Header Ads

ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ໄດ້ເປີດກອງປະຊຸມບັ້ນດໍາເນີນຊີວິດການເມືອງ ປັບປຸງປົວແປງພັກຂອງຄະນະພັກຮາກຖານ ປກສ ເຂດ ຢູ່ທີ່ສະໂມສອນກອງບັນຊາການ ປກສ ເຂດ ເມືອງຕົ້ນເຜິ້ງ ແຂວງບໍ່ແກ້ວ




ໃນຕອນເຊົ້າຂອງວັນທີ 24 ກໍລະກົດ 2017 ຜ່ານມານີ້ ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄໍາ ໄດ້ເປີດກອງປະຊຸມບັ້ນດໍາເນີນຊີວິດການເມືອງ ປັບປຸງປົວແປງພັກຂອງຄະນະພັກຮາກຖານ ປກສ ເຂດ ຢູ່ທີ່ສະໂມສອນກອງບັນຊາການ ປກສ ເຂດ ເມືອງຕົ້ນເຜິ້ງ ແຂວງບໍ່ແກ້ວ. ໂດຍການເປັນປະທານ ຂອງສະຫາຍ ພັທ ມະນີວອນ ຜີວຜາສຸກ ເລຂາຄະນະພັກຮາກຖານ ປກສ ເຂດ, ໃຫ້ກຽດເຂົ້າຮ່ວມຂອງສະຫາຍ ແສງເພັດ ແກ້ວສິງທອງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງບໍ່ແກ້ວ.



ໃນກອງປະຊຸມ ສະຫາຍ ພັທ ມະນີວອນ ຜີວຜາສຸກ ເລຂາຄະນະພັກຮາກຖານ ປກສ ເຂດ ກໍ່ໄດ້ຂື້ນກ່າວເປີດພິທີຢ່າງເປັນທາງການ. ຈາກນັ້ນ, ສະຫາຍ ສົມພອນສຸທໍາ ຮອງເລຂາຄະນະພັກຮາກຖານເຂດ ກໍ່ໄດ້ຂື້ນຜ່ານບົດສະຫຼຸບ ການຈັດຕັ້ງປະຕິບັດວຽກຮອບດ້ານປະຈໍາ 06 ເດືອນຕົ້ນປີ 2017 ແລະ ທິດທາງແຜນການ ປະຈໍາທ້າຍປີ 2017 ຂອງຄະນະພັກຮາກຖານເຂດເສດຖະກິດພິເສດາສມຫຼ່ຽມຄໍາ.

ຕະຫຼອດ 06 ເດືອນຜ່ານມາໃນການເຄື່ອນໄຫວຊີນໍາ-ນໍາພາຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ X ຂອງພັກ, ມະຕິກອງປະຊຸມໃຫຍ່ຄະນະບໍລິຫານງານພັກແຂວງບໍ່ແກ້ວສະໄໝທີ່ V, ແຜນພັດທະນາເສດຖະກິດສັງຄົມ, ວຽກປ້ອງກັນຊາດ-ປ້ອງກັນຄວາມສະຫງົບພາຍໃນເຂດເສດຖະກິດພິເສດສາມຫຼ່ຽມຄໍາ, ຄະນະພັກຮາກຖານ, ຄະນະໜ່ວຍພັກ, ສະຫາຍສະມາຊິກພັກພາຍໃນເຂດໄດ້ຕັ້ງໜ້າຕັ້ງໜ້າປະຕິບັດວຽກງານດ້ວຍຄວາມຮັບຜິດຊອບສູງ ເຊິ່ງເຮັດໃຫ້ຫຼາຍໆວຽກງານໄດ້ຖືກຈັດຕັ້ງປະຕິບັດມີຜົນສໍາເລັດລະອຽດ. ຄະນະພັກຄະນະບັນຊາໄດ້ນໍາເອົາແຜນນະໂຍບາຍຂອງພັກ, ລະບຽບກົດໝາຍຂອງລັດເປັນບ່ອນອີງໃນການປະຕິບັດວຽກງານ, ມີການຊີ້ນໍາ-ນໍາພາຢ່າງໃກ້ຊິດຂອງຄະນະນໍາຂັ້ນຕ່າງໆ, ນໍາພາຈັດຕັ້ງປະຕິບັດ ຕິດຕາມ-ກວດກາ, ປັບປຸງແບບແຜນນໍາພາຢ່າງເປັນປົກກະຕິ, ຈັດຕັ້ງແຜນພັດທະນາເຂດເສດຖະກິດ-ສັງຄົມ, ມີຄວາມເປັນເຈົ້າການ, ຄວາມຮັບຜິດຊອບສູງໃນການຈັດຕັ້ງປະຕິບັດມະຕິຄໍາສັ່ງຂອງຂັ້ນເທິງຂອງບັນດາສະຫາຍສະມາຊິກພັກ ແລະ ພະນັກງານທຸກສະຫາຍ. ທິດທາງແຜນການແມ່ນໄດ້ສືບຕໍ່ເຊື່ອມຊຶມບັນດາເອກະສານ ມະຕິຄໍາສັ່ງຂອງສູນກາງພັກ, ຂອງຄະນະບໍລິຫານງານພັກແຂວງ ແລະ ຂອງອົງຄະນະພັກ ປກສ ແຂວງ, ເອົາໃຈໃສ່ຊີ້ນໍາບັນດາໜ່ວຍພັກໃນວຽກງານກໍ່ສ້າງພັກ, ກໍ່ສ້າງອົງການຈັດຕັ້ງມະຫາຊົນໃຫ້ມີຄວາມເຂັ້ມແຂງ ແລະ ກາຍເປັນໜ່ວຍພັກເຂັ້ມແຂງ-ຮຸ້ນໍາພາຮອບດ້ານ.



ໃນຕອນທ້າຍ ສະຫາຍ ແສງເພັດ ແກ້ວສິງທອງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງບໍ່ແກ້ວ ກໍ່ໄດ້ຮຽກຮ້ອງໃຫ້ບັນດາຄະນະພັກຮາກຖານເຂດ ຕ້ອງໄດ້ນໍາເອົາເນື້ອໄນກອງປະຊຸມ ໄປຜັນຂະຫຍາຍໃຫ້ບັນດາສະມາຊິກພັກ, ພະນັກງານຂອງຕົນ ໄດ້ຮັບຮູ້ຢ່າງເລິກເຊິ່ງ ເພື່ອຫັນການຈັດຕັ້ງປະຕິບັດວຽກງານໃຫ້ເປັນແຜນງານ, ເປັນໂຄງການລະອຽດ, ມີຈຸດສຸມ, ມີການກວດກາ, ຕິດຕາມ, ຊຸກຍູ້, ສະຫຼຸບຖອດຖອນບົດຮຽນ ແລະ ສ່ອງແສງລາຍງານຂໍທິດຊີ້ນໍາຈາກຂັ້ນເທິງຢ່າງເປັນປົກກະຕິ, ເພີ່ມທະວີຄວາມສາມັກຄີພາຍໃນພັກ, ປັບປຸງຂອດປະສານງານລະຫວ່າງຝ່າຍລັດກັບຜູ້ພັດທະນາ-ຜູ້ລົງທືນໃຫ້ດີ ເພື່ອການຈັດຕັ້ງປະຕິບັດວຽກງານການພັດທະນາໃຫ້ມີຄວາມເປັນເອກະພາບ, ໄປຕາມທິດນໍາຂອງຂັ້ນເທິງ ແລະ ເປົ້າໝາຍຂອງການພັດທະນາ ເຂດເສດຖະກິດພິເສດ ຂອງພັກ-ລັດວາງອອກ.



ຂ່າວ: ຮຕ ນາຊູ/ປກສ ແຂວງບໍ່ແກ້ວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ



ກົດພາບອ່ານລາຍລະອຽດ

No comments

Powered by Blogger.