Header Ads

ບວດຕອບບຸນແທນຄຸນນໍ້ານົມແມ່ ແລະ ພໍ່! ເຫັນແລ້ວຊຶ່ງໃຈ!


ຫຼວງພະບາງ: ໃນວັນທີ 05/07/2017 ທີ່ຜ່ານມາທາງວັດຜາໂອ ເມືອງຫຼວງພະບາງ, ແຂວງຫລວງພະບາງ ໄດ້ຈັດງານບວດຈົວ ປະຈຳປີ 2017 ຕາມວາລະໃນການບວດນ້ອງນ້ອຍເຍົາວະຊົນໃນທຸກປີກ່ອນເຂົ້າພັນສາ. ຊຶ່ງເປັນເຈົ້າສັດທາແລະ ພຣະອຸປັດຊາໂດຍສາທຸໃຫຍ ່ອອ່ນແກ້ວກິຕຕິພັດໂທ ປະທານ ອພສ ແຂວງຫລວງພະບາງ ພ້ອມນີ້ກໍ່ມີອອກຕົນຍາດໂຍມພາຍໃນບ້ານຜາໂອແລະ ຜູ້ທີ່ພາລູກຫລານຂອງຕົນມາບວດກໍ່ໄດ້ເຂົ້າຮ່ວມຢ່າງພ້ອມພຽງ.

ການບວດຈົວໃນປີນີ້ ແມ່ນໄດ້ຮັບແຕ່ຜູ້ທີ່ໄດ້ມີການສຶກສາ ແຕ່ ມ 1 ຮອດ ມ 6 ເທົ່ານັ້ນ ຊຶ່ງມີທັງຫມົດ 260 ກ່ວາຕົນທີ່ມາຈາກຂົງເຂດຊົນນະບົດຕ່າງໆ.




ກ່ອນເຂົ້າພິທີອຸປະຊາຮັບສິນສີບ ນັ້ນທາງພຣະອາຈານແລະ ຄະນະຮັບຜິດຊອບກໍ່ໄດ້ນຳພາລູກຫລານຮຽນກາບຮຽນນົບໃຫ້ເປັນລະບົບລະບຽບ ແລະ ສິ່ງທີ່ປະທັບໃຈໄປກວ່ານັ້ນແມ່ນກ່ອນທີ່ລູກຫລານຈະໄດ້ກ້າວໄປເປັນສາວົກໃນພຸດທະ ກໍ່ຕ້ອງໄດ້ກ້າວອຳລາພາຈາກ ພໍ່ແມ່ຜູ້ບັງເກີດເກົ້າໃຫ້ຈົ່ງອາໂຫສິກຳແກ້ຕົນ ຊຶ່ງແຕ່ລະຄົນກໍ່ປາບປຶ້ມຍິນດີແລະ ກອດຮ້ອງໄຫ້ດ້ວຍນຳ້ຕາທີ່ສະແດງໃຫ້ເຫັນຄວາມຮັກແລະ ຜຸກພັນລະຫວ່າງພໍ່ແມ່ ແລະ ລູກໆຢ່າງສະອຶກສະອຶ້ນ.



ພາຍຫລັງໃນພິທີການບວດ ປະທານ ອພສ ສາທຸໃຫຍ່ ອອ່ນແກ້ວ ກິດຕິພັດໂທ ກໍ່ຍັງໄດ້ໃຫ້ໂອກາດໂອ້ລົມ ບັນດາອອກຕົມຍາດໂຍມວ່າ: ການທີ່ຈັດພິທີບວດໃນທຸກປີ ນີ້ບໍ່ແມ່ນທາງອົງການພຸດທະສາດສາຫນາ ແລະ ທາງລັດຖະບານເພີ່ນມີທຶນຮອນພ້ອມບໍ່ມີການຊ່ວຍເຫລືອມາແຕ່ທາງໃດພຽງແຕ່ເປັນສັດທາຂອງເພີ່ນເອງແລະ ທາງນີ້ກໍ່ເພື່ອເປັນການສ້າງໂອກາດໃຫ້ບັນດາລູກຫລານຂອງອອກຕົນຍາດໂຍມ ທີ່ຢູ່ໃນເຂດຫ່າງໄກຊອກຫລິກ ເປັນຕົ້ນແມ່ນຄອບຄົວທີ່ທູກຫຍາກ ແລະ ລູກຫລານທີ່ດ້ອຍໂອກາດເປັນກຳ່ພ້າກຳ່ພອຍໃຫ້ໄດ້ຮັບການສຶກສາຮຳ່ຮຽນພ້ອມນີ້ກໍ່ເພື່ອເປັນໂອກາດໃຫ້ລູກຫລານຂອງພໍ່ແມ່ປະຊາຊົນບັນເຜົ່າທີ່ຢູ່ໃນເກນອາຍຸໄດ້ຮຽນຮູ້ແລະ ເຂົ້າໃຈເຖິງພຸດທະສາດສາຫນາຢູ່ໃນສິນກິນໃນທຳ ດັ່ງນັ້ນທາງພໍ່ແມ່ອອກຕົນຍາດໂຍມຈົ່ງຊ່ວຍຕັກເຕືອນໃຫ້ລູກໆຫລານໆ ຂອງຕົນຈົ່ງຊ່ວຍກັນປະຕິບັດລະບຽບວິໄນໃຫ້ໄດ້ຢ່າງເຂັ້ມງວດ.


ໂດຍ: Lee Asia
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.