Header Ads

ການລົງທຶນລ້ຽງງົວຢູ່ຊຽງຂວາງກຳລັງໄປດ້ວຍດີ ນັກທຸລະກິດຍີ່ປຸ່ນກຽມສ້າງໂຮງງານບີບນົມງົວ

ຜູ້ບໍລິຫານບໍລິສັດ ພັດທະນາກະສິກຳລາວ-ຍີປຸ່ນ ຊຽງຂວາງຈຳກັດ ເປີດເຜີຍເມື່ອບໍ່ດົນນີ້ວ່າ: ໂຄງການລ້ຽງງົວຂອງບໍລິສັດ ຢູ່ບ້ານລາດແສນ ເມືອງຜາໄຊ ແລະ ບ້ານຄັງສີ ເມືອງແປກ ແຂວງຊຽງຂວາງ ສຳປະທານທີ່ດິນໄປແລ້ວ 500 ເຮັກຕາ ແລະ ໄດ້ລົງທຶນຕົວຈິງແລ້ວ 11 ລ້ານ ໂດລາສະຫະລັດ. ຕະຫຼອດໄລຍະການສຳປະທານ 30 ປີ ນີ້ບໍລິສັດຄາດວ່າຈະລົງທຶນ ທັງໝົດປະມານ 70 ລ້ານ ໂດລາສະຫະລັດ. 

 ບໍລິສັດໄດ້ນຳເຂົ້າງົວຈາກປະເທດ ອົສຕາລີ  3 ຄັ້ງລວມທັງໝົດ 859 ໂຕ ໃນນັ້ນແມ່ນງົວນົມ 250 ໂຕ ມາຮອດປະຈຸບັນນີ້ ງົວແມ່ປະມານ 700 ໂຕ ໄດ້ຮັບການປະສົມພັນທຽມທັງໝົດແລ້ວ ແລະ ດຽວນີ້ກຳລັງເກີດລູກທຸກມື້ (ໃນສອງເດືອນຜ່ານມານີ້ເກີດໄດ້ 80 ໂຕ). 

ສ່ວນແຜນການໃນຕໍ່ໜ້າ ບໍລິສັດຈະສ້າງໂຮງງານບີບນົມງົວທີ່ທັນສະໄໝ ເທື່ອໜຶ່ງ ບີບໄດ້ 100 ໂຕ. ຖ້າບີບເຕັມກຳລັງຈະບີບນົມໄດ້ 25.000 ລິດຕໍ່ມື້;  ສ້າງໂຮງງານຫຸ້ມຫໍ່ນົມ ບັນຈຸນົມເພື່ອເຮັດເປັນກ່ອງ ເປັນຕຸກຂາຍຢູ່ພາຍໃນແຂວງ ແລະ ພາຍໃນປະເທດ. 

ນອກນັ້ນສ້າງໂຮງງານຂ້າສັດທັນສະໄໝ, ສ້າງສາງເຢັນ ແລະ ສ້າງໂຮງງານປາດຊີ້ນ ແລະ ຫຸ້ມຫໍ່ຊິີ້ນເພື່ອຂາຍສົ່ງພາຍໃນ ແລະ ຕ່າງປະເທດ.
ແຫລ່ງຂ່າວຈາກແຂວງຊຽງຂວາງ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.