Header Ads

ການມອບການຊ່ວຍເຫຼືອແກ່ປະຊາຊົນ ບ້ານອາຊິງໃຕ້ ໄດ້ຮັບຜົນສຳເລັດຕາມແຜນ! ປະຊາຊົນຝາກຄວາມຂອບໃຈ ມາຍັງທຸກທ່ານ!


ລາຍງານຈາກຄະນະທີມງານ ທີ່ເດີນທາງໄປຊ່ວຍ ປະຊາຊົນບ້ານອາຊິງໃຕ້, ເມືອງສະໝ້ວຍ, ແຂວງສະລະວັນ ທີ່ນຳພາໂດຍ ພຣະອາຈານ ພົງສະຫວັນ ອານຸສິນ ໃຫ້ຮູ້ວ່າ ພາລະກິດຊ່ວຍເຫຼືອປະຊາຊົນບ້ານອາຊິງໄຕ້ເມືອງສະໝ້ວຍ,ແຂວງສາລະວັນ ໃນວັນທີ 19-20 ກໍລະກົດ 2017 ໃນຄັ້ງນີ້ຖືວ່າຈົບລົງໄດ້ຢ່າງສົມບູນແບບ. ສັງກະສີທັງຫມົດສຳລັບ 35 ຫຼັງຄາເຮືອນແມ່ນໄດ້ມອບໃຫ້ຄົບຖ້ວນແລ້ວ, ດັ່ງນັ້ນຈື່ງແຈ້ງຂ່າວໃຫ້ປະຊາຊົນລາວທົ່ວປະເທດໄດ້ຮັບຮູ້ນຳກັນ.

ສະແດງຄວາມຂອບໃຈມາຍັງທຸກພາກສ່ວນທີ່ປະກອບສ່ວນວັດຖຸປັດໃຈ, ສິ່ງຂອງ, ຊ່ວຍປະຊາສຳພັນ ລະດົມນ້ຳໃຈ ເຮັດໃຫ້ການຂົນຂວາຍ ຄັ້ງນີ້ ສຳເລັດໄປຢ່າງໄດ້ຮັບຜົນສຳເລັດ ອັນເປັນການບົ່ງບອກ ເຖິງ ຄວາມມີນ້ຳໃຈ ຂອງປະຊາຊົນລາວທົ່ວປະເທດ ແລະ ການເປັນຫ່ວງເປັນນໃຍ ຈາກພາກລັດ ໂດຍສະເພາະ ສູນກາງແນວລາວສ້າງຊາດ ແລະ ອົງການພຸດທະສາສະນາ ສຳພັນລາວ ທີ່ເປັນຜູ່ນຳພາ ເພື່ອຊ່ວຍວິກິດໃນຄັ້ງນີ້.




ນະຄອນຫຼວງວຽງຈັນ: ໃນຕອນເຊົ້າ ວັນທີ 19 ກໍລະກົດ 2017 ຂະບວນລົດຊ່ວຍເຫຼືອ ຜູ່ປະສົບອັກຄີໄພ ໂດຍການນຳພາຂອງສູນກາງແນວລາວສ້າງຊາດ, ອົງການພຸດທະສາສະນາສຳພັນລາວ ແລະ ມູນນິທິຄົນທຸກຍາກແຫ່ງ ສປປລາວ ແລະ ພາກສ່ວນຕ່າງໆ ທີ່ເຕົ້າໂຮມນ້ຳໃຈ ໄປຊ່ວຍ ປະຊາຊົນ ບ້ານອາຊິງໃຕ້, ເມືອງສະໝ້ວຍ, ແຂວງສາລະວັນ. ທີເກີດເຫດໄຟໄໝ້ ໝົດບ້ານ ໃນວັນທີ 11 ກໍລະກົດ ທີ່ຜ່ານມາ.




ຂໍອວຍພອນໃຫ້ທາງຂະບວນເດີນທາງດ້ວຍຄວາມສະຫວັດດີພາບ ແລະ ໄປເຖິງຈຸດໝາຍຢ່າງປອດໄພ. ຝາກສະບາຍດີ ແລະ ເປັນກຳລັງໃຈ ແກ່ ພີ່ນ້ອງ ປະຊາຊົນ ບ້ານອາຊິງໃຕ້ ນຳເດີ.

ພາບແລະຂ່າວ: ພຣະອາຈານ ພົງສະຫວັນ ອານຸສິນ







ຂ່າວກ່ອນໜ້ານີ້





ຊາວບບ້ານອາຊີງ ເມືອງສະໝ້ວຍ ແຂວງສາລະວັນ ໄດ້ປະສົບເຫດອັກຄີໄພຄັ້ງຮ້າຍແຮງ ໃນຊີວິດເຮືອນ 33 ໃນ 34 ຫຼັງຄາທົ່ວບ້ານຖືກໄໝ້ເຫຼືອພຽງເຖົ່າຖ່ານ ປະຈຸບັນປະຊາຊົນຂາດທີ່ຢູ່ອາໄສຕ້ອງການອາຫານການກິນຕ່າງໆ ສ່ວນອຳນາດການປົກຄອງແຂວງຮີບລະດົມກຳລັງໄປຊ່ວຍປຸກຕູບໃຫ້ຢູ່ບັນເທົາທຸກຊົ່ວຄາວ.








































ແຫຼ່ງຂ່າວຈາກເມືອງສະໝ້ວຍແຂວງສາລະວັນແຈ້ງວ່າ: ໃນເວລາປະມານຕອນບ່າຍຂອງວັນທີ 11 ກໍລະກົດ 2017 ຜ່ານມາໄດ້ເກີດເຫດໄຟໄໝ້ຢ່າງຮຸນແຮງຍ້ອນຊາວບ້ານດັງໄຟຢູ່ໃນເຮືອນ ອາດຈະແມ່ນດົ້ນຟືນຍາວ ແລະໄຟໄໝ້ລາວໄປໃສ່ຝາເຮືອນເຮັດໃຫ້ 33 ຫຼັງຄາເຮືອນໃນທັງໝົດ 34 ຫຼັງທີ່ມີຢູ່ບ້ານອາຊີງຖືກໄໝ້ຈົນໝົດ.

ທ່ານໃດຕ້ອງການຊ່ວຍເຫຼືອຜູ່ເຄາະຮ້າຍໃນຄັ້ງນີ້ສາມາດພົວພັນຫາເບີ 02058488864  ທ່ານສົມສັກ, ຫົວໜ້າຫ້ອງວ່າການເມືອງສະໝ້ວຍ.

ນະຄອນຫຼວງວຽງຈັນ:
ສະຖານທີ່ຮັບເຄື່ອງບໍລິຈາກ
ວັດມູນນິທິຫລັກ29,ທາງ13ໄຕ້ບ້ານໂພນສະຫວັນເມືອງໄຊທານີ ນະຄອນຫລວງວຽງຈັນ,
ທ່ານພຣະອາຈາຣຍ໌ພົງສະຫວັນ ອານຸສິນ 020 9789 4514.
ທ່ານ ພຣະອາຈາຣຍ໌ຄຳປະສົງ ວົງວິຫານ 030 5146 245



ປະຈຸບັນຊາວບ້ານທັງໝົດໃນ 33 ຄອບຄົວແມ່ນຂາດທີ່ຢູ່ອາໄສ ແລະອາຫານການກິນ, ສະນັ້ນນັບແຕ່ວັນທີ 12 ກໍລະກົດເປັນຕົ້ນມາທາງເຈົ້າໜ້າທີ່ກ່ຽວຂ້ອງຂອງເມືອງໄດ້ທະຍອຍໃຫ້ການຊ່ວຍເຫຼືອສິ່ງຈຳເປັນຕ່າງໆໄປແກ້ໄຂຄວາມເປັນຢູ່ໃນເບື້ອງຕົ້ນກ່ອນ.




ແລະໃນວັນທີ 13 ກໍລະກົດນີ້ ທ່ານ ຫົວໜ້າພະແນກແຮງງານ ແລະສະຫວັດດີການສັງຄົມແຂວງສາລະວັນໄດ້ນຳພາພະນັກງານລັດຈຳນວນໜຶ່ງ ນຳເຂົ້າສານອາຫານແຫ້ງ, ເຄື່ອງນຸ່ງຮົ່ມ, ຜ້າຫົ່ມ ແລະມຸ້ງໄປມອບໃຫ້ຊາວບ້ານ ຈາກນີ້ກໍ່ໄດ້ລະດົມພະນັກງານລັດໄປຊ່ວຍປະຊາຊົນປຸກຕູບໃຫ້ມີບ່ອນຊົ່ວຄາວຫຼັງຈາກນັ້ນຄ່ອຍຫາທາງແກ້ໄຂໃນຂັ້ນຕໍ່ໄປ.
















------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com


No comments

Powered by Blogger.