Header Ads

ເສດຖະກິດ ອັດຕະປື ຈະລົງມືກໍ່ສ້າງເຂື່ອນໄຟຟ້າ ຫ້ວຍກະອວນ ທ້າຍປີນີ້



​ເມື່ອ​ບໍ່​ດົນ​ມາ​ນີ້, ແຂວງອັດຕະປື ​ໄດ້ເຊັນສັນຍາຄຸ້ມຄອງກໍ່ສ້າງ ໂຄງການເຂື່ອນໄຟຟ້າຂະໜາດນ້ອຍ ຫ້ວຍກະອວນ ທີ່ຕັ້ງຢູ່ເມືອງພູວົງ ເຊິ່ງມີກຳລັງຕິດຕັ້ງ 14,8 ເມກາວັດ ພາຍຫລັງ ເຊັນບົດບັນທຶກ ຄວາມເຂົ້າໃຈ (MOU) ໃນວັນທີ 13 ພຶດສະພາ ປີ 2011 ແລະ ດຳເນີນການສຶກສາຄົ້ນຄວ້າ ຄວາມເປັນໄປໄດ້ແຕ່ປີ 2011-2013 ເປັນຕົ້ນມາ. ຄາດວ່າ ຈະລົງມືການກໍ່ສ້າງ ພາຍໃນເດືອນຕຸລາ 2017 ແລະ ຈະໃຫ້ສຳເລັດພາຍໃນ 5 ປີ.

ຮ່ວມ
​ລົງ​ນາມ​ໃນ​ສັນຍາ​ກໍ່ສ້າງ ​ມີ ທ່ານ ທ່ານ ສຸລິຈັນ ພອນແກ້ວ ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ວິທະຍາ ພົມມະຈັນ ຫົວໜ້າພະແນກ ພະລັງງານ ແລະ ບໍ່ແຮ່ ກັບທ່ານ ສຸລິຈັນ ໂຊກຄຳຈັນ ຮອງເຈົ້າເມືອງພູວົງ ແລະ ທ່ານ ພົງສະຫວັນ ເສນາພວນ ປະທານບໍລິສັດ ພົງ​ຊັບ​ທະວີ ໂດຍຊ້ອງໜ້າ ທ່ານ ນາມ ວິຍະເກດ ເຈົ້າແຂວງອັດ​ຕະປື, ພ້ອມດ້ວຍ ຫົວໜ້າພະແນກ ການກ່ຽວຂ້ອງ ເຂົ້າຮ່ວມເປັນສັກຂີພິຍານ.

ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.