Header Ads

ໜ່ວຍດັບໄຟ ແລະ ອາສາກູ້ໄພ ຕໍ່ສູ້ສະກັດໄຟໄໝ້ ຕະຫຼາດຊັງຈຽງໝົດຄືນ!


ນະຄອນຫຼວງວຽງຈັນ: ລາຍງານຈາກ 1623​ ຕໍ່ກັບສະຖານະການ ຄວບຄຸມໄຟໄໝ້ ຕະຫຼາດຊັງຈຽງ ທີ່ເກີດລຸກໄໝ້ ແຕ່ເວລາປະມານ 17:00 ໂມງ ຂອງວັນທີ 14/07/2017. ສະພາບເພີງແມ່ນໄໝ້ ດ້ວຍຄວາມຮຸນແຮງ ແລະ ລຸກລາມເປັນຂະຫນາດກວ້າງເຮັດໃຫ້ການດັບເພີງຍືດເຍື້ອມາຮອດປະຈຸບັນ (00:30 ໂມງ ຂອງວັນທີ 15/07/2017) ແຕ່ຍັງບໍ່ສາມາດມອດໄຟໄດ້ທັງຫມົດ ແຕ່ສາມາດຄວບຄຸມສະຖານະການດ້ານນອກບໍ່ໃຫ້ລຸກລາມໄດ້ລະດັບຫນຶ່ງ.

ຫນ່ວຍກູ້ໄພມູນນິທິ ປະສານງານກັບໜ່ວຍມອບໄຟ ແລະ ກູ້ໄພຂອງຫຼາຍໜ່ວຍງານ ແມ່ນໄດ້ຕັ້ງສູນສັ່ງການຢູ່ທີ່ຈຸດເກີດເຫດພ້ອມອາສາສະຫມັກ 90 ສະຫາຍ, ທີມມອດໄຟ, ອຸປະກອນ, ອາຫານ ແລະ ເຄື່ອງດື່ມຈຳນວນຫນຶ່ງ ພ້ອມແບ່ງທີມກັນເຂົ້າມອດໄຟໂດຍການຕີວົງລ້ອມຈາກທາງນອກແລ້ວຄ່ອຍໆສຸມກຳລັງເຂົ້າມອດໄຟພາຍໃນໂຕອາຄານ ການມອດໄຟຕ້ອງໄດ້ໃຊ້ເວລາເນື່ອງຈາກຈຳນວນລົດດັບເພີງ ແລະ ອາສາທີ່ຈຳກັດ.

ໄຟໄໝ້ຕະຫຼາດຊັ່ງຈຽງ ຖືວ່າຮຸນແຮງຫຼາຍທີ່ສຸດ ເມື່ອທຽບກັບເຫດການໄຟໄໝ້ຕະຫຼາດທົ່ງຂັນຄຳເມື່ອສາມສີ່ປີກ່ອນ ທີ່ວ່າຮຸນແຮງແລ້ວ, ຄັ້ງນີ້ແມ່ນຮ້າຍແຮງກວ່າ.




ລວມຄລິບທຸກມູມ ບັນທຶກເຫດໄຟໄໝ້ ຕະຫຼາດຊັງຈຽງ ເວລາ ປະມານ 17:30 ວັນທີ 14/7/2017

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.