Header Ads

ຮອງນາຍົກ ຊີ້ນຳໃຫ້ ຄກມດ ປັບປຸງກົງຈັກການຈັດຕັ້ງໃຫ້ສຳເລັດໂດຍໄວ


ໃນ​ວັນ​ທີ 26 ກໍລະກົດ 2017 ນີ້, ທີ່​ນະຄອນຫລວງ​ວຽງ​ຈັນ ຄະ​ນະ​ກຳມາ​ທິການ​ແຫ່ງ​ຊາດ ​ເພື່ອ​ຄວາມ​ກ້າວໜ້າ​ຂອງ​ແມ່​ຍິງ ​ແລະ ​ແມ່-​ເດັກ (ຄຊກມດ) ​​ໄດ້ຈັດກອງ​ປະຊຸມ​ຄົບ​ ຄະນະ​ຄັ້ງ​ປະຖົມ​ມະລຶກ ປະຈຳ​ປີ 2017 ​ໂດຍ​ການ​ເປັນ​ປະ​ທານ​ຂອງທ່ານ ສອນ​ໄຊ ສີ​ພັນ​ດອນ ຮອງ​ນາຍົກ​ລັດຖະມົນຕີ, ປະທາ ຄຊກມດ ມີ​ບັນດາ​ຮອງ​ປະ​ທ່ານ ​ແລະ ກຳມະການ ຄຊກມດ ພ້ອມ​ດ້ວຍ​ຄະນະ​ ກຳມາ​ທິການ​ເພື່ອ​ຄວາມ​ກ້າວໜ້າ​ຂອງ​ແມ່ຍິງ ​ແລະ ​ແມ່-​ເດັກ (ຄກມດ) ຂອງ​ບັນດາ​ກະຊວງ, ອົງການ, ບັນດາ​ແຂວງ, ນະຄອນຫລວງ​ວຽງ​ຈັນ ​ແລະ ​ເສນາ​ທິການ​ຊ່ວຍ​ວຽກ ຄກມດ ທັງ​ສູນ​ກາງ ​ແລະ ທ້ອງ​ຖິ່ນ ​ໃນ​ຂອບ​ເຂດ​ທົ່ວ​ປະ​ເທດ​ເຂົ້າ​ຮ່ວມ.


ກອງ​ປະຊຸມ​ດັ່ງກ່າວ, ​ເພື່ອ​ປັບປຸງ​ກົງຈັກ​ການຈັດຕັ້ງ ຂອງ​ຄະນະ​ກຳມາ​ທິການ​ ເພື່ອ​ຄວາມ​ກ້າວໜ້າ​ຂອງ​ແມ່ຍິງ ​ແລະ ​ແມ່-​ເດັກ ​ແຕ່ລະ​ຂັ້ນ, ການ​ຜັນ​ຂະຫຍາ​ຍວິ​ໄສ ​ທັດ​ຮອດ​ປີ 2030 ​ແລະ ຍຸດ​ທະ​ສາດ​ແຫ່ງ​ຊາດ​ ເພື່ອ​ຄວາມ​ສະ​ເໝີ​ພາບ​ຍິງ-ຊາຍ ​ແລະ ຍຸດ​ທະສາ​ດ​ແຫ່ງ​ຊາດ ວຽກ​ງານ​ແມ່ ​ແລະ ​ເດັກ​ໄລຍະ 10 ປີ. ພ້ອມ​ນີ້, ​ກອງ​ປະຊຸມ​ຈະ​ໄດ້​ສະ ຫລຸບ​ຕີ​ລາຄາການຈັດ​ຕັ້ງ​ປະຕິບັດວຽກ​ງານ​ໃນ 6 ​ເດືອນ​ຕົ້ນ​ປີ 2017, ທິດ​ທາງ​ແຜນການ 6 ​ເດືອນ​ທ້າ​ຍປີ 2017 ​ແລະ ​ແຜນການ​ປະຈຳ​ປີ 2018, ການ​ແຈ້ງ​ການ​ມາ​ເຮັດ​ວຽກ​ຂອງ​ ຜູ້​ລາຍ​ງານ​ພິ​ເສດ​ຂອງ ສປຊ ດ້ານ​ສິດທິ​ມະນຸດຮັບຜິດຊອບ ​ວຽກ​ການ​ຄ້າຂາຍ ​ເດັກ, ການ​ຄ້າ​ປະ​ເວ​ນີ​ເດັກ ​ແລະ ສິ່ງ​ລາມົກ​ອານາ​ຈານ ​ກ່ຽວ​ກັບ​ເດັກ​ໃນ​ເດືອນ​ພະ​ຈິດ ​ແລະ ບັນຫາ​ສຳຄັນ​ອື່ນໆ ​ທີ່​ກ່ຽວຂ້ອງ.
ໃນ​ໂອກາ​ດດັ່ງ​ກ່າວ, ທ່ານ ສອນ​ໄຊ ສີ​ພັນ​ດອນ​ ໄດ້​ໃຫ້​ທິດ​ຊີ້​ນຳ​ຕໍ່​ກອງ​ປະຊຸມ​ວ່າ: ​ໃຫ້​ປັບປຸງ​ກົງຈັກ​ການຈັດ​ຕັ້ງ​ຂອງ ຄກມດ ​ແຕ່ລະ​ຂັ້ນ ຕາມ​ລຳ​ດັດ​ເລກທີ 110/ນຍ, ລົງ​ວັນ​ທີ 29 ມີນາ 2017 ​ແລະ ຂໍ້​ຕົກລົງ​ເລກທີ 58/ຄຊກມດ ລົງ​ວັນ​ທີ 30 ມິຖຸນາ 2017 ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ ຄກມດ ຂະ​ແໜງ​ການ ​ແລະ ທ້ອງ​ຖີ່​ນ ​ໃຫ້​ສຳ​ເລັດ​ໂດຍ​ໄວ; ຈັດ​ຕັ້ງຜັນ​ຂະຫຍາຍ​ວິ​ ໄສ​ທັດ​ຮອດ​ປີ 2030, ​ແຜນ​ຍຸດ​ທະ​ສາດ​ແຫ່ງຊາດ 10 ປີ ​ແລະ ​​ແຜນ​ດຳ​ເນີນ​ງານ​ແຫ່ງ​ຊາດ ​ເພື່ອ​ຄວາມ​ສະ​ເໝີ​ພາບ​ຍິງ-ຊາຍ ​ແລະ ວຽກ​ແມ່ ​ແລະ ​ເດັກ ​ໃຫ້​ສອດຄ່ອງ​ກັບ​ສະພາບ​ ຄວາມ​ເປັນ​ຈິ່ງ​ຂອງ​ຂະ​ແໜງ​ການ​ ​ແລະ ທ້ອງ​ຖິ່ນ. ພ້ອມ​ທັງ​ຮັບປະກັນ​ ໃຫ້​ມີ​ປະສິດທິພາບ​ສູງ; ​ເອົາ​ໃຈ​ໃສ່​ໃນ​ການຈັດ​ຕັ້ງ​ ປະຕິບັດ​ພັນທະ​ຂອງ ​ລັດ​ພາຄີ​ຕໍ່​ບັນດາ​ສົນ​ທິສັນຍາ, ສັນ​ຍາ ​ແລະ ຖະ​ແຫລ​ງການ​ຂອງ​ພາກ​ພື້ນ ​ແລະ ສາກົນ ​ໂດຍ​ເຊື່ອມ ​ເຂົ້າ​ວຽກ​ຂອງ​ຂະ​ແໜງ​ການ ​ແລະ ທ້ອງ​ຖິ່ນ ​ໃຫ້​ໄດ້​ໝາກຜົນ​ສູງ; ພ້ອມ​ນີ້, ທ່ານ​ ຍັງ​ໄດ້​ເນັ້ນ​ໜັກ​ໃຫ້​ພາ​ກສ່ວນ​ຕ່າງໆ ນຳ​ເອົາ​ເນື້ອ​ໃນ​ຈິດ​ໃຈ​ ຂອງ​ກອງ​ປະຊຸມ​ຄັ້ງນີ້ ​ໄປ​ຈັດຕັ້ງ ​ແລະ ຜັນ​ຂະຫຍາຍ ​ໃຫ້​ເປັນ​ວຽກ​ລະ ອຽດ​ຂອງ​ຂະ​ແໜງ​ການ ​ແລະ ທ້ອງ​ຖິ່ນ​ ໃຫ້​ໄດ້​ຮັບ ຜົນສຳ​ເລັດ​ໃນ​ຕໍ່ໜ້າ. 
 
ທີ່ມາ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.