Header Ads

ໄຟໄໝ້ເຮືອນປະຊາຊົນທີ່ ບ້ານຫ້ວຍຫົງ! ໄໝ້ກ້ຽງ (ມີຄລິບ)


ນະຄອນຫຼວງວຽງຈັນ: ລາຍງານຈາກ 1628 ໃຫ້ຮູ້ວ່າ ໃນວັນຈັນ ວັນທີ 17/07/2017 ເວລາ11:10 ນາທີ
ໄດ້ຮັບແຈ້ງເຂົ້າເບີສຸກເສີນ 1628 ວ່າມີເຫດໄຟໄໝ້ເຮືອນປະຊາຊົນ ເຂດບ້ານຫ້ວຍຫົງ ເມືອງຈັນທະບູລີ ນະຄອນຫລວງວຽງຈັນ.


ໜ່ວຍກູ້ໄພມູນນິທິຈີນໄດ້ອອກກວດສອບເຫດພົບເຫັນໄຟກຳລັງລຸກແຮງພາຍໃນເຮືອນ ດັ່ງນັ້ນ ໜ່ວຍກູ້ໄພມູນນິທິຈີນໄດ້ກັ້ນຄົນອອກຈາກຈຸດເກີດເຫດແລະຊ່ວຍໜ່ວຍກູ້ໄພ 1623. 1625. ຜາສຸກ ແລະເຈົ້າໜ້າທີ່ມອດໄຟນະຄອນຫລວງ (ຫຼືດັບເພີງ)ໄດ້ຄວບຄຸມເພີງເປັນທີ່ຮຽບຮ້ອຍ.



ຄວາມເສຍຫາຍແມ່ນ: ເຮືອນ 1 ຫຼັງ ,​ ລົດຈັກ 2 ຄັນ  ແລະ ເຄື່ອງໃຊ້ຕ່າງໆ. ສ່ວນມູນຄ່າເສຍຫາຍ ແລະ ສາເຫດ ເຮັດໃຫ້ໄຟໄຫມ້ແມ່ນຢູ່ໃນການສຶບສວນ-ສອບສວນຂອງເຈົ້າໜ້າທີ່.

ນີ້ເປັນເຫດໄຟໄໝ້ ທີ່ໜ້າເປັນຫ່ວງ ເພາະ ວັນທີ 14/7/2017 ຜ່ານມາກໍ່ເກີດໄຟໄໝ້ໃຫຍ່ ທີ່ຕະຫຼາດຊັ່ງຈ່ຽງ ທີ່ເຮັດໃຫ້ຮ້ານຄ້າ ຫຼາຍກວ່າ 430 ຮ້ານວອດວາຍດັບໄປກັບກອງເພີງ.

ພາບແລະຂ່າວ: 1628



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com



No comments

Powered by Blogger.