Header Ads

ມອບເຄື່ອງຊ່ວຍເຫຼືອໃຫ້ປະຊາຊົນບ້ານອາຊິງໃຕ້ ຈາກເຫດອັກຄີໄຟ

ໃນວັນ 20 ກໍລະກົດນີ້ ທີ່ຫ້ອງການສະພາປະຊາຊົນແຂວງສາລະວັນ ທ່ານ ນາງ ສ່ວນສະຫັວນ ວິຍາເກດ ກຳມະການສຳຮອງສູນກາງພັກ, ຄະນະປະຈຳສະພາແຫ່ງຊາດ, ເລຂາທິການສະພາແຫ່ງຊາດ, ທັງແມ່ນສະມາຊິກສະພາແຫ່ງຊາດປະຈຳເຂດເລືອກຕັ້ງທີ 14 ແຂວງສາລະວັນ ໄດ້ນຳເອົາເຄື່ອງຊ່ວຍເຫຼືອທີ່ໄດ້ຈາກການລະດົມນຳກຸ່ມບໍລິສັດໂຊກໄຊ ປະກອບມີ: ສັງກະສີ 700 ແຜ່ນ ແລະເຂົ້າສານ 3,5 ໂຕນ, ຄິດເປັນມູນຄ່າ 50 ລ້ານກີບ, ມາມອບໃຫ້ປະຊາຊົນ ບ້ານອາຊີງໄຕ້ເມືອງສະໝ້ວຍທີ່ປະສົບເຄາະຮ້າຍຈາກໄຟໄໝ້ ເຮືອນ 33 ຫຼັງຄາ ໃນຄັ້ງວັນທີ 12/07/2017 ຜ່ານມາ.
    ຈາກນັ້ນ ທ່ານ ຄຳເຫຼັກ ອິນດາວົງກຳມະການພັກແຂວງ ປະທານສະພາປະຊາຊົນແຂວງສາລະວັນ ກໍ່ໄດ້ມອບຜ້າຮົມ ແລະເຂົ້າສານ, ຄິດເປັນມູນຄ່າ 3 ລ້ານກີບ,  ພິທີມອບຮັບໄດ້ຈັດຂຶ້ນໃນວັນ 20 ກໍລະກົດນີ້ ທີ່ຫ້ອງການສະພາປະຊາຊົນແຂວງສາລະວັນ ຕ່າງໜ້າຮັບໂດຍ ທ່ານ ບຸນນານ ປັນຍາຈັກ ຮອງເລຂາພັກເມືອງ, ປະທານກວດກາ,ສະມາຊິກສະພາປະຊາຊົນແຂວງສາລະວັນເມືອງສະໝ້ວຍ, ໂດຍມີພາກສ່ວນທີກຽ່ວຂ້ອງເຂົ້າຮວ່ມເປັນສັກຂີພິຍານ. 

 
  



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com




ກົດພາບອ່ານລາຍລະອຽດ

No comments

Powered by Blogger.