Header Ads

ແບ່ງປັນປະສົບການ ສຳລັບການຂາຍເຄື່ອງອ່ອນລາຍ ໃຫ້ມີປະສິດທິພາບ ໂດຍສາວຕ້າ! ຄວາມສຳເລັດທີ່ຢາກແບ່ງປັນ


ມື້ນີ້ ຮັກລາວ ໂທລະໂຄ່ງ ຈະນຳເອົາເລື່ອງລາວ ທີ່ໃກ້ຕົວ ຫຼື ກາຍເປັນອີກປັດໃຈສຳຄັນຂອງ ຄົນເຮົາໄປເລີຍກໍ່ວ່າໄດ້. ນັ້ນກໍ່ຄື ເລື່ອງອິນເຕີເນັດ ແລະ ການນຳໃຊ້ ເພື່ອເປັນຊ່ອງທາງຄ້າຂາຍ ເວົ້າແບບສັບທັນສະໄໝກະແມ່ນ ການຂາຍເຄື່ອງອ່ອນລາຍ.

ກ່ອນຈະເອີຍຮອດປະເດັນການນຳໃຊ້ວິທີການ ຂາຍເຄື່ອງອ່ອນລາຍ ແລະ ຜົນປະໂຫຍດ-ປະສິດທິພາບ ຂອງການຂາຍອ່ອນລາຍ ເຊື່ອວ່າຫຼາຍຄົນ ອາດຈະໄດ້ຍິນຂ່າວ ຫຼື ບາງຄົນອາດຈະ ເຈີປະສົບຕົວຈິງດ້ວຍຕົນເອງ. ບາງຄົນສັ່ງຊື້ເຄື່ອງອ່ອນລາຍ ເຫັນຮູບຮ່າງໜ້າຕາ, ແລະ ການອະທິບາຍຊັບພະຄຸນຄັກແທ້ໆ. ບາດວ່າ ໄດ້ເຄື່ອງມາແລ້ວ ຜິດຫວັງ ເພາະບໍ່ເປັນໄປຕາມທີ່ຄິດ. ບາງຄົນສັ່ງຊື້ເສື້ອ ໂຕບັກງາມ ບາດໄດ້ຮັບແລ້ວ! ໂອ໋ຍ! ຮັບບໍ່ໄດ້. ຫຼື ອັນທີ່ມັນຮິດ ຫຼາຍໃນການຂາຍອ່ອນລາຍ ກໍ່ແມ່ນ່ສິນຄ້າ ຄວາມງາມ ແລະ ສິນຄ້າອາຫານເສີມ ທີ່ບອກໄດ້ວ່າ ເປີດເຟສບຸກຂຶ້ນມາ ກໍ່ເຕັມໜ້າຈໍ. ແລະ ອັນທີ່ຮ້າຍແຮງໄປກວ່ານັ້ນ ແມ່ນສັ່ງຊື້ສິນຄ້າໄປແລ້ວ ໂອນເງິນໄປໃຫ້, ສຸດທ້າຍຖືກແມ່ຄ້າຈອມຕົ້ມຕຸນ ກະແລ້ວວັບ! ເສຍເງິນລ້າໆ. ໂດຍສະເພາະ ການສັ່ງຊື້ສິນຄ້າຂ້າມປະເທດ ຍິງມີຄວາມສ່ຽງ. ສັ່ງຊື້ຄັ້ງທີ 1 ຄັ້ງທີ 2 ໄດ້ສິນຄ້າດີດັກ, ບາດຄັ້ງຕໍ່ໄປ ສັ່ງຊື້ຫຼາຍໆ ແລ້ວຫາຍໄປເລີຍ. ອັນນີ້ກໍ່ມີ ເປັນປະກົດການຫຍໍ້ທໍ້ ແລະ ໄພທາງໂລກອິນເຕີເນັດ ທີ່ບອກໄດ້ວ່າຕ້ອງໄດ້ລະມັດລະວັງ.



ນອກຈາກ ພາກສ່ວນ ຜູ່ບໍລິໂພກ ຈະປະສົບບັນຫາຂ້າງເທີງ, ຝ່າຍແມ່ຄ້າເອງ ກໍ່ມີບັນຫາເຊັ່ນກັນ,​ບາງຄົນເອົາໃຈລູກຄ້າ ສົ່ງສິນຄ້າໄປໃຫ້, ສຸດທ້າຍລູກຄ້າບໍ່ຈ່າຍຄ່າສິນຄ້າ,​ ຫຼືບາງກໍລະນີ ສັ່ງສິນຄ້າໄວ້ແລ້ວ ບາດຮອດຍາມສົ່ງສິນຄ້າພັດວ່າ ບໍ່ຮັບສາຍ ຫຼື ບ໋ອກ ແມ່ຄ້າໄປເລີຍ.

ເຫດການຂ້າງເທີງ ທີມງານໂທລະໂຄ່ງເອງ ກໍ່ໄດ້ຮັບຂໍ້ຄວາມຮ້ອງຂໍ້ ຫຼາຍແທ້ໆ ຈົນບໍ່ຮູ້ວ່າຈະແກ້ໄຂໃຫ້ທຸກໆຄົນໄດ້ແນວໃດ ເພື່ອໃຫ້ການຄ້າຂາຍອ່ອນລາຍມີປະສິດທິພາບ ແລະ ເຊື່ອໝັ້ນໄດ້.

ເອົາລະ! ມື້ນີ້ຮັກລາວໂທລະໂຄ່ງ ມີປະສົບການຈາກ ສາວຕ້າ ທີ່ບອກໄດ້ວ່າ ມີປະສົບການ ເລື່ອງການນຳໃຊ້ ສື່ອ່ອນລາຍ ເປີດຮ້ານຂາຍເຄື່ອງອ່ອນລາຍມາ ຫຼາຍປີ ແລະ ສາວຕ້າ ກໍ່ຈະນຳເອົາປະສົບການຂອງລາວມາເລົ່າສູ່ຟັງວ່າ ມັນເຮັດໄດ້ແທ້ ແລະ ຕ້ອງເຮັດໃຫ້ຖືກວີທີ. ໂດຍເນັ້ນຫຼັກການ ຊື່ສັດ ແລະ ບໍລິການດ້ວຍຄຸນນະພາບ ເພື່ອໃຫ້ ທັງຕົນເອງ ແລະ ລູກຄ້າສາມາດດຳເນີນທຸລະກິດ ໄປຢ່າງບໍ່ມີບັນຫາ.




ສາວຕ້າ ເຟສບຸກຂອງເພິ່ນແມ່ນ Tar Ysv vlv, ໄດ້ເລົ່າປະສົບການທີ່ໜ້າສົນໃຈ ເພາະປະຈຸບັນ ແມ່ນ ເປັນເຈົ້າຂອງແບຣນ ສະໝຸນໄພ ດີທັອກ ຈິມິ, ໄດ້ເລົ່າເລື່ອງຄວາມສຳເລັດຂອງ ການດຳເນີນທຸລະກິດ ຂາຍເຄື່ອງທາງອ່ອນລາຍ ແລະ ບົດຮຽນທີ່ ສາວຕ້າໄດ້ເກັບກ່ຽວມາ.

ກ່ອນອື່ນ ຕ້ອງຮູ້ຈັກການປະເມີນ ຄວາມໄດ້ປຽບ ຂອງການຂາຍເຄື່ອງອ່ອນລາຍ ແລະ ການເປີດຂາຍໜ້າຮ້ານ ຕາມຮ້ານ ແລະ ຕະຫຼາດວ່າມັນມີຫຍັງແດ່ທີ່ໜ້າສົນໃຈ.

ການຈັບຕ້ອງສິນຄ້າ: ແນ່ນອນວ່າ ສຳລັບລູກຄ້າແລ້ວ ມັກທີ່ຈະໄດ້ສຳພັດກັບສິນຄ້າ ກ່ອນການຕັດສິນໃຈທີ່ຈະຊື້, ແຕ່ກໍ່ບໍ່ຈຳເປັນສະເໝີໄປ ວ່າທຸກສິນຄ້າຕ້ອງ ໄດ້ຈັບຕ້ອງກ່ອນ. ຖ້າລູກຄ້າທີມັກການໄດ້ເຫັນສິນຄ້າກ່ອນ ແນ່ນອນວ່າ ການເປີດຮ້ານຂາຍ ແລ້ວຖ້າລູກຄ້າຍ່າງເຂົ້າມາເລືອກ ຍ່ອມຈະໄດ້ປຽບ. ການຂາຍແບບນີ້ ກໍ່ຕ້ອງອາໄສຊ່ວງເວລາ ແລະ ໂຊກແດ່ ເພາະບໍ່ຮູ້ວ່າ ແຕ່ລະມື້ ແຕ່ລະຊົ່ວໂມງ ຈະມີຄົນຈັກຄົນ ຍ່າງກາຍໜ້າຮ້ານ ແລະ ແວະ ເຂົ້າມາເລືອກຊື້ສິນຄ້າຂອງພວກເຮົາ. ຖ້າເປັນການໄປຮ່ວມງານ ຕະຫຼາດນັດ, ຫຼື ຂາຍຕາມຫ້າງທີ່ມີຄົນໄປທ່ຽວຫຼາຍໆ ກໍ່ຄົງຈະມີໂອກາດ. ແຕ່ສິ່ງທີ່ຕ້ອງໄດ້ເຮັດວຽກໜັກສຳລັບແມ່ຄ້າຄືກັນຕອບຄຳຖາມ ແລະ ອະທິບາຍໃຫ້ລູກຄ້າ ທຸກໆຄົນທີ່ຍ່າງເຂົ້າມາແວະຮ້ານຂອງຕົນ. ແນ່ນອນຖ້າຄົນເຂົ້າມາຫຼາຍ ກໍ່ຕ້ອງໄດ້ເມື່ອຍ ເພື່ອເອົາໃຈລູກຄ້າ.



ທາງດ້ານການຂາຍອ່ອນລາຍ ເບິ່ງແລ້ວຄືວ່າເສຍປຽບທີ່ລູກຄ້າບໍ່ສາມາດຈັບຕ້ອງສິນຄ້າ, ແຕ່ວ່າມັນກໍ່ມີວິທີການນຳສະເໜີ ແລະ ຖ້າເຮັດໃຫ້ການນຳສະເໜີໄດ້ດີ ກໍ່ຈະເຮັດໃຫ້ລູກຄ້າເຂົ້າໃຈສິນຄ້າໄດ້ດີ ເຊັ່ນວ່າ ການນຳໃຊ້ ຮູບພາບ ແລະ ການອະທິບາຍທີຊັດເຈນ,​ການນຳໃຊ້ວິດີໂອ ແລະ ສາມາດ ນຳສະເໜີຂໍ້ມູນອ້າງອີງຕ່າງໆໄດ້ຫຼາຍ. ນອກເໜືອໄປກວ່ານັ້ນ ຄືສາມາດ ນຳເອົາຂໍ້ມູນ ລູກຄ້າທີ່ເຄີຍໃຊ້ສິນຄ້າມາເປັນການແຊປະສົບການ ທີ່ບອກໄດ້ວ່າເປັນການໂປຣໂມດສິນຄ້າ ຈາກປາກຄົນທີ່ໃຊ້ (ແຕ່ຕ້ອງໝັ້ນໃຈວ່າສິນຄ້າຕ້ອງດີແທ້ໆ, ບໍ່ແມ່ນການສ້າງຄລິບປອມ ມາຕົວະຂາຍ). ປະເດັນທີ່ ການຂາຍອ່ອນລາຍໄດ້ປຽບຄື ສາມາດເຮັດໃຫ້ຄົນເຫັນພ້ອມກັນ ເປັນຮ້ອຍ ເປັນພັນ ເປັນໝື່ນຄົນ ພ້ອມກັນໄດ້ບາດດຽວ. ແນ່ນອນ, ເມື່ອຄົນເຫັນຫຼາຍ ໂອກາດກໍ່ຈະໄດ້ຂາຍຫຼາຍ ແລະ ມັນຍັງບໍ່ຈຳກັດສະຖານທີ່ການຂາຍ ທຸກຄົນທີ່ສາມາດເຊື່ອມຕໍ່ອິນເຕີເນັດ ບໍ່ວ່າຈະຢູ່ມູມໃດຂອງໂລກ ກໍ່ສາມາດທີ່ຈະເຂົ້າມາເບິ່ງສິນຄ້າຂອງທ່ານໄດ້.



ຄຸນນະພາບຂອງສິນຄ້າ: ສາວຕ້າກ່າວດ້ວຍຄວາມໝັ້ນໃຈວ່າ! ຖ້າສິນຄ້າຂອງເຮົາບໍ່ດີແທ້ ບໍ່ຄວນຂາຍ. ຫຼື ຢ່າໂຄສະນາເກີນຄວາມຈິງ. ຢ່າໂຄສະນາວ່າເປັນສິງວິເສດ ພຽງເພື່ອລໍ້ເອົາລູກຄ້າມາຊື້ສິນຄ້າ ແລ້ວສຸດທ້າຍ ລູກຄ້າຜິດຫວັງ ເພາະບໍ່ເປັນນໄປຕາມທີ່ໂຄສະນາເອົາໄວ້. ເພາະສະນັ້ນ, ຫາກວ່າທ່ານໃດ ຢາກຈະຂາຍສິນຄ້າອ່ອນລາຍ ແມ່ນຕ້ອງເລືອກສິນຄ້າທີ່ມີຄຸນນະພາບແທ້ໆ ແລະ ຕ້ອງໃຫ້ຂໍ້ມູນແກ່ລູກຄ້າຊັດເຈນ. ຍິ່ງໃຫ້ຂໍ້ມູນຊັດເຈນເທົ່າໃດ ກໍ່ຈະລຸດຜ່ອນ ການສໍ້ຖາມຂອງລູກຄ້າ ເພາະລູກຄ້າສາມາດ ອ່ານ ຫຼື ເບິ່ງຂໍ້ມູນໄດ້ດ້ວຍຕົນເອງ.

ນອກນີ້,​ແມ່ຄ້າສາວຍັງບອກອີກເຄັດລັບວ່າ,​ ຈົ່ງທົດລອງສິນຄ້າຂອງທ່ານດກ່ອນວ່າດີແທ້ບໍ່?  ສາວຕ້າບອກວ່າ ຈາກປະສົບການຂອງລາວ ໄດ້ນຳເອົາສິນຄ້າມາຂາຍຫຼາຍໂຕ ທົດລອງກ່ອນທຸກໂຕ ແບບວ່າ ເປັນໜູທົດລອງກະວ່າແມ່ນ ເພື່ອຮັບປະກັນວ່າ ສິນຄ້າມັນດີແທ້. ແນ່ນອນ, ສາວຕ້າເຄີຍເຈີສິນຄ້າທີ່ບໍ່ມີຄຸນນະພາບ ແລະ ກະທົບຕໍ່ສຸຂະພາບ ເມື່ອເປັນແບບນັ້ນ ກໍ່ບໍ່ຄວນຈະເອົາມາຂາຍ. ເພາະເຮົາເອງກໍ່ບໍ່ຕ້ອງການສິນຄ້າບໍ່ດີ! ແມ່ນບໍ່?



ຕ້ອງຊື່ສັດ ແລະ ຮັກສາສັນຍາ: ເຊື່ອວ່າທຸກຄົນບໍ່ມັກຖືກຕົວະ ແລະ ບໍ່ຢາກຜິດສັນຍາ. ນີ້ຄືຈັນຍາບັນຂອງຜູ້ຂາຍເຄື່ອງອ່ອນລາຍຕ້ອງມີ.​ ຖ້າຂາດຂໍ້ນີ້ ກໍ່ແມ່ນວ່າ ຈະເຮັດໃຫ້ການຄ້າຂາຍອ່ອນລາຍ ບໍ່ປະສົບຜົນແນ່ນອນ. ເຖິງວ່າຈະມີສິນຄ້າດີ ແຕ່ມັກຜິດນັດກັບລູກຄ້າ, ສິນຄ້າຮອດມື້ສົ່ງແລ້ວບໍ່ມີ. ຫຼື ນັດລູກຄ້າໄວ້ແລ້ວ ພັດບໍ່ໄປສົ່ງ. ສັງສິນຄ້າໜື່ງ ພັດເອົາອີກອັນອື່ນໄປສົ່ງ. ອັນນີ້ ຢາກໃຫ້ທຸກຄົນທີ່ຄ້າຂາຍອ່ອນລາຍ ຕ້ອງໃຫ້ເປັັນສິ່ງສຳຄັນ ແລະ ຕ້ອງຕະໜັກວ່າ ລູກຄ້າ ຄືຜູ້ສະໜັບສະໜູນທຸລະກິດຂອງເຮົາ, ພວກເຮົາຕ້ອງບໍລິການ ດ້ວຍຄວາມຊື້ສັດ ແລະ ຮັກສາສັນຍາ. ຖ້າເຮັດໄດ້! ລູກຄ້າທີ່ປະທັບໃຈກັບການບໍລິການຂອງພວກເຮົາ ກໍ່ຈະບອກຕໍ໋ໆ ກັນໄປເອງ ໂດຍທີ່ບໍ່ຈຳເປັນຕ້ອງ ອອກແຮງ ໂຄສະນາຢ່າງດຽວ.

ຊອກຄູ່ຮ່ວມງານ ໃນການປະຊາສຳພັນ: ຄົນຂາຍເຄື່ອງອ່ອນລາຍ ສ່ວນໃຫຍ່ ແມ່ນຈະໃຊ້ວິທີການ ໂພດລົງຕາມກຸ່ມຕ່າງໆ, ບາງຄົນກໍ່ມີເວບໄຊ ແລະ ເພຈ. ເຊິ່ງທາງເຟສບຸກເອງ ກໍ່ມີເຄື່ອງມືຫຼາຍຢ່າງ ເພື່ອການ ກະຈາຍຂໍ້ມູນ. ເຊັ່ນວ່າ ການບູດ Boost ເພື່ອໃຫ້ຄົນເຫັນສິນຄ້າ. ເຊິ່ງ ຕ້ອງໄດ້ຈ່າຍເງິນໃຫ້ ກັບເຟສບຸກ ເພື່ອແລກກັບການ ແຈກຢາຍຂໍ້ມູນໃຫ້ຄົນເຫັນ. ວິທີການນີ້ກໍ່ມີປະສິດທິພາບ. ເຊິ່ງແມ່ຄ້າເອງຕ້ອງມີ ບັດ Credit ເພື່ອດຳເນີນການ ຂໍການໂຄສະນາແບບນີ້. ທ່ານໃດສະດວກ ກໍ່ສາມາດນຳໃຊ້ໄດ້.  ນອກຈາກນີ້,​ ສາວຕ້າ ບອກວ່າ ການຊອກຄູ່ຮ່ວມງານ ທີ່ເຊື່ອຖືໄດ້ ໂດຍສະເພາະ ເວບໄຊ ແລະ ເພຈ ດັງຕ່າງໆ ໃນການໂຄສະນາ ກໍ່ເປັນ ທາງລັດທີ່ຈະສາມາດ ເຂົ້າຫາ ຄົນໄດ້ຫຼາຍຂຶ້ນ. ເຊິ່ງຄ່າໃຊ້ຈ່າຍ ກໍ່ຂຶ້ນກັບ ແຕ່ລະເວບ ຫຼື ເພຈ. ຖ້າໃຜມີເງື່ອນໄຂ ກໍ່ນຳໃຊ້ວິທີນີ້. ເພາະສາວຕ້າ ໃຊ້ມາແລ້ວ ເຫັນວ່າມີປະສິດທິພາບ.




ແນ່ນອນວ່າ ການເຮັດຫຍັງກໍ່ຕ້ອງໄດ້ຮຽນຮູ້, ມີອຸປະສັກ ແລະ ຕ້ອງອົດທົນ ດຸໝັ່ນ ແລະ ສຶກສາ ເພື່ອຫາທາງທີ່ດີທີ່ສຸດ. ສາວຕ້າ ຍັງກ່າວອີກວ່າ ກ່ອນຈະສາມາດ ມີບົດຮຽນ ຮອດມື້ນີ້ ກໍ່ໄດ້ເຮັດຫຼາຍອັນພັນແນວ. ເຄີຍຕິດໜີ້ ເຄີຍ ຖືກລູກຄ້າຕົ້ມ,​ເຄີຍໃຊ້ສິນຄ້າ ແລ້ວໜ້າເພພັງ ແລະ ອື່ນໆ ນັບບໍ່ຖ້ວນ. ແຕ່ສິ່ງເຫຼົ່ານັ້ນ ຄືປະສົບການທີ່ ໄດ້ໃຫ້ຄຸນຄ່າ ບົດຮຽນ ແລະ ສາມາດນຳມາບອກຕໍ່ໆໃຫ້ກັບທຸກຄົນ.

ສາວຕ້າເວົ້າຢ້ຳທ້າຍວ່າ ການຂາຍອ່ອນລາຍຂອງລາວ ອາດຈະບໍ່ໃຫຍ່ໂຕ ແຕ່ກໍ່ສາມາດ ສ້າງກຳໄລໄດ້ຫຼາຍສົມຄວນ​ (ເພິ່ນບໍ່ບອກຕົວເລກ ຂໍເປັນຄວາມລັບວ່າຊ້ານນນ) .

ເອົາລະນໍ້! ຖ້າທ່ານໃດສົນໃຈ ຢາກຈະໄດ້ບົດຮຽນດີໆ ແບບນີ້ກັບສາວຕ້າ ເພິ່ນບອກວ່າ ຍິນດີເປັນຢ່າງຍິ່ງທີ່ ຈະແບ່ງປັນປະສົບການ ເພາະມັນເປັນສິ່ງທີ່ທຸກຄົນສາມາດເຮັດໄດ້. ສຳຄັນທີ່ສຸດ ການເປັນແມ່ຄ້າທີ່ດີ ຕ້ອງນຳສິ່ງທີດີມີຄຸນນະພາບ, ບໍລິການລູກຄ້າດ້ວຍຄວາມຊື້ສັດ ແລະ ຮັກສາສັນຍາ. ເຊື່ອວ່າ ທ່ານຈະປະສົບຜົນສຳເລັດແນ່ນອນ. ຍັງມີເຄັດລັບອື່ນໆ ທີ່ສາວຕ້າຍັງເລົ່າໃຫ້ຟັງບໍ່ໝົດ ອາດຈະມີຕອນຕໍ່ໄປ ຫຼື ທ່ານໃດຢາກລົມເພິ່ນກໍ່ ຕິດຕໍ່ສາວຕ້າ ທາງເຟສ:  Tar Ysv vlv, 







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com







No comments

Powered by Blogger.