Header Ads

ອຳນາດການປົກຄອງ ແຂວງສາລະວັນ ເລັ່ງໃຫ້ການຊ່ວຍເຫລືອປະຊາຊົນບ້ານອາຊິງໃຕ້! ຊົມເຊີຍ ທຸກທ່ານທີ່ໃຫ້ການຊ່ວຍເຫຼືອ!



ອຳນາດການປົກຄອງ ແຂວງສາລະວັນ ເລັ່ງໃຫ້ການຊ່ວຍເຫລືອປະຊາຊົນບ້ານອາຊິງ ເມືອງສະໝ້ວຍ ແຂວງສາລະວັນ.

ໂດຍໃນມື້ນີ້ 14/7/2017 ຊາວຫນຸ່ມແລະແມ່ ຍິງຈຳນວນຫຼາຍ ໄດ້ຂົນບັນດາອາຫານການກິນທີ່ໄດ້ຈາກການຊ່ວຍເຫລືອ ຈາກພາກສ່ວນຕ່າງໆ ບຸປ່າຜ່ານໍໍ້າດ້ວຍການຍ່າງແລະຂີ່ລົດຈັກ; ເນື່ອງຈາກລົດໃຫຍ່ເຂົ້າໄປບໍ່ສະດວກ ເພາະຕ້ອງຂຶ້ນພູລົງຫ້ວຍ. ທ່າມກາງສະພາບອາກາດ ທີ່ຫຍຸ້ງຍາກເນື່ອງຈາກມີຝົນຕົກລົງມາ 

ສຳລັບທ່ານໃດທີ່ປະສົງຈະໃຫ້ການຊ່ວຍເຫລືອວັດຖຸເງິນຄໍາຕ່າງໆ ແມ່ນປະສານຫາມູນນິທິຊ່ວຍເຫຼືອຄົນທຸກຍາກສາຂານະຄອນຫຼວງວຽງຈັນ,ວັດພຸດທະສະຖານຫຼັກ29 ທາງ13ໄຕ້ບ້ານໂພນສະຫວັນເມືອງໄຊທານີ ນະຄອນຫລວງວຽງຈັນ,
ທ່ານພຣະອາຈາຣຍ໌ພົງສະຫວັນ ອານຸສິນ 020 9789 4514.
ທ່ານ ພຣະອາຈາຣຍ໌ຄຳປະສົງ ວົງວິຫານ 030 5146 245
ເຊິ່ງຈະອອກເດີນທາງເວລາ7ໂມງເຊົ້າວັນພຸດຂອງວັນທີ19/07/2017.


----------------

ແຫຼ່ງຂ່າວຈາກເມືອງສະໝ້ວຍແຂວງສາລະວັນແຈ້ງໃຫ້ຮູ້ວ່າ: ເຫດການໄຟໄໝ້ເກີດຂຶ້ນ ໃນເວລາປະມານບ່າຍໂມງຂອງວັນທີ 11 ກໍລະກົດ 2017 ຜ່ານມາ ຍ້ອນປະຊາຊົນດັງໄຟຢູ່ໃນເຮືອນ ແລ້ວໄຟໄໝ້ລາມ ໄປຕາມດົ້ນຟືນແລະຕິດໃສ່ຝາເຮືອນ ຈິ່ງເກີດການໄໝ້ຢ່າງໄວວາຈົນເອົາຫຍັງບໍ່ທັນ ແລະໄດ້ລາມໄປໃສ່ຫຼັງອື່ນໆຢ່າງໄວວາ.

ນີ້ນັບເປັນເຫດການໄຟໄໝ້ຄັ້ງຮ້າຍແຮງຄັ້ງປະຫວັດສາດ ເຮັດໃຫ້ 33 ຫຼັງຄາເຮືອນໃນທັງໝົດ 34 ຫຼັງທີ່ມີຢູ່ບ້ານອາຊີງຖືກໄໝ້ເປັນເຖົ່າຖ່ານ ຍ້ອນວ່າເຮືອນແຕ່ລະຫຼັງຢູ່ຖີ່ກັນເມື່ອໄໝ້ຫຼັງໜຶ່ງແລ້ວຈິ່ງລາມຫາຫຼັງອື່ນໆຢ່າງງ່າຍດາຍ.

ໃນວັນທີ 13 ກໍລະກົດນີ້ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງສາລະວັນ ໄດ້ນຳພາພະນັກງານລັດຈຳນວນໜຶ່ງ ຈາກແຂວງ ແລະເມືອງນຳເຂົ້າສານອາຫານແຫ້ງ, ເຄື່ອງນຸ່ງຮົ່ມ, ຜ້າຫົ່ມ ແລະມຸ້ງໄປມອບໃຫ້ຊາວບ້ານ ທັງລະດົມພະນັກງານລັດໄປສົມທົບກັບປະຊາຊົນ ເພື່ອປຸກຕູບໃຫ້ຊາວບ້ານ 180 ກວ່າຊີວິດໄດ້ມີບ່ອນ ພັກອາໄສຊົ່ວຄາວໄປກ່ອນ.

ປັດຈຸບັນ ພາກສ່ວນຕ່າງໆ ກຳລັງສົມທົບກັນເພື່ອໄປປຸກສ້າງທີ່ຢູ່ອາໄສຊົ່ວຄາວໃຫ້ປະຊາຊົນ ເພາະຫາກພາຍຸເຂົ້າ ຫລື ຝົນຕົກຈະເຮັດໃຫ້ປະຊາຊົນພົບຄວາມຫຍຸ້ງຍາກຫຼາຍຂຶ້ນ.
ບ້ານອາຊີງເມືອງສະໝ້ວຍ ແຂວງສາລະວັນ ທີ່ຕັ້ງຢູ່ຫ່າງຈາກເທດສະບານແຂວງໄປ 100 ກວ່າກິໂລແມັດ ແລະຫ່າງຈາກເມືອງສະໝ້ວຍ 10 ກວ່າກິໂລ


-----------------

Laos Update : ໃຫ້ທ່ານຫຼາຍກວ່າຂ່າວ

No comments

Powered by Blogger.