Header Ads

ຊາວເມືອງແກ່ນທ້າວ ເຕົ້າໂຮມນ້ຳໃຈ ຊ່ວຍປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມ ທີ່ບ້ານ ປົ່ງແດງ ແລະ ບ້ານໜອງ!


ໄຊຍະບູລີ: ໃນວັນທີ 30 ກໍລະກົດ 2017 ພີ່ນ້ອງທີ່ຕົວເມືອງແກ່ນທ້າວ ໄດ້ພ້ອມກັນລະດົມນ້ຳໃຈ ເພື່ອໄປຊ່ວຍເຫຼືອພີ່ນ້ອງ ທີ່ໄດ້ຮັບຜົນກະທົບຈາກໄພນ້ຳຖ້ວມ ໃນວັນທີ 28 ກໍລະກົດ 2017 ຜ່ານມາ. ເຊິ່ງກຸ່ມຄົນໃຈດີທີ່ເມືອງແກ່ນທ້າວ ໄດ້ຊ່ວຍກັນ ລະດົມເອົາອາຫານການກິນ ແລະ ເຄື່ອງໃຊ້ ເພື່ອໄປຊ່ວຍບັນເທົ່າທຸກ ແກ່ຜູ່ໄດ້ຮັບຜົນກະທົບ. ເຊິ່ງການຊ່ວຍເຫຼືອຄັ້ງນີ້ແມ່ນໄດ້ຊ່ວຍ ບ້ານປົ່ງແດງ ແລະ ບ້ານ ຫນອງ ເມືອງແກ່ນທ້າວ.

ຈາກການລາຍງານ ພາຍຫຼັງນໍ້າບົກແຫ່ງ ເຫັນວ່າ ຫຼາຍຄອບຄົວໄດ້ຮັບຜົນກະທົບ, ໂດຍສະເພາະ ເຮືອນຊານທີ່ຕ້ອງໄດ້ ພ້ອມກັນທຳຄວາມສະອາດໃຫຍ່ ເພາະລະດັບນ້ຳຖ້ວມ ເກືອບຮອດຊັ້ນທີ່ສອງຂອງເຮືອນ.  ຂີ້ເຫຍື້ອ ທີ່ນ້ຳຊຸໄຫຼມາ, ຊາວບ້ານໄດ້ພາກັນອອກແຮງງານ ຊ່ວຍກັນໄປແຕ່ລະຫຼັງ ເພື່ອທຳຄວາມສະອາດ.

ປະຈຸບັນ ປະຊາຊົນ ແມ່ນຍັງຕ້ອງການຄວາມຊ່ວຍເຫຼືອ, ຈິ່ງຮຽກຮ້ອງຜູ່ໃຈດີ ທີ່ມີເງື່ອນໄຂໄດ້ແບ່ງປັນນ້ຳໃຈມາຊ່ວຍ ປະຊາຊົນທີ່ໄດ້ຮັບຜົນກະທົບແດ່. ໂທ 020 23235555 ( 020 98181818 )

ພາບແລະຂ່າວ: ປະຊາຊົນ ເມືອງແກ່ນທ້າວ























ຂ່າວກ່ອນໜ້ານີ້


ໄຊຍະບູລີ:  ງານງານຈາກ ປາກແຄມ ສະຕູດີໂອ ກັບຜົນກະທົບຂອງໄພນ້ຳຖ້ວມ ໃນວັນທີ 28 ກໍລະກົດ 2017 ຜ່ານມາ. ນີ້ແມ່ນວີດີໂອ ແລະ ຮູບພາບຜົນເສຍຫາຍຈາກພາຍຸເຂົາ ເຂດບ້ານ ປາກຕົມ ປາກແຄມ ຫ້ວຍເລິກ ວັງປູນ ນຳ້ເຕົ່າ ແລະ ບ້ານໜອງ ປົ່ງແດງ ເມືອງແກ່ນທ້າວ ແຂວງ ໄຊຍະບູລີ .

ປະຈຸບັນ, ທາງໜ່ວຍງານກ່ຽວຂ້ອງກຳລັງຂົນຂວາຍ ເພື່ອຊ່ວຍເຫຼືອຜູ່ໄດ້ຮັບຜົນກະທົບ.

ລາຍງານຂ່າວຈາກທີມງານ: Pakkhem Studio - ປາກແຄມ ສະຕູດີໂອ
ລົງວັນທີ 28/07/2017

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com
ກົດພາບອ່ານລາຍລະອຽດ


ກົດພາບອ່ານລາຍລະອຽດ

No comments

Powered by Blogger.