Header Ads

ດ່ວນ! ພາຍຸໂຊນກາພັດເຂົ້າບັນດາແຂວງພາກໃຕ້-ພາກກາງແລ້ວ



ອີງຕາມການລາຍງານຂ່າວຂອງ ຂປລ ວ່າ :  ໂດຍລະບຸການລາຍງານຂ່າວຈາກ ນັກຂ່າວທ້ອງຖິ່ນຈາກບັນດາແຂວງພາກໃຕ້ ແລະ ພາກກາງ ( ອັດຕະປື, ເຊກອງ, ສາລະວັນ, ຈໍາປາສັກ ແລະ ສະຫວັນນະເຂດໄດ້ລາຍງານຕໍ່ສໍານັກຂ່າວສານປະເທດລາວເວລາ 16:00 ນາທີຂອງວັນທີ 25 ກໍລະກົດ 2017 ນີ້ວ່າພາຍຸໂຊນກາໄດ້ພັດເຂົ້າແຂວງດັ່ງກ່າວແລ້ວ ປັດຈຸບັນນີ້ ຝົນພວມຕົກແຮງ ແລະ ເກີດມີນໍ້າຖ້ວມບາງຈຸດ ສະນັ້ນ ບັນດາພໍ່ແມ່ປະຊາຊົນ, ພະນັກງານ, ທະຫານ, ຕໍາຫລວດ ແລະ ນັກທ່ອງທ່ຽວພາຍໃນ-ຕ່າງປະເທດຕ້ອງເພີ່ມຄວາມລະມັດລະວັງໃນການເດີນທາງ ຖ້າຫາກທ່ານໃດອາໃສຢູ່ໃກ້ບ່ອນທີ່ມີຄວາມສ່ຽງໂດຍສະເພາະໃກ້ແມ່ນໍ້ານ້ອຍ-ໃຫຍ່ ແລະ ຢູ່ເຂດຮ່ອມພູຄວນຍິ່ງເພີ່ມການເຝົ້າລະວັງຢ່າງໃກ້ຊິດ ສິ່ງສໍາຄັນບໍ່ຄວນແຕກຕື່ນເກີນເຫດ.


ປັດຈຸບັນນີ້ ພາຍຸໂຊນກາ (sonca) ພັດ ເຂົ້າເມືອງປາກເຊ ແຂວງຈໍາປາສັກແລ້ວໃນຕອນເຊົ້າຂອງວັນທີ 25 ກໍລະກົດ 2017 ນີ້ ຫລ້າສຸດຝົນຕົກແຮງເຮັດໃຫ້ເສັ້ນທາງເຂດບ້ານໂພນສີໄຄ ເມືອງປາກເຊຖືກນໍ້າຖ້ວມຂັງອັ່ງອໍ ເຊິ່ງຜົນເຮັດໃຫ້ການສັນຈອນພົບຄວາມຍຸ້ງຍາກ ສະນັ້ນ ເຈົ້າໜ້າທີ່ພາຍໃນແຂວງຈໍາປາສັກໄດ້ແຈ້ງໃຫ້ພໍ່ແມ່ປະຊາຊົນເພີ່ມຄວາມລະມັດລະວັງ ແລະ ມີສະຕິໃນການໃຊ້ຊີວິດ ນອກຈາກນັ້ນຜູ້ອາໃສຢູ່ໃກ້ແຄມແມ່ນໍ້ານອ້ຍ-ໃຫຍ່ກໍຕອ້ງໃຫ້ກະກຽມເຜົ້າລະວັງຢ່າງໃກ້ຊິດ.



ອຸຕຸນິຍົມ ແລະ ອຸທົກກະສາດໄດ້ແຈ້ງວ່າ ນັບແຕ່ 23-27 ກໍລະກົດ 2017 ພະຍຸດີເປຣເຊີນໂຊນກາ ( Sonca) ທີ່ກໍ່ຕົວຢູ່ທະເລຈີນໃຕ້ປະຈຸບັນມີຈຸດໃຈກາງຢູ່ເສັ້ນຂະໜານທີ 17,5 ອົງສາເໜືອ ແລະ ເສັ້ນແວງທີ 111,3 ອົງສາຕາເວັນອອກ, ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງເປັນບໍລິເວນກ້ວາງ ແລະ ຕົກໜັກພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ຊຶ່ງຈະເຮັດໃຫ້ມີນໍ້າຖ້ວມຊຸ, ຖ້ວມຍື່ງ, ແມ່ນໍ້າສາຂາຈະຍຶ່ງຂຶ້ນໄວວາ ແລະ ດິນເຈື່ອນໃນໄລຍະນີ້. ດັ່ງນັ້ນຈຶ່ງແຈ້ງເຕືອນເຖິງພໍ່ແມ່ປະຊາຊົນພ້ອມດ້ວຍອຳນາດການປົກຄອງທຸກພາກສ່ວນ ຈົ່ງມີສະຕິຕໍ່ສະພາບຝົນຕົກໜັກ,ໃຫ້ເກັບມຽ້ນວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ, ພ້ອມທັງໃຫ້ຕິດຕາມຂ່າວອາກາດຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.

ພາບຈາກ: ຕ້ອມ (Tom)/ຂປລ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ




ກົດພາບອ່ານລາຍລະອຽດ

No comments

Powered by Blogger.