Header Ads

ຈັບຜູ້ຄ້າຂາຍຢາເສບຕິດ ຢູ່ບ້ານປຸງຜາ ເມືອງເມິງ ແຂວງບໍ່ແກ້ວ



ໃນວັນທີ 10 ກໍລະກົດ 2017 ຜ່ານມານີ້, ເຈົ້າໜ້າທີພະແນກຕ້ານ ແລະ ສະກັດກັ້ນຢາເສບຕິດ ປກສ ແຂວງບໍ່ແກ້ວ ໄດ້ຮັບແຫຼງຂ່າວຈາກພົນລະເມືອງດີວ່າ ມີກຸ່ມຄົນບໍ່ດີຈະເຄື່ອນໄຫວຂົນສົ່ງຢາເສບຕິດ ຈາກເມືອງເມິງມາເມືອງຫ້ວຍຊາຍ ແຂວງບໍ່ແກ້ວ ຈາກນັ້ນເຈົ້າໜ້າທີຂອງພວກເຮົາຈື່ງໄດ້ສົມທົບກັບພາກສ່ວນທີກ່ຽວຂ້ອງ ລົງສະກັດຢູ່ຈຸດກວດກາເຂດບ້ານປຸງ, ເມືອງຫ້ວຍຊາຍ, ແຂວງບໍ່ແກ້ວ ແລະ ໄດ້ກວດຄົ້ນລົດວີໂກ້ສີຂາວ ໝາຍເລກທະບຽນ ກກ 2402 ບໍ່ແກ້ວ ຂັບຂີ່ໂດຍທ້າວ ຈ່າຍໍ່ ອາຍຸ 30 ປີ, ຢູ່ບ້ານປຸງຜາ ເມືອງເມິງ ແຂວງບໍ່ແກ້ວ ແລະ ທ້າວ ສິດ ອາຍຸ 22 ປີ ຢູ່ບ້ານຫົວນ້ຳຄາ ເມືອງເມິງ ແຂວງບໍ່ແກ້ວ ຜ່ານການກວດຄົ້ນ ເຈົ້າໜ້າທີຂອງພວກເຮົາໄດ້ພົບເຫັນຢາເສບຕິດ ປະເພດເຮໂຣອິນ ຈຳນວນ 3 ຄູ່ ຊຸກເຊື່ອງຢູ່ໃນພື້ນກະບະຫຼັງຂອງລົດ.



ດັ່ງນັ້ນ ເຈົ້າໜ້າທີຂອງພວກເຮົາຈື່ງໄດ້ກັກຕົວພວກກ່ຽວທັງສອງມາທຳການສືບສວນ-ສອບສວນ, ຜ່ານການສືບສວນ-ສອບສວນໃນເບື້ອງຕົ້ນ: ທ້າວ ຈ່າຍໍ່ ຮັບສາລະພາບວ່າ ເຮໂຣອິນຈຳນວນດັ່ງກ່າວ ແມ່ນຂອງຜູ້ກ່ຽວແທ້ ເຊີ່ງຈະນຳມາສົ່ງໃຫ້ລູກຄ້າທີລໍຖ້າຢູ່ເມືອງຫ້ວຍຊາຍ ໃນລາຄາຄູ່ລະ 300.000 ບາດ(ເງີນໄທ), ສ່ວນທ້າວສິດຮັບສາລະພາບວ່າ ຕົນເອງບໍ່ມີສ່ວນຮູ້ເຫັນກ່ຽວຂ້ອງກັບເຮໂຣອິນ ຈຳນວນດັ່ງກ່າວ, ຕົນເອງພຽງແຕ່ຂໍຕິດລົດມານຳທ້າວຈ່າຍໍ່ເທົ່ານັ້ນ. ປັດຈຸບັນເຈົ້າໜ້າທີຂອງພວກເຮົາຈື່ງໄດ້ກັກຕົວພວກກ່ຽວທັງສອງຄົນໄວ້ ເພື່ອທຳການສືບສວນ-ສອບສວນຂະຫຍາຍຜົນຫາກຸ່ມແກ້ງຄ້າ-ຂາຍຢາເສບຕິດລາຍນີ້ມາດຳເນີນຄະດີຕາມລະບຽບກົດໝາຍຕໍ່ໄປ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




No comments

Powered by Blogger.