອງນັກຮຽນທີ່ມີຈຸດປະສົງຈະເຂົ້າຮຽນທີ່ມະຫາວິທະຍາໄລແຫ່ງຊາດກໍ່ເພື່ອໃຈໄວ້ ແລະຫາທາງເສັງຫຼາຍບ່ອນເພື່ອທາງເລືອກຕົນເອງໄດ້ມີບ່ອນຮຽນວິຊາຊີບສົມກັບຄວາມມຸ້ງຫວັງຕັ້ງໃຈຂອງຄອບຄົວ ແລະການທຸ່ມເທຮ່ຳຮຽນມາ 10 ກວ່າປີຢູ່ສາຍສາມັນ.

ການເຂົ້າຮຽນສາຍອາຊີບບໍ່ຈຳເປັນຕ້ອງຢູ່ ມະຫາວິທະຍາໄລສະເໝີໄປ ຍັງມີສະຖາບັນການສຶກສາອີກຫຼາຍແຫ່ງເປັນຕົ້ນໂຮງຮຽນເຕັກນິກວິຊາຊີບ ຍິ່ງເປັນສາຍທີ່ຕະຫຼາດແຮງງານຕ້ອງການຫຼາຍຢູ່ບ້ານ ເຮົາ ດ່ັງນັ້ນ, ນ້ອງໆຈົ່ງກຽມບົດຮຽນໃຫ້ຫຼາຍໆ ແລະເສັງໃຫ້ໄດ້ບ່ອນໃດໜຶ່ງທຸກການສຶກສາລ້ວນມີຜົນດີຕໍ່ອະນາຄົດຂອງທຸກຄົນ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.