Header Ads

ຈໍລະເບີດສົງຄາມ! ອາເມລິກາ-ສ.ເກົາຫຼີ ເປີດການຊ້ອມຄັ້ງໃຫຍ່ ຕອບໂຕ້ ການທົດລອງລູກສອນໄຟຂອງສປປເກົາຫຼີ

ສ.ເກົາຫຼີ ແລະ ສະຫະລັດອາເມລິກາ ໄດ້ເປີດການຊ້ອມຮົບຮ່ວມກັນຄັ້ງໃຫຍ່ ເພື່ອຕອບໂຕ້ການ ທົດລອງລູກສອນໄຟຂອງສປປເກົາຫຼີ ເມື່ອວັນທີ4 ກໍລະກົດຜ່ານມາ ເຮັດໃຫ້ແຫລມເກົາຫຼີໃນເວລານີ້ ມີູວາມເຄັງຕິງກວ່າເວລາໃດໝົດ; ຂະນະທີ່ການພົບປະລະຫວ່າງ ທ່ານປູຕິນ ປະທານາທິບໍດິຣັດເຊຍ ກັບທ່ານ ສີຈິນຜິ້ງປະທານປະເທດສປຈີນທີ່ມົດສະກູ ກໍຍົກການແກ້ໄຂບັນຫາແຫມເກົາຫລີຂຶ້ນມາຫາລື.

ເກົາຫລີ​ເໜືອ​ກ່າວ​ໃນ​ວັນ​ອັງຄານ​ມື້​ນີ້​ວ່າ ຕົນ​ໄດ້​ປະສົບ​ຜົນສຳ​ເລັດໃນການ​ທົດ​ລອງ
ລູກ​ສອນ​ໄຟຂີ​ປະ​ນາ​ວຸດ​ຂ້າມ​ທະວີບ.ການປະກາດ​ທາງໂທລະ​ພາບ​ລັດຖະບານ​ກ່າວ​ວ່າ ລູກສອນ​ໄຟລູກນີ້ບິນໄປ​ໄດ້​39 ນາທີ ​ຢູ່​ໃນ​ລະດັບສູງ 2.800 ກິໂລ​ແມັດ.

ເພື່ອຕອບໂຕ້ການທົດລອງລູກສອນໄຟຂອງ ສປປເກົາຫຼີ, ສະຫະລັດອາເມລິກາ ແລະ ສ.ເກົາຫລີ ກໍເປີດການຊ້ອມຮົບຮ່ວມກັນຄັ້ງໃຫຍ່ ທີ່ຝັ່ງທະເລດ້ານຕາເວັນອອກຂອງສ.ເກົາຫຼີ  ທັງເປັນການກະກຽມຄວາມພ້ອມໃນທຸກດ້ານ.

ຂະນະທີ່ເລຂາທິການໃຫຍ່ ສະຫະປະຊາຊາດ ທ່ານ Antonio Guterres ໄດ້ຕຳນິຕິຕຽນເຫດຍິງທົດລອງລູກສອນໄຟດັ່ງກ່າວຢ່າງຮ້າຍແຮງ. ຖະແຫຼງການຂອງທ່ານ Antonio Guterres ຢືນຢັນວ່າ, ເຫດຍິງທົດລອງລູກສອນໄຟຂອງສປປ.ເກົາຫຼີ ແມ່ນການລະເມີດຢ່າງຮ້າຍແຮງບັນດາມະຕິຂອງສະພາຄວາມໝັ້ນຄົງສະຫະປະຊາຊາດ ແລະ ເຮັດໃຫ້ສະພາບການທີ່ພວມເຄັ່ງດຶງສືບຕໍ່ປິນຂັ້ນໄດ.


ຢ່າງໃດກໍຕາມ ຈີນແລະຣັດເຊຍກໍພະຍາຍາມຊອກຫາທາງອອກທາງການທຸດເພື່ອແກ້ໄຂສະຖານະການທີ່ເກິີດຂຶ້ນ ພ້ອມຮຽກຮ້ອງໃຫ້ສປປ.ເກົາຫຼີ, ສ.ເກົາຫຼີ ແລະ ອາເມລິກາ ພ້ອມກັນເຂົ້າຮ່ວມແຜນການທີ່ໄດ້ສະເໜີເພື່ອຫຼຸດຜ່ອນຄວາມເຄັ່ງຕຶງທີ່ເພີ່ມຂຶ້ນນັ້ນ

No comments

Powered by Blogger.