Header Ads

ເກີດນໍ້າຖ້ວມບາງຈຸດເທສະບານແຂວງເຊກອງ ຈາກຜົນກະທົບພະຍາໂຊນກາ



ເຊກອງ,ວັນທີ 26/07/2017 : ເຫດຝົນຕົກຕິດຕໍ່ກັນຫຼາຍວັນ ຊຶ່ງເຮັດໃຫ້ລະດັບນ້ຳຕາມສາຍຫ້ວຍຕ່າງໆເພີ່ມສູງຂຶ້ນເລື້ອຍໆ ຈົນເກີດນ້ຳຖ້ວມຫຼາຍພື້ນທີ່ຂອງເທສະບານແຂວງເຊກອງ ສົ່ງຜົນໃຫ້ປະຊາຊົນຈຳນວນໜຶ່ງຕ້ອງຂົນເຄື່ອງໃຊ້ສອຍທີ່ຈຳເປັນຈາກທີ່ຢູ່ອາໄສໄປຍັງສະຖານທີ່ສູງ ແລະ ປອດໄພ.



ຕາມການລາຍງານຂອງປະຊາຊົນບ້ານໂພນຄຳເມືອງລະມາມແຂວງເຊກອງໃຫ້ຮູ້ວ່າ: ໃນລະຫວ່າງວັນທີ 24-26 ກໍລະກົດ 2017 ນີ້ ເກີດມີຝົນຕົກໃນລະດັບຄ່ອຍຫາແຮງຈົນເຮັດໃຫ້ນໍ້າໃນສາຍຫ້ວຍຕ່າງໆທີ່ໄຫຼຜ່ານເທສະບານແຂວງເຊກອງ ໂດຍສະເພາະ ສາຍຫ້ວຍປາດຸກເພີ່ມສູງຂຶ້ນເລື້ອຍໆ ຊຶ່ງມາຮອດເວລາປະມານ 21.00 ໂມງຂອງວັນທີ 25 ກໍລະກົດ ນ້ຳຈາກຫ້ວຍດັ່ງກ່າວໄດ້ໄຫຼເຂົ້າຖ້ວມເຮືອນ ແລະ ເນື້ອທີ່ການຜະລິດຂອງປະຊາຊົນຈຳນວນໜຶ່ງໄດ້ຮັບຜົນເສຍຫາຍ.



ແນວໃດກໍຕາມ ຕໍ່ກັບເຫດການດັ່ງກ່າວທາງການນຳເມືອງລະມາມ ກໍຄື ແຂວງເຊກອງໄດ້ສັ່ງໃຫ້ເຈົ້າໜ້າທີ່ກ່ຽວ ຂ້ອງນຳເອົາລົດຈົກໄປນຳເອົາກິ່ງໄມ້ ແລະ ສິ່ງເສດເຫຼືອຕ່າງໆອອກຈາກຮູທໍ່ບາບາຍນໍ້າຕາມເສັ້ນທາງຊອຍ ເພື່ອເປັນການລະບາຍນ້ຳລົງສູ່ແມ່
ນໍ້າເຊກອງ ຊຶ່ງປັດຈຸບັນເຫັນວ່າ ລະດັບນ້ຳມີການລົດລົງຕາມລຳດັບ.







ຂ່າວ : ສັນຍາ ແກ້ວໄຊຍະວົງ
ພາບ : ປີຊາ ສິງສັກສິດ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ

ກົດພາບອ່ານລາຍລະອຽດ

No comments

Powered by Blogger.