Header Ads

ຫົວເຫວີຍ ໄດ້ຕິດອັນດັບທີ 83 ໃນ ການຈັດອັນດັບໃຫມ່ຫຼ້າສຸດຂອງ Fortune 500 ປີ 2017



ບໍລິສັດຫົວເຫວີຍ, ຜູ້ຜະລິດສະມາດໂຟນໃຫຍ່ທີ່ສຸດອັນດັບສາມຂອງໂລກ, ໄດ້ກ້າວຂື້ນສູ່ອັນດັບທີ 83 ຂອງປີ 2017 ຂອງວາລະສານທຸລະກິດທີ່ເປັນທີ່ຮູ້ຈັກຂອງໂລກ, ເປັນການຈັດອັນດັບລ່າສຸດຂອງ Fortune 500 ລາຍຊື່ບໍລິສັດ. ລາຍຮັບລວມຂອງປີ ແມ່ນ 78.51 ພັນລ້ານ ໂດລາສະຫະລັດ ເຊີ່ງພາໃຫ້ ຫົວເຫວີຍຕິດ 100 ອັນດັບລາຍຊື່ຂອງໂລກ ເປັນຄັ້ງທໍາອິດ, ເປັນການກ້າວໂດດ ຈາກອັນດັບທີ 129 ປີທີ່ຜ່ານມາ.

ການຈັດອັນດັບ Fortune 500 ບັນຊີລາຍຊື່ ແມ່ນໄດ້ຮັບມີຊື່ສຽງ ແລະ ຍ້ອງຍໍຫຼາຍທີ່ສຸດຈາກ ບໍລິສັດໃຫຍ່ໃນທົ່ວໂລກ. ເປັນທີ່ຮູ້ຈັກວ່າໃນນາມ "ບັນຊີລາຍຊື່ທີ່ດີທີ່ສຸດ", ທີ່ເປັນການຈັດອັບບໍລິສັດ ຕາມການສ້າງລາຍຮັບ ແລະ ຜົນກໍາໄລຂອງເຂົາເຈົ້າ, ໂດຍຂະຫນາດບໍລິສັດທີ່ທຽບກັນຕ້ອງແມ່ນຄ້າຍຄືກັນ. ການຈັດອັນດັບ Fortune 500 ແມ່ນເປັນຕົວຊີ້ວັດທີ່ສໍາຄັນ ໂດຍບໍລິສັດທີ່ຈະວັດແທກຄວາມເຂັ້ມແຂງ, ຂະຫນາດ ແລະ ການແຂ່ງຂັນໃນເວທີສາກົນ, ສັນຊາດ ແລະ ຄວາມແຕກຕ່າງທາງວັດທະນະທໍາ.

ມູນຄ່າຍີ່ຫໍ້ຂອງ ຫົວເຫວີຍ ໄດ້ເພີ່ມຂຶ້ນຫຼາຍສົມຄວນເນື່ອງຈາກອຸດົມການທາງ ທີ່ຜູ້ບໍລິໂພກເປັນສູນກາງຂອງທຸລະກິດ. ບໍລິສັດຫົວເຫວີຍ ໄດ້ເພີ່ມຂຶ້ນຫຼັກຊັບຂອງຕົນ ຈາກໄດ້ຮັບອັນດັບທີ 352 ໃນປີ 2011 ມາເປັນ ທີ 83 ປີ 2017 ນີ້. ນອກຈາກນີ້ ຫົວເຫວີຍ ກໍ່ໄດ້ຮັບການຈັດອັບດັບມູນຄ່າຍີ່ຫໍ້ ຈາກຫຼາກຫຼາຍ ສະຖາບັນທີ່ຫນ້າເຊື່ອຖື. ເຊີ່ງເຮົາຈະຍົກຕົວຢ່າງໃຫ້ເຫັນຄື, ຫົວເຫວີຍ ແມ່ນບໍລິສັດລາຍດຽວຈາກຈີນທີ່ຕິດໃນລາຍຊື່ ມູນຄ່າຍີ່ຫໍ້ທີ່ດີທີ່ສຸດຂອງໂລກ ຈາກ Forbes ໃນປີ 2017; ຕິດອັນດັບທີ 49 ໃນ 100 ບັນຊີລາຍຊື່ ຂອງ BrandZ ທີ່ມີຈັດອັນດັບຄຸນຄ່າຍີ່ຫໍ້ຫຼາຍທີ່ສຸດໃນທົ່ວໂລກ; ແລະກະໂດດ 7 ອັນດັບ ປຽບທຽບກັບປີທີ່ຜ່ານ ມາເປັນອັນດັບທີ 40 ໃນ ບັນຊີລາຍຊື່ ຂອງ Brand Finance 2017 Global 500 ທີ່ຈັດອັນດັບຍີ່ຫໍ້ທີ່ມີຄຸນຄ່າຫຼາຍທີ່ສຸດໃນໂລກ.

ຫນຶ່ງໃນ ສາມກຸ່ມທຸລະກິດ ຂອງຫົວເຫວີຍ, ກຸ່ມທຸລະກິດຜູ້ບໍລິໂພກ ຫົວເຫວີຍ ໄດ້ໃຫ້ຄໍາຫມັ້ນສັນຍາວ່າ ຈະເປັນວັດທະນະທໍາ ແລະ ເຕັກໂນໂລຊີ ທີ່ນິຍົມໃນບັນດາຜູ້ບໍລິໂພກໃນທົ່ວໂລກ. ອີງຕາມສະຖິຕິຄົ້ນຄວ້າຕະຫຼາດຈາກ ອົງການທີ່ເປັນທີ່ຍອມຮັບເຊັ່ນ: IDC, SA ແລະ Trendforce, ຫົວເຫວີຍແມ່ນເປັນອັນດັບສາມຂອງໂລກ ທາງສ່ວນແບ່ງການຕະຫຼາດ ໃນໄຕມາດທີ່ 1 ປີ 2017.

ໃນປະເທດລາວ, ຫົວເຫວີຍກໍ່ໄດ້ນຳສະເໜີ ນະວັດຕະກຳ ແລະ ເທັກໂນໂລຢີໃຫມ່ສູ່ສັງຄົມລາວຕະຫຼອດ ແລະ ກໍ່ຖືໄດ້ວ່າຫົວເຫວີຍ ໄດ້ຮັບຜົນສໍາເລັດຫລາຍສົມຄວນ ແລະ ຊະນະຫົວໃຈຂອງຜູ້ບໍລິໂພກຈໍານວນຫຼາຍ, ເຊີ່ງເປັນສັນຍານທີ່ດີທີ່ກໍ່ສ້າງພື້ນຖານອັນເຂັ້ມແຂງ ສໍາລັບ ຫົວເຫວີຍ ເພື່ອເພີ່ມປະສິດທີພາບຂອງຕົນໃນຕະຫຼາດລາວ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com





ກົດພາບອ່ານລາຍລະອຽດ

No comments

Powered by Blogger.