Header Ads

ບໍລິສັດອາໂກເທັກ ສຳປະທານດິນປູກປາມ ຢູ່ແຂວງສາລະວັນ


ໃນວັນທີ 7 ກໍລະກົດ 2017, ແຂວງສາລະວັນໄດ້ຈັດພິທີເຊັນສັນຍາໃຫ້ບໍລິສັດລາວອາໂກເທັກມະຫາຊົນສໍາປະທານເນື້ອທີ່ດິນ 150 ເຮັກຕາໃນໄລຍະ 30 ປີເພື່ອປູກປາມນ້ຳມັນຢູ່ເມືອງຕະໂອ້ຍເຊິ່ງມີໄລຍະຂອງການສຳປະທານ30 ປີ(ແຕ່ປີ 2017-2047).

ທ່ານຄຳພອນມະນີວັນແສງສຸກຮອງຫົວໜ້າພະແນກແຜນການ-ການລົງທຶນແຂວງສາລະວັນ ໃຫ້ຮູ້ວ່າ: ຕາມເອກະສານສັນຍານີ້ດິນໃນ 150 ເຮັກຕານອກຈາກການປູກຕົ້ນປາມແລ້ວທາງບໍລິສັດຍັງຈະເຮັດເປັນສູນສາທິດເພື່ອໃຫ້ປະຊາຊົນຜູ້ທີ່ສົນໃຈໄດ້ຮຽນຮູ້ສຶກສາເບິ່ງວິທີການຕ່າງໆທີ່ປະຊາຊົນມີຄວາມສົນໃຈກໍ່ສາມາດປູກໄດ້ດ້ວຍຕົ້ນເອງເພາະວ່າຕົ້ນປາມປູກຄັ້ງດຽວໃຫ້ຜົນຜະລິດເຖິງ 30 ປີ.

ໂດຍບໍລິສັດລາວອາໂກເທັກມະຫາຊົນຈະລົງທຶນ 1,5 ລ້ານໂດລາຫຼືເທົ່າກັບ 10 ກວ່າຕື້ກີບ.

ໂອກາດດຽວກັນນັ້ນກໍ່ໄດ້ມີການເຊັນບົດບັນທຶກຝ່າຍແຂວງສາລະວັນ ໃຫ້ກຽດເຊັນບົດບັນທຶກໂດຍ ທ່ານວິຊຽນ ນະວີກຸນ ຮອງເຈົ້າແຂວງໆສາລະວັນຜູ້ຊີ້ນຳວຽກງານເສດຖະກິດຂັ້ນແຂວງ, ທ່ານ ບຸນເຮັ່ງ ໃຊຍະແສນຮອງຫົວໜ້າພະແນກແຜນການ-ການລົງທຶນແຂວງສາລະວັນ, ທ່ານກອງແລວໍລຣະວົງຮອງຫົວໜ້າພະແນກກະສີກຳ ແລະປ່າໄມ້ແຂວງສາລະວັນ ກັບຝ່າຍບໍລິສັດໂດຍ ທ່ານອຸດົມ ແກ້ວທະວົງປະທານບໍລິສັດລາວອາໂກຣເທັກມະຫາຊົນ, ມີຜູ້ຕ່າງໜ້າຈາກພະແນກການທີ່ກ່ຽວຂ້ອງອອ້ມຂ້າງແຂວງເຂົ້າຮ່ວມເປັນສັກຂີພິຍານ
-----------
ແຫຼ່ງຂ່າວຈາກແຂວງສາລະວັນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.