Header Ads

ໄຊຍະບູລີ ກຽມຖອນລົດປະຈຳຕຳແໜ່ງສໍາລັບຜູ້ທີ່ຄອບຄອງລົດຫລາຍຄັນ !



ທ່ານ ພົງສະຫວັນ ສິດທະວົງ ກຳມະການສູນກາງພັກເລຂາພັກແຂວງ ເຈົ້າແຂວງໆໄຊຍະບູລີ ໄດ້ເປີດເຜີຍໃນກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນຂັ້ນແຂວງຊຸດທີ I ຫາກໍ່ສຳເລັດລົງຫວ່າງບໍ່ດົນມານີ້ວ່າ: ໂດຍສືບຕໍ່ຜັນຂະຫຍາຍຄຳສັ່ງຂອງນາຍົກລັດຖະມົນຕີເລກທີ 09/ນຍ ລົງວັນທີ 19 ພຶດສະພາ 2017 ວ່າດ້ວຍການປະຢັດລາຍຈ່າຍງົບປະມານຂອງລັດ, ໂດຍກຽມຮ່າງນິຕິກຳຂອງແຂວງຕາມເນື້ອໃນຂອງຄຳສັ່ງ ໂດຍຖອນລົດປະຈຳຕຳແໜ່ງຜູ້ທີ່ມີ 2 ຄັນ ໃຫ້ນຳໃຊ້ 1 ຄັນ; ຈາກນັ້ນ, ກໍ່ເອົາໄປລາຄາເພື່ອປະມູນຂາຍເອົາເງິນເຂົ້າລັດ.

ທ່ານກ່າວຕື່ມວ່າ: ຕະຫຼອດໄລຍະ 6 ເດືອນຜ່ານມາເຖິງວ່າພວກເຮົາຈະພົບຄວາມຫຍຸ້ງຍາກທາງດ້ານເສດຖະກິດ ໂດຍສະເພາະແມ່ນບັນຫາໜີ້ສິນສາທາລະນະທີ່ຄຸມເຄືອ ແລະ ການຂາດດຸນງົບປະມານກໍ່ຕາມ. ແຕ່ພາຍໃຕ້ການຊີ້ນຳຢ່າງໃກ້ສິດຈາກສູນກາງກໍ່ຄືລັດຖະບານ ຈຶ່ງເຮັດໃຫ້ອົງການປົກຄອງແຂວງຂອງພວກເຮົາໄດ້ສຶບຕໍ່ມີຜົນສຳເລັດໃນການບໍລິຫານວຽກງານດ້ານຕ່າງໆດ້ວຍການສຶບຕໍ່ປ່ຽນແປງໃໝ່ ເພື່ອສ້າງເງື່ອນໄຂອຳນວຍຊຸກຍູ້ເສດຖະກິດໝົດປີ 2017 ໃຫ້ຂະຫຍາຍຕົວບໍ່ຫຼຸດ 8.5%.
ພ້ອມດຽວກັນນີ້, ການຈັດຕັ້ງຜັນຂະຫຍາຍດຳລັດເລກທີ 15/ນຍ ລົງວັນທີ 5 ມັງກອນ 2017, ຂໍ້ຕົກລົງເລກທີ 06/ນຍ ລົງວັນທີ 16 ມັງກອນ 2017 ກ່ຽວກັບການປະກອບການຄຸ້ມຄອງການຖອນ ແລະ ການປະມູນຂາຍລົດປະຈຳຕຳແໜ່ງພະນັກງານການນຳລະດັບສູງ


ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີສະບັບເລກທີ 1943/ຫສນຍ ລົງວັນທີ 8 ທັນວາ 2016, ເລກທີ 142/ຫສນຍ ລົງວັນທີ 25 ມັງກອນ 2017 ແລະ ເລກທີ 241/ຫສນຍ ລົງວັນທີ 10 ກຸມພາ 2017 ກ່ຽວກັບການກຳນົດມູນຄ່າແຈ້ງເສຍພາສີຂອງພາຫະນະນຳເຂົ້າບໍ່ຖືກຕ້ອງ ແລະ ການເກັບກຳສະຖິຕິພາຫະນະຂອງລັດ, ປ້າຍລົດສີຟ້າໄດ້ຜັນຂະຫຍາຍມາເປັນຂໍ້ຕົກລົງຂອງທ່ານເຈົ້າແຂວງໄຊຍະບູລີສະບັບເລກທີ 1323/ຈຂຊຍ ລົງວັນທີ 16 ກັນຍາ 2016 ວ່າດ້ວຍການແຕ່ງຕັ້ງຄະນະຮັບຜິດຊອບການແກ້ໄຂພາຫະນະນໍາເຂົ້າບໍ່ຖືກຕ້ອງ-ນຳໃຊ້ບໍ່ຖືກເປົ້າໝາຍ ແລະ ລົດບຸກຄົນຕິດປ້າຍລັດ. ປັດຈຸບັນ, ພາຫະນະລົດໃຫຍ່ທີ່ຂອງລັດຕິດປ້າຍສີຟ້າມີທັງໝົດ 525 ຄັນ ໃນນີ້ເປັນຂອງພະແນກ ການອ້ອມຂ້າງແຂວງມີ 291 ຄັນ ແລະ ຢູ່ບັນດາເມືອງຂອງແຂວງມີ 234 ຄັນ, ສ່ວນການແກ້ໄຂລົດນຳເຂົ້າບໍ່ຖືກເປົ້າໝາຍມີທັງໝົດ 870 ຄັນ ໄດ້ແຈ້ງເສຍພາສີ ແລະ ຂຶ້ນທະບຽນແລ້ວ 717 ຄັນ.

ໃນນີ້ມີລົດຈັກ 87 ຄັນ ລົດໃຫຍ່ 630 ຄັນ ເປັນເງິນພາສີອາກອນທັງໝົດ 23.77 ຕື້ກີບ ແລະ ຍັງຄ້າງບໍ່ມາເສຍພາສີ 153 ຄັນ ຈະໄດ້ສືບຕໍ່ໃຫ້ມາເສຍພາສີອາກອນໃນທ້າຍປີ 2017 ນີ້ໃຫ້ສຳເລັດ, ສຳລັບການຈັດຕັ້ງຄຳສັ່ງຂອງນາຍົກລັດຖະມົນຕີເລກທີ 09/ນຍ ລົງວັນທີ 19 ພຶດສະພາ 2017 ວ່າດ້ວຍການປະຢັດລາຍຈ່າຍງົບປະມານຂອງລັດ, ໂດຍໄດ້ມອບໃຫ້ຂະແໜງການກ່ຽວຂ້ອງກະກຽມຮ່າງນິຕິກຳຂອງແຂວງຕາມເນື້ອໃນຂອງຄຳສັ່ງເລກທີ 09/ນຍ ລົງວັນທີ 19 ພຶດສະພາ 2017 ມາຜັນຂະຫຍາຍ ແລະ ໄດ້ນຳເອົາລົດປະຈຳຕຳແໜ່ງຜູ້ທີ່ມີ 2 ຄັນ ໃຫ້ນຳໃຊ້ 1 ຄັນ ໂດຍຖອນ 1 ຄັນລົດປຣາໂດຼປະຈຳໄວ້ສຳນັກງານ ແລະ ນຳໃຊ້ສຳລັບໄປວຽກທາງໄກ, ສຳລັບລົດເບັ້ນ ( Benz ) ແລະ ລົດເລັກຊັດ ( LEXUS ) ແມ່ນລໍຖ້າຄະນະກຳມະການກວດກາຕີລາຄາ ແລະ ປະມູນຂາຍ.


ພາບແລະຂ່າວ:​ ຂປລ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


ກົດພາບອ່ານລາຍລະອຽດ

No comments

Powered by Blogger.