Header Ads

ຄອບຄົວຜູ້ທຸກຍາກ ແລະ ດ້ອຍໂອກາດ ໄດ້ຮັບເຄື່ອງຊ່ວຍເຫຼືອ

ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວຄົບຮອບ 62 ປີ 20 ກໍລະກົດ 1955 – 20 ກໍລະກົດ 2017 ດັ່ງນັ້ນວັນທີ 19 ກໍລະກົດ ນີ້ທ່ານ ສົມເພັດ ອິນທະທິລາດ ຄະນະປະຈຳພັກແຂວງ ປະທານແນວລາວສ້າງຊາດແຂວງສະຫວັນນະເຂດ, ທ່ານ ນາງ ສີສະຫວັດ ໂຄດທະວົງສາ ກຳມະການພັກແຂວງ ປະທານສະຫະພັນແມ່ຍິງແຂວງ, ມີບັນດາທ່ານໃນຄະນະບໍລິຫານງານສະຫະພັນແມ່ຍິງແຂວງ, ພັນລະຍາການນຳ, ສະມາຄົມນັກທຸລະກິດຍິງ ແລະ ບັນດາສະຫະພັນແມ່່ຍິງຂອງແຕ່ລະພະແນກການອ້ອມຂ້າງແຂວງໄດ້ນຳເອົາເຄື່ອງຊ່ວຍເຫຼືອໄປມອບໃຫ້ກັບປະຊາຊົນເຂດຊົນນະບົດຫ່າງໄກສອກຫຼີກໃນ 3 ເມືອງເປັນຕົ້ນ: ບ້ານນາກອງ ເມືອງນອງ ມີ 82 ຄອບຄົວ, ບ້ານ ກະແຫຼງ ເມືອງເຊໂປນ ມີ 98 ຄອບຄົວ ແລະ ບ້ານກາຢ່ອງ ເມືອງພີນ ມີ 60 ຄອບຄົວ; ຊຶ່ງເຄື່ອງທີ່ນຳມາມອບຄັ້ງນີ້ມີ: ເຄື່ອງນຸ່ງຫົ່ມ, ອຸປະກອນການສຶກສາ, ເກືອ, ແປ້ງນົວ ແລະ ສັດລ້ຽງອີກຈຳນວນໜຶ່ງ.


ທ່ານ ນາງ ຈວງຈັນ ລາດສະຍົນ ຕາງໜ້າໃຫ້ສະຫະພັນແມ່ຍິງແຂວງລາຍງານວ່າ: ການຊ່ວຍເຫຼືອຄັ້ງນີ້ກໍ່ແມ່ນສືບເນື່ອງຈາກເດືອນມີນາ ຜ່ານມາໄດ້ມີການສ້າງກອງທຶນພັດທະນາແມ່ຍິງ ໂດຍໄດ້ຈາກການປຸກລະດົມຊ່ວຍເຫຼືອຈາກບັນດາອົງການຈັດຕັ້ງພັກ-ລັດ ແລະ ເອກະຊົນ, ນັກທຸລະກິດ, ສະມາຄົມນັກທຸລະກິດຍິງ, ພັນລະຍາການນຳ... ພາຍໃຕ້ການຊີ້ນຳ-ນຳພາຂອງເລຂາພັກແຂວງ, ຄະນະປະຈຳພັກແຂວງຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ຊຶ່ງຈຸດປະສົງຂອງການສ້າງຕັ້ງກອງທຶນດັ່ງກ່າວກໍ່ເພື່ອຕ້ອງການພັດທະນາຊີວິດການເປັນຢູ່ຂອງຄອບຄົວເອື້ອຍນ້ອງແມ່ຍິງ ແລະ ເດັກນ້ອຍທີ່ມີຄວາມທຸກຍາກ ແລະ ຂາດເຂີນໃນການດຳລົງຊີວິດ, ເພື່ອໃຫ້ຄອບຄົວດັ່ງກ່າວໄດ້ສ້າງເສດຖະກິດຄອບຄົວໃຫ້ດີຂຶ້ນ ແລະ ສົ່ງເສີມດັກນ້ອຍໃຫ້ໄດ້ເຂົ້າຮ່ຽນຕາມເກນອາຍຸ. ພາຍຫຼັງທີ່ໄດ້ກໍ່ຕ້ອງກອງທຶນຂຶ້ນມາພາກສ່ວນທີ່ກ່ຽວຂ້ອງກໍ່ໄດ້ລົງເກັບກຳຂໍ້ມູນຢູ່ 3 ເມືອງພູດອຍ (ເຊໂປນ, ພີນ, ນອງ) ສົມທົບກັບອຳນາດປົກຄອງເມືອງ, ບ້ານ ແລ້ວລົງໄປສູ່ຄອບຄົວເປົ້າໝາຍເພື່ອຊອກຫາຄວາມຕ້ອງການຂອງຄອບຄົວທີ່ຂາດເຂີນເພື່ອພັດທະນາຊີວິດການເປັນຢູ່. 

ໃນປີ 2017 ນີ້ທາງກອງທຶນໄດ້ຕົກລົງເອົາຈຳນວນ 3 ຄອບຄົວຈາກ 3 ເມືອງເປົ້າໝາຍ ໂດຍສະໜັບສະໜຸນທຶນໃນການລ້ຽງແບ້ໃຫ້ກັບບັນດາຄອບຄົວດັ່ງກ່າວເພື່ອສ້າງເປັນຕົວແບບ ແລ້ວຈາກນັ້ນກອງທຶນກໍ່ຈະໄດ້ຂະຫຍາຍໄປສູ່ບ້ານ ແລະ ເມືອງອື່ນໆທີ່ເຫັນວ່າມີຄວາມຕ້ອງການ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



ກົດພາບອ່ານລາຍລະອຽດ

No comments

Powered by Blogger.