Header Ads

ກອງປະຊຸມປັບປຸງປົວແປງພັກຂອງໜ່ວຍພັກຫ້ອງສັນຕິບານ ປກສ ແຂວງບໍ່ແກ້ວ



ໃນຕອນເຊົ້າຂອງວັນທີ 19/07/ 2017 ຜ່ານມານີ້ ໜ່ວຍພັກຫ້ອງສັນຕິບານ ກອງບັນຊາການ ປກສ ແຂວງບໍ່ແກ້ວ ໄດ້ເປີດກອງປະຊຸມ ປັບປຸງປົວແປງໜ່ວຍພັກຫ້ອງສັນຕິບານ ກອງບັນຊາການປ້ອງກັນຄວາມສະຫງົບແຂວງບໍ່ແກ້ວ.
ໂດຍການເປັນປະທານ ຂອງສະຫາຍ ພັທ ທອງຈັນ ພຸດລັດສະໝີ ຄະນະພັກ, ເລຂາໜ່ວຍພັກຮາກຖານຫ້ອງສັນຕິບານກອງບັນຊາການ ປກສ ແຂວງບໍ່ແກ້ວ.



ໃນກອງປະຊຸມ ສະຫາຍ ພັທ ສົມພອນ ວິໄລສັກ ຮອງເລຂາໜ່ວຍພັກຮາກຖານຫ້ອງສັນຕິບານ ກອງບັນຊາການ ປກສ ແຂວງບໍ່ແກ້ວ ກໍ່ໄດ້ຂື້ນ ຜ່ານບົດສະຫຼຸບ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງພັກ, ມະຕິກອງປະຊຸມໃຫຍ່ຄັ້ງທີ່ IX ຂອງອົງຄະນະພັກກະຊວງປ້ອງກັນຄວາມສະຫງົບ, ມະຕິກອງປະຊຸມໃຫຍ່ຄັ້ງທີ່ V ຂອງອົງຄະນະພັກແຂວງບໍ່ແກ້ວ, ມະຕິກອງປະຊຸມໃຫຍ່ຄັ້ງທີ່ II ຂອງໜ່ວຍພັກຮາກຖານຫ້ອງສັນຕິບານ ແລະ ທິດທາງແຜນການໃນຕໍ່ໜ້າ.


ໃນໄລຍະ 01 ປີຜ່ານມາໜ່ວຍພັກຫ້ອງສັນຕິບານ ໄດ້ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ພະນັກງານນັກຮົບໃນທົ່ວຮາກຖານຫ້ອງສັນຕິບານຢ່າງເປັນປົກກະຕິ, ເອົາໃຈໃສ່ຈັດຕັ້ງປະຕິບັດມະຕິກອງປະປະຊຸມໃຫຍ່ຄັ້ງທີ່ II ຂອງຕົນ ມາເປັນຍຸດທະສາດ, ເປັນແຜນການ ແຜນງານ ແລະ ໂຄງການເຄື່ອນໄຫວແຕ່ລະໄລຍະ, ເອົາໃຈໃສ່ວຽກງານປັບປຸງກໍ່ສ້າງພັກ-ກໍ່ສ້າງພະນັກງານໃຫ້ມີຄວາມປອດໃສ, ໜັກແໜ້ນເຂັ້ມແຂ້ງ, ເອົາໃຈໃສ່ຊີ້ນໍາ-ນໍາພາຂອງຄະນະພັກຂັ້ນຕ່າງໆ, ປັບປຸງແບບແຜນວິທີເຮັດວຽກ, ກໍານົດລະບອບ, ລະບຽບການ, ມີແຜນການເຄື່ອນໄຫວສະເພາະໜ້າ ແລະ ຍາວນານ, ນໍາພາວຽກງານກໍ່ສ້າງພັກຕາມ 5 ຫຼັກການ ແລະ 3 ທິດນໍາ, ເອົາໃຈໃສ່ຊີ້ນໍາວຽກງານກໍ່ສ້າງໜ່ວຍພັກເຂັ້ມແຂງ-ຮູ້ນໍາພາຮອບດ້ານ ໄປພ້ອມກັນນັ້ນ ກໍ່ໄດ້ສະເໜີການປັບປຸງກົງຈັກການຈັດຕັ້ງພັກໃຫ້ມີຄວາມປອດໃສ, ໜັກແໜ້ນເຂັ້ມແຂງ, ເອົາໃຈໃສ່ສະເໜີການຈັດຕັ້ງປະຕິບັດນະໂຍບາຍດ້ານຕ່າງໆຕໍ່ສະມາຊິກພັກ, ພະນັກງານ-ນັກຮົບ ໄດ້ຮັບການຍ້ອງຍໍ 272 ໃບ, ເລື່ອນຊັ້ນ 180 ສະຫາຍ, ຍິງ 11 ສະຫາຍ ແລະ ສົ່ງໄປກໍ່ສ້າງບໍາລຸງວິຊາສະເພາະພາຍໃນ 15 ສະຫາຍ.

ທິດທາງແຜນການໃນຕໍ່ໜ້າແມ່ນໄດ້ສືບຕໍ່ປະກອບສ່ວນໃນການແກ້ໄຂປະກົດການຫຍໍ້ທໍ້ໃນສັງຄົມໃຫ້ຫຼຸດໜ້ອຍຖອຍລົງ, ເອົາໃຈໃສ່ກໍ່ສ້າງພັກໃຫ້ຖືກຕ້ອງຕາມ 3 ທິດຊີ້ນໍາ ແລະ 5 ຫຼັກການ ໃນການປັບປຸງປົວແປງກໍ່ສ້າງພັກ, ສຸ່ມໃສ່ສ້າງກົມກອງເຂັ້ມແຂງ-ໜ່ວຍພັກຮູ້ນໍາພາຮອບດ້ານ ພ້ອມກັນນັ້ນ ກໍ່ເຮັດວຽກງານກໍ່ສ້າງຂະຫຍາຍພັກໃຫ້ໄດ້ທັງປະລິມານ ແລະ ຄຸນນະພາບ.


 ຂ່າວ: ຮຕ ນາຊູ/ ປກສ ແຂວງບໍ່ແກ້ວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ


ກົດພາບອ່ານລາຍລະອຽດ

No comments

Powered by Blogger.