Header Ads

ປກສ ແຂວງ ບໍ່ແກ້ວ ໄດ້ປະຖະກະຖາ ຫວນຄືນມູນເຊື້ອ ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 108 ປີ ( 13 / 7 / 1909-13 / 7 / 2017)



ໃນວັນທີ 27 ກໍລະກົດ 2017 ທີ່ຜ່ານມານີ້ ຢູ່ທີ່ກອງບັນຊາການ ປກສ ແຂວງ ບໍ່ແກ້ວ ໄດ້ປະຖະກະຖາ ຫວນຄືນມູນເຊື້ອ ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 108 ປີ ( 13 / 7 / 1909-13 / 7 / 2017).

ໂດຍໃຫ້ກຽດເລົ່າມູນເຊື້ອໃນຄັ້ງນີ້: ຂອງ ທ່ານ ພັອ ລໍາໄພ ຍົດປະໄພ ກໍາມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ບໍ່ແກ້ວ: ປະທານ ສຸພານຸວົງ ເກີດວັນທີ່ 13/7/1909 ທີ່ຫຼວງພະບາງໃນຄອບຄົວເຊື້ອເຈົ້າ, ເປັນໂອລົດຂອງເຈົ້າມະຫາອຸປະຣາດບຸນຄົງ ແລະ ໝອນຄໍາອ້ອຍ ມີເອື້ອຍ 2 ຄົນ ຄື: ເຈົ້າຍິງທະວີວັນ ແລະ ເຈົ້າຍິງຈິນດາຣັດສະໝີ, ມີອ້າຍຕ່າງມານດາ 2 ຄົນ ຄື: ທ່ານ ເຈົ້າເພັດຊະຣາດ ແລະ ເຈົ້າສຸວັນນະພູມມາກາງປີ 1920 ທ່ານໄດ້ເດີນທາງໄປຮຽນຕໍ່ທີ່ ອານແບກຊາໂຣ ທີ່ຮ່າໂນ່ຍປະເທດຫວຽດນາມ ຢູ່ທີ່ນັ້ນ ທ່ານໄດ້ສຶກສາ ວິຊາທໍາມະຊາດ ແລະ ສັງຄົມ, ຮຽນພາສາຕ່າງປະເທດຫຼາຍພາສາ, ຖືກເລືອກເປັນນັກຮຽນດີເດັ່ນຂອງໂຮງຮຽນໂປເຕັກໂຕຣາ ແຫ່ງແຄ້ວນອິນດູຈີນ. ເດືອນຕຸລາ ປີ 1945 ປະທານ ສຸພານຸວົງ ໄດ້ກັບຄືນເສັ້ນທາງເລກທີ 9, ທ່ານໄດ້ຮັບການຕ້ອນຮັບຢ່າງອົບອຸ່ນ ໄດ້ກ່າວຄໍາປາໄສຕໍໍ່ປະຊາຊົນທີ່ມາຮ່ວມຊຸມນຸມວ່າ: ແຜ່ນດິນລາວຕ້ອງແມ່ນຄົນລາວເປັນເຈົ້າຂອງ, ສະນັ້ນພວກເຮົາຕ້ອງມີຄວາມສາມັກຄີຮ່ວມແຮງກັນຕໍ່ສູ້ກູ້ຊາດອັນແສນຮັກຂອງພວກເຮົາຄືນໃຫ້ໄດ້,ນີແມ່ນຈຸດເລີ້ມຕົນແຫ່ງພາລະກິດປະຕິວັດອັນຍິ່ງໃຫຍ່ ຂອງ ປະທານ ສຸພານຸວົງ.



ວັນທີ 13 ສິງຫາ ປີ 1950 ກອງປະຊຸມໃຫຍ່ທົ່ວປະເທດໄດ້ເປີດຂຶ້ນ ເຊິ່ງໄດ້ສ້າງຕັງແນວໂຮມເອກະພາບແຫ້ງຊາດຂຶ້ນຢ່າງເປັນທາງການໂດຍໃສ່ຊື່ວ່າ: ແນວລາວ ອິດສະຫຼະ ໂດຍແມ່ນ ປະທານສຸພານຸວົງເປັນປະທານ, ພາຍໃຕ້ການນໍາພາຂອງທ່ານໆໄດ້ສຸມແນວຄິດໃຫ້ແກ່ການປະຕິວັດ, ສ້າງຄວາມເປັນເອກະພາບ ໃຫ້ແກ່ປະຊາຊົນ, ກໍາແໜ້ນສັດຕູຜູ້ທີ່ມາຮຸກຮານ, ແລະ ກົດລະຍຸດ ການຕໍ່ສູ້ ການທະຫານ ລວມໄປເຖິງ ການເມືອງແນວຄິດອີກດ້ວຍ, ຜົນງານທີ່ເພີ່ນສ້າງມານັ້ນລ້ວນແຕ່ເປັນຜົນງານທີ່ຕ້ອງຈາລຶກໃນປະຫວັດສາດຂອງຊາດລາວ, ນໍາເອົາແນວທ່າງທັດສະນະແນວຄວາມຄິດຂອງທ່ານ ໃຫ້ຄົນລຸ້ນຫຼັງໄດ້ຮັບຮູ້ແລະເຂົົ້າໃຈ ແລະ ປະຕິບັດຢ່າງກົງໄປກົງມາ....



 
ໃນຕອນດຽວກັນນີ້: ທ່ານ ພັທ ວຽງແກ້ວ ພົມມະໃຈ ຫົວໜ້າ ຫ້ອງການເມືອງ ກໍ່ໄດ້ຜ່ານຂໍຕົກລົງ ການເລື່ອນຊັ້ນໃຫ້ນາຍ ແລະ ພົນຕໍາຫຼວດ ຂອງກອງບັນຊາການ ປກສ ແຂວງບໍ່ແກ້ວ

ໃນນີ້: ເລື່ອນຊັ້ນ ຊັ້ນ I ຂຶ້ນ ສິບຕີ 1 ສະຫາຍ ສິບຕີ ຂຶ້ນ ສິບໂທ 28 ສະຫາຍ ຍິງ 3 ສະຫາຍ, ສິບໂທ ຂຶ້ນ ສິບເອກ 4 ສະຫາຍ, ສິບເອກຂຶ້ນ ວາທີ 30 ສະຫາຍ ຍິງ 1 ສະຫາຍ , ວາທີຂຶ້ນ ຮ້ອຍຕີ 15 ສະຫາຍ ຍິງ 2 ສະຫາຍ, ຮ້ອຍຕີ ຂຶ້ນ ຮ້ອຍໂທ 5 ສະຫາຍ.


ຂ່າວ: ຮທ ວິທູນ ແກ້ວກັນຍາ/ປກສ ແຂວງບໍ່ແກ້ວ





------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ


ກົດພາບອ່ານລາຍລະອຽດ

No comments

Powered by Blogger.