Header Ads

ເຈົ້າເມືອງບໍລິຄັນ ຊີ້ນໍາປະຊາຊົນຢູ່ພື້ນທີ່ຕໍ່າໃຫ້ລະວັງໄພນໍ້າຖ້ວມ


ຂປລ ລາຍງານວ່າ : ເມື່ອ​ມໍ່​ມາ​ນີ້, ທ່ານ ເລື່ອນວິໄລ ຈັນທະລາພັນ ເຈົ້າເມືອງບໍລິຄັນ ​ແຂວງ​ບໍລິ​ຄຳ​ໄຊ​ ​ໄດ້ລົງຊີ້ນໍາອໍານາດການປົກຄອງບ້ານ ແລະ ພໍ່ແມ່ປະຊາຊົນຜູ້ທີ່ອາ​ໄສ ຢູ່ພື້ນທີ່ຕໍ່າຈົ່ງມີຄວາມ ລະມັດລະວັງອຸທົກ ກະໄພນໍ້າຖ້ວມ ຫລັງຈາກມີຝົນຕົກຕິດຕໍ່ກັນຫລາຍວັນ ເຮັດໃຫ້ມີນໍ້າປ່າໄຫລນອງ ຖ້ວມບ່ອນ ທໍາການຜະລິດ ແລະ ບ້ານເຮືອນຂອງພໍ່ແມ່ປະຊາຊົນບາງຈຸດ ເປັນ​ຕົ້ນ ບ້ານປາກເຫືອງ, ບ້ານໂພນມຸງຄຸນ, ບ້ານຫາດດອນຄູນ, ບ້ານວັດທາດ ແລະ ບ້ານນາແຫນ.

ໃນ​ໂອກາດ​ນີ້, ທ່ານເຈົ້າເມືອງ ຍັງໄດ້ເນັ້ນໃຫ້ອໍານາດການປົກຄອງບ້ານ ແລະ ພໍ່ແມ່ປະຊາຊົນບັນດາເຜົ່າ ຈົ່ງມີຄວາມອຸ່ນອຽງທຸ່ນທ່ຽງ ເຊື່ອໜັ້ນຕໍ່ການຊີ້ນໍາ-ນໍາພາ ຂອງພັກຮັກສາຄວາມ ສາມັກຄີເປັນ​ປຶກແຜ່ນ ແໜ້ນໜາຊ່ວຍເຫລືອເຊິ່ງກັນ ແລະ ກັນ, ພ້ອມກັນຕິດຕາມຮັບຟັງ ການແຈ້ງເຕືອນຂ່າວ ຈາກສະຖານີວິທະຍຸໂທລະພາບ, ໂທລະໂຄ່ງ ແລະ ສື່ຕ່າງໆ ໃຫ້ທັນຕາມເຫດການ ທີ່ຈະເກີດຂຶ້ນໃນຕໍ່ໜ້າທັງ​ນີ້ ກໍເພື່ອປ້ອງກັນການເສຍຫາຍ ທາງ​ຊັບສິນຂອງຄອບຄົວ.


ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.