Header Ads

ນັກ​ສຶກ​ສາ​ລາວ​ທີ່​ປັກ​ກິ່ງ​ໄດ້​ຮັບ​ໃບ​ປະ​ກາດ​ສະ​ນິ​ຍະ​ບັດ​ກຽດ​ນິ​ຍົມ​ອັນ​ດັບ​ໜຶ່ງ


ນາງ​ຫອມ​ມະ​ນີ ໄຊ​ຍະ​ເລີດ ນັກ​ສຶກ​ສາ​ລາວ​ຮຽນ​ຢູ່​ຄະ​ນະ​ການ​ເງິນ​ແລະ​ການ​ທະ​ນາ​ຄານ​ມະ​ຫາ​ວິ​ທະ​ຍາ​ໄລ​ເສດ​ຖະ​ກິດ​ການ​ຄ້າ​ສາ​ກົນ​ທີີ່​ນະ​ຄອນ​ຫຼວງ​ປັກ​ກິ່ງ ສ​ປ ຈີນ​ເປັນ​ເວ​ລາ 5 ປີ​ໄດ້​ສຳ​ເລັດ​ການ​ສຶກ​ສາ​ລະ​ດັບ​ປະ​ລິນ​ຍາ​ຕີ​ໃນ​ສົກ​ປີ 2016-2017 ແລະ​ເປັນ​ໜຶ່ງ​ດຽວ​ຂອງ​ນັກ​ສຶກ​ສາ​ລາວ​ໃນ​ສົກ​ຮຽນ​ນີ້ທີ່​ໄດ້​ຮັບ​ໃບ​ປະ​ກາດ​ສະ​ນິ​ຍະ​ບັດ​ກຽດ​ນິ​ຍົມ​ອັນ​ດັບ​ໜຶ່ງ​ໃນ​ຈຳ​ນວນ​ນັກ​ສຶກ​ສາ​ຕ່າງ​ປະ​ເທດ​ທັງ​ໝົດ 54 ຄົນ, ເຊິ່ງ​ໄດ້​ຮັບ​ການ​ຍ້ອງ​ຍໍ​ຊົມ​ເຊີນ​ຈາກ​ຄູ​ອາ​ຈານ, ພໍ່​ແມ່ນ​ຍາດ​ຕິ​ພີ່​ນ້ອງ​ກໍ​ຄື​ໝູ່​ເພື່ອນ​ນັກ​ສຶກ​ສາ​ລາວ​ແລະ​ຕ່າງ​ປະ​ເທດ​ຢ່າງ​ຫຼວງ​ຫຼາຍ.

ນາງ​ຫອມ​ມະ​ນີ ໄຊ​ຍະ​ເລີດ​ກ່າວ​ວ່າ: ມີ​ຄວາມ​ພາກ​ພູມ​ໃຈ​ຫຼາຍ​ທີ່​ສາ​ມາດ​ສ້າງ​ຊື່​ສຽງ​ໃຫ້​ແກ່​ປະ​ເທດ​ຊາດ​ແລະ​ຄອບ​ຄົວ​ກໍ່​ຄື​ນັກ​ສຶກ​ສາ​ລາວ​ທຸກ​ຄົນ​ແລະ​ຂໍ​ຝາກ​ເຖິງ​ນັກ​ສຶ​ກ​ສາ​ທຸກ​ຄົນ​ວ່າ​ຢາກ​ປະ​ສົບ​ຜົນ​ສຳ​ເລັດ​ທີ່​ດີ​ໄດ້, ຕ້ອງ​ເອົາ​ໃຈ​ໃສ່​ຄົ້ນ​ຄວ້າ​ຮ່ຳ​ຮຽນ, ແລະ​ໃຊ້​ເວ​ລາ​ຫວ່າງ​ໃຫ້​ເປັນ​ປະ​ໂຫຍດ​ທີ່​ສຸດ​ໃນ​ການ​ສຶກ​ສາ​ຮ່ຳ​ຮຽນ​ຂອງ​ຕົນ, ໃນ​ສົກ​ຮຽນ​ໜ້າ​ນີ້​ກໍ່​ຈະ​ສືບ​ຕໍ່​ສຶກ​ສາ​ຮ່ຳ​ຮຽນ​ໃນ​ລະ​ດັບ​ປະ​ລິນ​ຍາ​ໂທ​ສາ​ຂາ​ການ​ເງິນ​ທີ່​ມະ​ຫາ​ວິ​ທະ​ຍາ​ໄລ​ເສດ​ຖະ​ກິດ​ການ​ຄ້າ​ສາ​ກົນ​ນະ​ຄອນ​ຫຼວງ​ປັກ​ກິ່ງ​ຕື່ມ​ອີກ.

ທີ່ມາ:  CRI-FM93
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.